███ قصيده مع مجاراتها من اكثر من شاعر███

كتبت في احد المنتديات خاطره عباره عن سته ابيات فاثارت قريحه الشعار الموجودين وجارو القصيده

هذه قصيدتي واكتب في المنتدى باسم ( ابو زياد)

[poem=font="Arial,4,#4b0082,bold,normal" bkcolor="#48d1cc" bkimage="" border="double,4,#ff0000" type=0 line=0 align=center use=ex num="0,"]



انا بسيط وغايتي في البساطه = لافك مربوط ولا اعقد رباطه
متجنب الدنيا الدنيه وشرها = وماشي على الدين الحنيف وسراطه
راضي برزقي يوم ربي مقدره=وادعيه ما بيني وبينه وساطه
وارجيه يغفر لي ويقبل لتوبتي = في يوم يلقى المحسنين انبساطه
مكثر ذنوبي يوم فكر وعدها = تحيط بي ويا شينها من احاطه
واليوم ندمان على كل مامضى=ماهو كلام الكذب ولا عباطه[/poem]


قال شاعر اسمه (ذيب هرشا )


[poem=font="Arial,4,#0000ff,bold,normal" bkcolor="#ffc0cb" bkimage="" border="solid,4,#144273" type=0 line=0 align=center use=ex num="0,"]
ابـو زيـاد ولا تغطـه غطـاطـه=أدلى بحرف وحـط فوقـه نقاطـه
ولا هو من اللي لابدع جاب هيـن=تلقى هروجه خالطتهـا الصماطـه
يبقى يحث اللي لهم قـول يسمـع=شعـار كـل سـايـر بانظبـاطـه
وانا رصيدي فايضـة بـه بنوكـي=والاّ رصيد البعض فـوق البلاطـه
الصعب مايصعب ونحرق لجاجتـه=يالين حرف القاف تـورح شواطـه
ولا اقول مابعـدي ومافيـه قدّنـا=كل علـى ماقيـل يحمـي بساطـه
وكل بذنبـه ماحمـل ذنـب غيـره=ومااكثر خطأ ابن آدم ومااكثر لغاطه
ويالله تغفر زلتي وانـت مسنـدي=حيث ان جسمي مثل عود الحماطه
وجاريت شاعر قال في قاف سجله=بلحـن هلاليـا وطـاب ارتباطـه
غنى به الشبان في قنـص بالفـلا=يـوم كـل زايـد فـي نشـاطـه
ريح الخزاما والنفـل والشمطـري=وبـن وهيـل شوشـوا باختلاطـه[/poem]


وقال شاعر اخر اسمه ( جبريل )

[poem=font="Arial,4,#800080,bold,normal" bkcolor="#fff2f7" bkimage="" border="solid,4,#000080" type=0 line=0 align=center use=ex num="0,"]


انت البسيط وممتنع بالبساطه = يلقى بك الشاعر هنا وانبساطه
ماظن شعرك جا من بوح خاطر = لابد قد قاسيت صلوا سراطه
الذنب عقب الذنب يوذي حياتك = ومع كل اذى حقين كف واماطه
الذنب مثل الجرح لا ترك انفتق =الفتق بيدك وبيد ربك خياطه
ولا تم شي وصار ما ينفع الندم = مافاد عوجك يالحدايد خراطه
وما فاد لو تندب زمانك وتعتذر = من دون توبه ناصح وانظباطه
الهم جلّه والدعا اكثر من الدعا = والله فرش لك يا المنادي بساطه
نفس الفتى تلقى جزاها وقدرها =فيا سعد عينه لو تعالت نقاطه
قلته وانا لي في التجاريب حقي = عديت روس الطايله والبلاطه[/poem]



وقال شاعر اخر اسمه ( المهلي مايولي )
[poem=font="Arial,4,#8b0000,bold,normal" bkcolor="#c0c0c0" bkimage="" border="solid,4,#2e8b57" type=0 line=0 align=center use=ex num="0,"]



أبو زياد الله على الزين حاطه = ونظم قصيد اليوم جدد نشاطه
ماشي بدنياه الوسيعه يفرها = ودربه على سنوع الرياجيل خاطه
متعلي بالدين ولا أحد يحدره=وبدينه الشيطان تورح شياطه
يالله تقبل توبته مع توبتي = ومن تاب لك يارب تمحي إنشطاطه
من تاب ياعالم ذنوبه هدها= لو كانت جبال على الارض حاطه
وصلاة ربي عد مايوم قضى= على نبي شالنا في سماطه [/poem]


وقال شاعر اخر اسمه (ولد تميم )[poem=font="Arial,4,#008000,bold,normal" bkcolor="#f5deb3" bkimage="" border="solid,4,#4b0082" type=0 line=0 align=center use=ex num="0,"]



