000 هـــجر محـــبوب 000

[align=center]
هــنيت يــا مـنــهو مــن العــقل مســـلوب
ما يجــرحــه لــوم ولا يــبدي عــــــــــتاب

ولا تشـــــغله دنــــيا ولا هـــجر محـــبوب
ولا يمـــيز بـين ربـعـه والاغـــــــــــــراب

ولا يهــــمنه مـــواعــــيد عــــرقــــــــوب
وان زاره احــد مــا وطـى زلـفة البــــاب

ولا مـن يقــول فــلان مـا اوفـى بماجوب
ولا يقال اصـــبغ تـرى عـارضــك شـــاب

ما هــــو ســـواتي جوفه وجــار مشبوب
كنـي بالارطـى داخـــل الـــروح شـــــبّاب

لا قـيــل وش بك قــلت تكــفير لذنــــــوب
الله عــلم وش بـي وهـــو ربَ الأربـــاب

حـــــياتي اللــي روحــت كنت منـــــهوب
لــو قـدروهــا ما ســوت حـفـــــنة تراب

لا واحسايف عــمري ان كان محسوب
ولا حــصل لي مـــنه يا كــود الانــشاب

انـا على امــري دايــم الــدوم مغــلوب
وش عــاد ينفعني لــو ابديت الاســباب

اعيش في صوب والافــراح في صوب
قـــالو تحــمل قــــلت مــانـي بـــــكذاب

(ما قدر المــولى على العــبد مكتوب)
وش حيلتي لا صرت مومن ومنصاب

تحياتي لكم رهيف الاحساس

ملاحضة شاعر هذي القصيدة غير معروف لدي[/align]

[align=center]يعطيك العافية اخوي رهيف الاجساس

قصيدة جزلة واختيار موفق

وبالنسبة لشاعرها هو الشاعر أحمد الجريفاني[/align]

[align=center]نعم الاختيار يارهيف

يعطيك العافيه[/align]