قصيدة غزليه

[frame="7 80"][poem=font="tahoma,4,,bold,normal" bkcolor="" bkimage="" border="none,1," type=2 line=1 align=center use=sp]قابلت خلي وسط سوق السلامي=جاى يشتري دبله وخاتم من الماس

ياويل قلبي من ظبي العدامي=من حين ماشفته تغيرت ياناس

والحال كنه ماتقله عظامي=قامت تراجف مثل رنات الأجراس

يمشي دلع في السوق راعي اللثامي=وده يعذبني بحبه ولاباس

قلبي تهيج في بحور الغرامي=وأخترت بحره عن غرابيل الاطعاس

صوب نظيري من زروق السهامي=وأصبحت من سبت هوى البال محتاس

يازين قلبي بالهوى مات ضامي=ولاحصلَي في الثنايا ولاكاس

حبك فتن قلبي وزود هيامي=مجروح جرح(ن)في الحشاء ماله اقياس

وانا اعرف ان الطيب طبع الكرامي=الطف بحال اللي تألم من الباس

وارجوك تسمعني وتفهم كلامي=يابو عيون(ن)كنها اعيون قرناس

وأنته منى روحي وغاية مرامي=جريتني جر المحاله والأمراس

من شاف زولك يالغضي مايلامي=أمشي مع العالم بلا شعور واحساس

واليوم لاتبخل علي السلامي=يفهم مرادي كل شاعر وعساس[/poem][/frame]