جانا خوي الخير ينقط نقاطه=في ستةٍ مرضوفةٍ بالبساطة
الله أكبر والشعر فيني يسري=سيّرت خيلي من بلاغة سياطه
ثمّ ابْحَرَتْ بالخيل مَعْ بحر فكري=سفينةٍ والموج هايل نشاطه
يا ليلةٍ هلّ الفؤاد العباري=يبكي وليفه لين قطّع نياطه
هذي نصيحة من متيّم خليله =وخّر عن الحب الصعب وارتباطه



[/poem]


وقال شاعر اخر اسمه ( محمد ناوي الرميح )


[poem=font="Arial,4,#ff0000,bold,normal" bkcolor="#ffffff" bkimage="" border="solid,4,#8b0000" type=0 line=0 align=center use=ex num="0,"]
دنياك هـذي مثـل نقـش البلاطـه=ماينفـع المحطـاط كثـر الاحاطـه
2 من كل صوب اليوم كثرت اورودهـا=وفوق الحروف اليوم ناظـع انقاطـه
3 اقولهـا بالعلـم واجهـر ولااختشـي=وكل(ن) علا ماقيـل يبـدى نشاطـه
4 وعلم(ن) بدون اثبات يذهب مع الهوى=عن مركب الواقع سريـع انحطاطـه
5 يارب توبه تغسـل الذنـب والخطـا=يالله عسى حظـي معـك برتباطـه
6 وهـذا كلامـي بالمجـارا واعيدهـا=ولاني من اللي نجدته فـي اغلاطـه [/poem]

وعليكم السلام ورحمة الله وبركاته

تحية اجلال وإكبار ايها الاخ العزيز قصيده هلاليه راقت لي وصح الله لسانك وعلا شانك..

ولا هان من جاراها تستحق المجاراه..

صح لسانك قصيدة جميلة ومجارة جميلة من الأخوان
بارك الله فيك

[poem=font="arial,5,#000000,bold,normal" bkcolor="#ffffff" bkimage="backgrounds/17.gif" border="solid,3,#ff0000" type=0 line=0 align=center use=ex num="0,"]
انت البسيط ولاتعرف المهايط= يوماً بعض الناس مكثر هيا طه
وشاعر تعرف الشعر وتعرف معناه = وتقدر تعوم البحر موجه وشاطه
وتطلب من المعبود جزل العطايا = منته سوات الي كثيراً اشباطه
متكلفن باداب العمى والانسان= ومتكلفاً حتى برزق القطاطه
واقبل تحياتي وكل احترامي = مادامة ان القاف رابطه باطه[/poem]

صح لســآنـكـ أخوي الزيـدآآآني ..

بيض الله وجهــكـ ...

صح لسانك يالزيداني



تحياتي لك

	المشاركة الأصلية كتبت بواسطة خالد الياسي

	وعليكم السلام ورحمة الله وبركاته تحية اجلال وإكبار ايها الاخ العزيز قصيده هلاليه راقت لي وصح الله لسانك وعلا شانك.. ولا هان من جاراها تستحق المجاراه..

حياك الله اخي خالد الياسي
اشكرك على طيب الاطراء

	المشاركة الأصلية كتبت بواسطة أبو حمدان

	صح لسانك قصيدة جميلة ومجارة جميلة من الأخوان بارك الله فيك

الله يحيك اخوي ابو حمدان
شرفني تعليقك ومرورك الطيب

	المشاركة الأصلية كتبت بواسطة جميل المطرفي الهذلي

	[poem=font="arial,5,#000000,bold,normal" bkcolor="#ffffff" bkimage="backgrounds/17.gif" border="solid,3,#ff0000" type=0 line=0 align=center use=ex num="0,"] انت البسيط ولاتعرف المهايط= يوماً بعض الناس مكثر هيا طه وشاعر تعرف الشعر وتعرف معناه = وتقدر تعوم البحر موجه وشاطه وتطلب من المعبود جزل العطايا = منته سوات الي كثيراً اشباطه متكلفن باداب العمى والانسان= ومتكلفاً حتى برزق القطاطه واقبل تحياتي وكل احترامي = مادامة ان القاف رابطه باطه[/poem]

صح لسانك اخوي جميل
شاعر شهادتي فيك مجروحه
زدت الموضوع جمالاً بمجاراتك الطيبه

	المشاركة الأصلية كتبت بواسطة ابو محمد الخالدي

	صح لسانك يالزيداني تحياتي لك

صح بدنك ابو محمد الخالدي
شرفني وجودك دمت في خير

صح لسانك يا الزيداني

قصيده جميله

تطلق وجهك


و رد الاخوان كان رائع


صح لسانك


شكرا لك

	المشاركة الأصلية كتبت بواسطة عز الرفيق

	صح لسانك يا الزيداني قصيده جميله تطلق وجهك و رد الاخوان كان رائع صح لسانك شكرا لك

حياك الله اخوي عز الرفيق
شرفني مرورك الكريم