قصيدة وجاريتها.....

بسم الله الرحمن الرحيم
السلام عليكم ورحمة الله وبركاته ، أما بعد
فقد أرسل لي الأخ العزيز والشاعر أحمد بن عبدالله بن عبيد الخالدي عن طريق الجوال قصيدة يقول فيها :

[poem=font="tahoma,5,,normal,normal" bkcolor="" bkimage="" border="none,1," type=0 line=0 align=center use=sp]عن الاحباب يبعدني نحاوي كثرة المونه=ويدنيني من الاحباب حباً وسط شرياني
لواني راعي المليون شال الحب مليونه=واذاراحت ملايينه من اللي حب مجاني
ولكني عديم ولا من اكله تتعب سنونه =واذامني ذكرت الحال فز اقفى وخلاني
وانا طايش هواي ولادريت البنت ملعونه=احسبها هوت شخصي وضحكتها على شاني
واثرها بنت مجنونه وفيها افكار مجنونه=تفتش داخل جيوبي وانا هايم بوجداني
صحيح اني على النيه صحيح البنت مزيونه=لكني مااشتري بفلوس حب بدون عنواني
اذاحبيت تلقاني وفي في الحب مااخونه=اضمك ضمة المشتاق في صدري وفي احضاني
وحتى اسمك شغل شعري شغل لفظه ومضمونه=امانه لوبغيت الحب دورني وتلقاني
ولكن حب بالمجان يعني مانبي مونه=ولاتدخل يدينك وسط مخباتي وتنساني[/poem]


هذا وقد قمت بالرد على قصيدته بنفس الوزن والقافية واقول فيها:

[poem=font="tahoma,5,,normal,normal" bkcolor="" bkimage="" border="none,1," type=0 line=0 align=center use=sp]هلا ياصاحبي ياللي يراسلني بتلفونه=يقول انه على خله مايبغى واحد ثاني
ملايين البشرماتنفع المديون في ديونه=ليا كان السداد القلب واللي بين الاجفاني
ترى العاشق يشوف الموت طول العمربعيونه=ومهماينصحون الناس قال العشق وصاني
عسى الخاين جزاه الناربالاغلال يرمونه=يموت وينكتب طبعه سويد الوجه خواني
بنات اليوم لا خلٍ ولا حبٍ يعرفونه=خذوها شغلة اللي مالقاله شغل طفشاني
حبيبك لوطلبك الروح ترخصها ومن دونه=تضحي له ولاجله ترخص القاصي مع الداني
يقولون الصدور اقفاص للعشاق مامونه=ورجلٍ يكتم اسراره ويحفظها بكتماني
اخير من الذي صايم سنه وافطر بزيتونه=ولا هو بالذي مفطر ولا هو بات جيعاني
نصيحه والقدم سوقه بمشوارك على هونه =حياة العز والا انصحك وتخليك وحداني[/poem]
وأرجو أن تنال إعجابكم واستحسانكم، ولا تحرموني ردودكم
دمتم بود

صح لسانك اخي الطيب الشعيفي

بيض الله وجهك انت وخويك

تقبل حضوري

	المشاركة الأصلية كتبت بواسطة جمعان الطلحي

	صح لسانك اخي الطيب الشعيفي بيض الله وجهك انت وخويك تقبل حضوري

أخي جمعان الطلحي

صح بدنك ووجهك أبيض

وأهلا وسهلا بك وبحضورك

تحية طيبة

بيض الله وجهك ووجه الشاعر احمد الخالدي
قصيده ومجاراه رائعتين استمتعنا بقراءه مافيها من حكم
وتجارب وقوال متزنه يعطيك العافيه ولاتحرمنا من جديدك

قصيدتان جميعها في منتهي الجمال والروعه والله يوفقكم جميع صح ابدان من قالها

تقبلوا مرروي
علي ماطر عطا الله الفضلي الهذلي

أخي الشعيفي .. ورحمة الله وبركاته

لوحتان في منتهى الروعة والجمال .. ابدعتما أيما ابداع فلله دركما

موضوعاً .. ومعنى .. ومبنى ..

