"محيــــــــسن"

السلام عليكم ورحمة الله وبركاته


أتمنى تروقكم :



[frame="1 50"][poem=font="traditional arabic,5,black,bold,normal" bkcolor="" bkimage="" border="none,1," type=1 line=0 align=center use=sp]عزا الليل في رُوح الشوارد بدايله=نسانيس هاجوسي ونفحة جدايله
خذانا السهر يا ليلةٍ باح نورها= عسى النور ماتبطي علينا جمايله
نـعد الليالي في رجا ما ينوبها = وأنا خابر الدنيا بلا شك زايله
لكن البنادم عِبّرته ما تقنّعه=لو إن العِبَر من سالف الدهر هايله
على أحلامنا يا كم بنينا من أمنيه=وشادت صروحاً للوهم باتت أَيّله
عزمت الصبر والزاد في حلة الرجا=وأنا حسن ضني ما تلاشت دلايله
"بكت عيني اليمنى فلما نهرتها"= عن الدمع جازتني بما قلت : قايله
إذا الدمع لا يسكب على ما يحق لي= فلا عاش دمعي كثرته مع قلايله
فجادت لها اليسرى بما جوّد دمعها= وسرى الدمع وعيوني تناجي همايله
يانور الصباح إدّرى على الليل والصبا= جنى الليل من فجري بوادر جلاي له
تظن الليالي بالفرح عن خشيرها = هبا الليل مبدأ روحتي واغتدآي له
صحبت السهر حتى تسميت للسهر= عرفني وأنا ما نالني منه نايله
يهبّ البعاد اللي سكن في جوارحي= وتتمايل أغصان الأسى من غلايله
انا شاقني مبدا المنيفات من علي=وريح السكب والضيمران وعدايله
ديارٍ بها من واجد الروح مادعى=حروف القوافي تنتخي كل طايله
حماها الكريم اللي فعاله تورّده=عدوداً من الطالات والعـز سايله
عريب الجدود اللي سعى في حدودها= "محيسن" ليا دن الرعد في مخايله
طويل الذراع اللي تورّع عن الردى= تموت الحروف ولاتوفي خصايله
رجيت القلم يا حبر وش يقنع الورق= عسى للقلم مسمع ويسمع رجاي له
نحث المُنى يا موكل النفس للمنى= عفا الرسم وأطناب المقفين مايله
يغط الهوى في خفاقي لا تنفست= مناديب وجـدي من تثني نقايله
هوى العز وأمجاد المناعير فالوغى= لها يرخص الرجال غالي عقايله
يبوح الهوى لمنازع الشوق بالذي= حبسته دهـر مابين الأضلاع شايله
يموت الكريم وتحفظ الناس سيرته= ويعيش اللئيم ولا تنومس فعايله[/poem][/frame]