....مرسول الهوى....

السلام عليكم ورحمة الله وبركاته

اهدي لكم هذه المتواضعه

امام ذوقكم الرفيع


[poem=font="simplified arabic,5,#000000,bold,normal" bkcolor="#deb887" bkimage="" border="none,1," type=1 line=1 align=center use=ex num="0,"]


ذكرت والذكرى على العاشق دمار = وبعبرةٍ من خافقي دوَنتها

العبره اللي فالحشاء تشتب نار = ومن الحياء فاالناس مابيَنتها

لها على عرش الغلا عندي وقار = محشومةٍ في خاطري ماخنتَها

ويوم اذكر الصوره فـعيني بختصار = والشوفه اللي فاالهدب كفنَتها

وقفت في رهبه ورغبه وانهيار = ومن الهوى وصلت سدرة منَتها

واقول ياسارق من الليل السمار = الشمس هاك اليوم ماعينَتها

في خدةٍ بيضاء ينافسها الحمار = كنك من اطراف الشفق لونَتها

وضحكة هدب عينٍ معانيها تغار = من ذبلٍ بين الشفايف صنَتها

عليك مرسول الهوى باج الديار= وصل بهمزة وصل مانونَتها

يضيق ثوب الحب ويطق الزرار = طقة زعل لوانك استهونَتها

يااللي عليك من الذهب دقة حرار = كنك ملكت البيض واستهجنَتها

تعب وراك البشت ما وصل للقرار = ولانت عليه الريح مالينَتها

اقفاااايةٍ يقدح من اخمصها شرار = لوكان في شرع الهوى هونَتها

على وعد دارت رحى يومه ودار = تبا تزينها ولا زينَتها

والدمعه اللي فاالهدب تشتب نار = ومن الحياء فاالناس مابينَتها

قامت تسابق من يمين ومن يسار = ولادمعه الا مقتفيها بنتها

وضفيت جنحان الغلا الغالي وطار = لكن رمس الحب عندي منَتها [/poem]

صح لسانك شاعرنا وفارسنا الكبير
كلماتنا تتواضع امام قامتك الشامخه
استمتعنا بقصيدك الجزله ونطمع في المزيد حيث انك كريم ونحن نستاهل فلا تبخل علينا

وعليكم السلام ورحمة الله وبركاته

صح لسانك وعلى شانك

شهادتي فيك مجروحه وإعجابي بك منقطع النظير فرسنا

أرق سنود وفالك الناموس

[poem=font="simplified arabic,5,#000000,bold,normal" bkcolor="#deb887" bkimage="" border="none,1," type=1 line=1 align=center use=ex num="0,"]

في خدةٍ بيضاء ينافسها الحمار = كنك من اطراف الشفق لونَتها
[/poem]

الخمار ..! سقطت سهواً

تقبل مروري وتقديري

تحياتي

صح لسانك دائم مبع ياصالح