صح لسانك ولسان احمد الخالدي .. وفالكم التوفيق ..

صح لساااانك يالشعيفي شاعر جزل وصح لسان خويك الخالدي

وتقبل مروري

	المشاركة الأصلية كتبت بواسطة الزيداني

	بيض الله وجهك ووجه الشاعر احمد الخالدي قصيده ومجاراه رائعتين استمتعنا بقراءه مافيها من حكم وتجارب وقوال متزنه يعطيك العافيه ولاتحرمنا من جديدك

ووجهك أبيض أخي الزيداني

وشاكر لك مرورك الكريم

	المشاركة الأصلية كتبت بواسطة على ماطر الفضلي

	قصيدتان جميعها في منتهي الجمال والروعه والله يوفقكم جميع صح ابدان من قالها تقبلوا مرروي علي ماطر عطا الله الفضلي الهذلي

أخي علي ماطر الفضلي

عندما أرى اسمك في متصفحي أسعد كثيرا

فلا تحرمني هذه الطلة الرائعة

أشكرك أخي الكريم

	المشاركة الأصلية كتبت بواسطة حـمـدي الهـذلـي

	أخي الشعيفي .. ورحمة الله وبركاته لوحتان في منتهى الروعة والجمال .. ابدعتما أيما ابداع فلله دركما موضوعاً .. ومعنى .. ومبنى .. صح لسانك ولسان احمد الخالدي .. وفالكم التوفيق ..

حمدي الهذلي

منتهى الروعة والجمال هو مرورك أخي الكريم

وأرجو من الله أن تكون القصيدة ارتقت

إلى مستوى ذائقتكم الرفيع

أشكرك على المرور

	المشاركة الأصلية كتبت بواسطة فهد الصماني

	صح لساااانك يالشعيفي شاعر جزل وصح لسان خويك الخالدي وتقبل مروري

صح بدنك أخي فهد الصماني

ولاعليكم زود طال عمرك

[poem=font="simplified arabic,5,crimson,bold,normal" bkcolor="" bkimage="" border="none,1," type=0 line=1 align=center use=sp]اخير من الذي صايم سنه وافطر بزيتونه=ولا هو بالذي مفطر ولا هو بات جيعاني
نصيحه والقدم سوقه بمشوارك على هونهح=ياة العز والا انصحك وتخليك وحداني [/poem]

صح الله لسانك ملايين ابيات قصيرة ولكنها عن قصائد كثيرة
تقبل مروري ابن عمي لا هنت ولا انثتى قافك يا المبدع
عساك على القوة يارب

	المشاركة الأصلية كتبت بواسطة ما تهــــــــــاب

	[poem=font="simplified arabic,5,crimson,bold,normal" bkcolor="" bkimage="" border="none,1," type=0 line=1 align=center use=sp]اخير من الذي صايم سنه وافطر بزيتونه=ولا هو بالذي مفطر ولا هو بات جيعاني نصيحه والقدم سوقه بمشوارك على هونهح=ياة العز والا انصحك وتخليك وحداني [/poem] صح الله لسانك ملايين ابيات قصيرة ولكنها عن قصائد كثيرة تقبل مروري ابن عمي لا هنت ولا انثتى قافك يا المبدع عساك على القوة يارب

أشكرك أختي ما تهاب

على هذا المرور والإطراء الرائع الذي أسعدني

وخلاني من الفرحة

بيض الله وجهك والله انك شاعر واشكرك على هذا الابداع
وتقبل مروري

	المشاركة الأصلية كتبت بواسطة عبد العزيز الطلحي

	بيض الله وجهك والله انك شاعر واشكرك على هذا الابداع وتقبل مروري

ووجهك أبيض أخي عبدالعزيز

ولاعليك زود وشكرا لك على

هذا المرور الرائع