قصيدتين في هذيل ..

السلام عليكم ورحمة الله وبركاته ..


هذي قصيدتين للشاعر / فهم الهذيلي


منقوله من ديوانه في منتديات هذيل البقوم...



[poem=font="tahoma,4,,bold,normal" bkcolor="" bkimage="" border="none,1," type=2 line=1 align=center use=sp]أبدى بشكر اللي خلق خلقـه أجنـاس=رب الـمـلا خلاقـنـا نلتجـيـبـه
يسّر صعيبات المصايـب علـى النـاس=ألـه الثنـا خــلاق نــارٍ لهيـبـه
من بعدها بشكرأهل الطيـب والبـاس=وأهل المواقـف فـي الليـال العصيبـه
وأهل الشدايـد والكـرم والتنومـاس=وأهل المكاسـب والوفـا والكسيبـه
ربعـي مناعيـرٍ لهـم خيـر مـجـلاس=و(هذيـل) ربعـي وأفتخـر وأدعيبـه
وفعولهم ماتنحصـي وسـط قرطـاس=ماتنحصـي مثـل الجبـال الصعيـبـه
وسلومهـم للنـاس يانـاس نـبـراس=وسهومهـم بصدورالاعـدا رهيـبـه
وربعي حجا المحتـاج لاصـار محتـاس=وربعـي لهـم فعـلٍ بـدى ونحكيبـه
يوم أشتكى رجلٍ بكـى ذاق الاتعـاس=صابـه نصيبـه وأوقعـه فـي مصيبـه
ورِد البرى ماهوب هـرج التهوجـاس=قالـوا نبـى الديـه تراهـا ضريـبـه
كـلٍ تعـزوا عـزوة ترفـع الــراس=عـزوة شجـاعٍٍ مايهـاب الغليـبـه
وأمسوا على شار ومشوره بـلا يـاس=وأمورهـم شـورى والاشـوار هيبـه
وشاموا لهـا محـدٍ رضـى بالتعكـاس=وقامـوا بهـا ربعـي ولاهـي غريبـه
أولهم اللي طيبه أرسـى علـى سـاس=طيبه طبيب وطاب مـن شـاف طيبـه
شهـمٍ كريـمٍ صيرمـي طيـر قرنـاس=(محيـسـن العـاكـور) يالله تثيـبـه
قال أزهلوها ماخشـى شـر الافـلاس=جاب الميـه برضـاه ماجـت غصيبـه
الله ياابو (خالد)مـن أشـرار الانجـاس=يحمـاك والمعـروف كــلٍ دريـبـه
الكـار مايغطـى ولاهـوب ينـداس=أشكر عريب الساس وأشكـر نسيبـه
نسيبه اللـي فـي الشديـدات نومـاس=(عايـد) وسبـع أنعـام مافيـه ريبـه
كريم سبـلا فـي المواجيـب مقبـاس=رجـلٍ لبيـب ومـع رجـالٍ لبيبـه
للخير يسعـى بالجـوارح والاحسـاس=عمـرك ياايو(بندر)عـسـى تهتنيـبـه
يـوم أعتـزى زاد المراجـل تحمـاس=وشـال الملـف يطالـعـه ويعديـبـه
ماقـال وش همـي ولانـي بمحـتـاس=كان أحكموا بالسيـف ربـه حسيبـه
وهانت بفضل اللي خلق كل الانفـاس=وزانت بعـد كانـت تواقـد غظيبـه
ولاباس يالي ذقـت الاتعـاس لابـاس=ربعـك وراك ولاتـهـاب التعيـبـه
هذا القدر والـراس وقّـع بـه الفـاس=قـال المثـل كـلٍ نصيبـه يصيـبـه
وسط السجون المظلمـه بيـن حـراس=عـاش ودعـى ربـه حسيبـه رقيبـه
محصـور مجبـورٍ لبـس رث الالبـاس=وهموم حالـه تشتكـي مـن حريبـه
وإن كان فات الفوت وش نفع الاحساس=فعلـه قـضـاه وفعلـتـه ماتعيـبـه
ميـر أفطنـوا للثـار والثـار دسـاس=مايندثـر لـو كـان طّـول مغيـبـه
(الزير سالم)مانسـى فعـل(جسـاس)=والثـار ديــنٍ والليـالـي تجيـبـه
لاتامنونـه لـو مليتـولـه أكـيـاس=بالمـال وأحصاهـا وأخذهـا بجيـبـه
بكره يجـي ذرّه بعـد جـاه وسـواس=يبغـى نصيبـه يـوم ينعـى نصيـبـه
ترى الخطـا لحبـال الاقـدار مسـاس=لو كـان حبلـه دق خيـط السبيبـه
وترى شبـوب النـار عيـدان يبـاس=وتـرى الحريـق الملتهـب يبتديـبـه
واللي حسب للعاقبـه قيـس وقيـاس=يسلم مـن أصـداف الزمـان العطيبـه
وماطال يسمج لـو ذعاذيـع نسنـاس=والقاف صاب وشـاب بيّـن مشيبـه
صفصفت ماوصفت والوصف مقيـاس=وصفٍ صفا بصفـوف شعـرٍ صليبـه
وأثبتهـا تثبيـت ماجـت تلـمـاس=ونظـم القوافـي للحـدث مستجيبـه
وصلاة خلاق الكواكـب والاغـراس=علـى رسـولٍ بالعـمـل نقتديـبـه [/poem]




[poem=font="tahoma,4,,bold,normal" bkcolor="" bkimage="" border="none,1," type=2 line=1 align=center use=sp]يامرسي(ن) صم الجبال ومنبت(ن) خضر الجريد=بسمك بدعت أبيات شعر(ن) ناظـم(ن) قيفانهـا
أبحرت في بحور القصيد وجيت منهـا مستفيـد=وطوّعت صعبات القوافـي وأمتلكـت أوزانهـا
كله لجل ربعي هذيل اللي لهـم بـاس(ن) شديـد=قوم(ن) تبيّـن وأكتمـل بيـن القبايـل شانهـا
بعد أوصلتني دعوت(ن) بمناسبة عيد(ن)سعيـد=مضمونها قريـة شعـر فرحـوا بهـا سكانهـا
لبيت دعوة ربعي وجيت ومعي قاف(ن)جويـد=يحمـل سلامـي والقصيـدة فرحتـي عنوانهـا
سلام ياربع(ن) لهم بين العـرب مجـد(ن)تليـد=تشهد لهـم سـود الليـال الماضيـة وأزمانهـا
وتشهد لهم بيد الوغى وأفعال ربعـي مـا تبيـد=كم غارة(ن) فازوا بهـا ثـم أحكمـوا ميدانهـا
ياما تذّوق خصمهـم شـر اللقـا عنـد الوعيـد=مـن عقـب ماشـب الفتيلـة وأعتـلا دخانهـا
يوم المغازي والجهل كم قيدّوا خصـم(ن)عنيـد=في ديرة(ن) يعـوي علـى مرقابهـا سرحانهـا
وقت(ن) مضى واليوم ننعم في ذرى رب العبيـد=أمن ورخـي وسلامنـا حـط الفتـن بكفانهـا
يا( هذيل ) جمعتنا على عز وفخر في يوم عيـد=نعمـة مـن الله وأحرصـوا لا تنقفـل بيبانهـا
حثوا عليها ياأهـل الوقفـات والقـول الرشيـد=ثـم أثبتـوا عقـب أكتمـل باأفعالكـم بنيانهـا
جمعاتكم في الخيـر عـز وتفرقتكـم وش تفيـد=غيـر الندامـه والندامـه مـاربـح ميزانـهـا
أخذوا نصيحة شاعر(ن) علمه ليا جابـة وكيـد=نصيحة هذيلـي عـن علـوم النقايـد صانهـا
تكاتفـوا تـرى التكاتـف لجلـه الهيبـة تزيـد=وناس(ن) تكاتف تامن وتسلـم خطـا عدوانهـا
إن ما تكاتفتوا فشلتـوا وأصبـح الكايـد يكيـد=يحبـل محابيلـة ويقـدح زنــدة بصوانـهـا
وكان أجتمعتوا في مشوره عدوا الـراي السديـد=والعاقبـات أحسـوا لهـا ياعزوتـي ميحانهـا
وشوموا عن دروب الحسد تراه سم(ن) في الوريد=قطّاع محّـاق النعـم نفـس(ن) تشيلـه هانهـا
عينوا بعضكم والولد ياقف لابن عمـه عضيـد=حـزام جنبـة لخلفـت حلـو الليـال أبدانـهـا
رجل(ن) بلا ربعه ضعيف ولو ملك مال الوليـد=لو يحكـم ديـار العـرب وبحورهـا وجنانهـا
يا (هذيل ) من يشقر عصاه يعيش في الدنيا وحيد=وتقصر يمينه عـن فعايـل لابتـه وأحسانهـا
لا تشقرون أصل العصا من شان وسواس المريد=بعـض السوالـف تايعـات وحلّهـا حقرانهـا
أبديت قولي والسـلام ورحمـة الله مـن جديـد=وصلوا على من ملته مرسـي جميـع أركانهـا[/poem]


وسلامتكم
فهم الهذيلي

صح لسانه ،،

قصائد رائعه ،،وشكرا على النقل ،، اخي المطرفي


تحية طيبة

صح لسانه ،،

اخي الغالي

المطرفي الهذلي


بيض الله وجهك على هذا النقل الرائع

وقصائد طلق الوجه


وربعنا هذيل البقوم يستاهلون


وتاريخهم مشرف


وصح السان الشاعر فهم الهذيلي


ولاهنت

صح لسانه

وبيض الله وجهك على هذا الاختيار الرائع







تحياتي واحترامي

الله يعطيك العافية

نقل موفق

[align=center]وعليكم السلام ورحمة الله وبركاته

صح لسان الشاعر

ويعطيك ألف عافية يالمطرفي الهذلي

علي هذا الإختيار الأكثر من رائع

تقبل مروري وتقديري

ودمت بود
[/align]

[quote]

يا( هذيل ) جمعتنا على عز وفخر في يوم عيد
نعمة من الله وأحرصوا لا تنقفل بيبانها
حثوا عليها ياأهل الوقفات والقول الرشيد
ثم أثبتوا عقب أكتمل باأفعالكم بنيانها
جمعاتكم في الخير عز وتفرقتكم وش تفيد
غير الندامه والندامه ماربح ميزانها
أخذوا نصيحة شاعر(ن) علمه ليا جابة وكيد
نصيحة هذيلي عن علوم النقايد صانها
تكاتفوا ترى التكاتف لجله الهيبة تزيد
وناس(ن) تكاتف تامن وتسلم خطا عدوانها
إن ما تكاتفتوا فشلتوا وأصبح الكايد يكيد
يحبل محابيلة ويقدح زندة بصوانها
وكان أجتمعتوا في مشوره عدوا الراي السديد
والعاقبات أحسوا لها ياعزوتي ميحانها
وشوموا عن دروب الحسد تراه سم(ن) في الوريد
قطّاع محّاق النعم نفس(ن) تشيله هانها
عينوا بعضكم والولد ياقف لابن عمه عضيد
حزام جنبة لخلفت حلو الليال أبدانها
رجل(ن) بلا ربعه ضعيف ولو ملك مال الوليد
لو يحكم ديار العرب وبحورها وجنانها
يا (هذيل ) من يشقر عصاه يعيش في الدنيا وحيد
وتقصر يمينه عن فعايل لابته وأحسانها
لا تشقرون أصل العصا من شان وسواس المريد
بعض السوالف تايعات وحلّها حقرانها
أبديت قولي والسلام ورحمة الله من جديد
وصلوا على من ملته مرسي جميع أركانها
- - -

كلمات تكتب بماء الذهب ..
المطرفي الهذلي . يعطيك العافية على النقل .. وبيّض الله وجهك .