بنت العليا ... طرد المقفي شرهة فينا وعيب ...

قصة القصيدة :: الشاعر بن شفلوت كان يتمشى هو ومعه واحد من اصحابه في شارع العليا ويتكلمون عن قضية سجن أبو غريب وهم عند الإشارة مر من عندهم جيب بي ام راكبه فيه بنيه قطعوا سالفتهم ولحقوها لين دخلوا المستشفى وبعد ما خرجت كلمها بن شفلوت وردت عليه بكل غرور وكبرياء وتفاخر انها بنت فلان تبغى تخوف بن شفلوت ما دريت انه رجال ما يرضى الإهانه والتمادي وفي الأخير أكد بن شفلوت ان لاهي ولا غيرها ينسيها قضية ابو غريب

المشهد اللي صار بين احضان سجن ابو غريـب
مصيبـة يــا كبـرهـا ياعضمـهـا ياهولـهـا
تشيـب منـه روس نـاسٍ مالهـا نيـه تشـيـب
شاب الطفل فـي ميزبـه والبنـت فـي هندولهـا
والنبت من زود الضمى ماضن يرويـه أي شيـب
والانعـام قامـت مـن غبينتهـا تجـر ذيولـهـا
والطير ضاق به الفضا والارض والكون الرحيب
يبكي على السدرة وهي تبكـي علـى غرمولهـا
حتـى الثوانـي والدقايـق بينهـا امـرٍ عصيـب
وايـام وشهـور السـنـة كانونـهـا ويلولـهـا
جف المطر والشمس غابت من قبل حلّ المغيـب
والليلـة الظلمـى علـى القمـرا تمـد سدولهـا
كم من بيوت من فراق اصحابها صـارت عشيـب
وكم من الافاعـي موتـت فـي سمهـا بدحولهـا
الغدر يرعد فالعـراق ولـه صـدى فـي تلبيـب
وبلـه عبـاريـدٍ تــرادم والـدمـيّ سيولـهـا
انا معكـ يا للي تقول ان ما علـى الدنيـا غريـب
وخلكـ معي لا قلت لـكـ لقحـت بغيـر فحولهـا
فان كان فالدنيا عجيب فشي واحد هـو العجيـب
نـاس تهـل دموعهـا ونـاس تــدق طبولـهـا
ناس على هرج السعه فمها وسيـع تقـول بيـب
وناس عن الموضـوع كلـه سـدّ فمهـا فولهـا
ونـاسٍ سوالفهـا مابيـن حلوقهـا مثـل الدبيـب
مثل الهنود اللي على السيكـل تشيـل اسطولهـا
هم يحسبـون ان القضيـة حلهـا بيـد الصليـب
هم مادروا ان صليبها يامـر علـى انتـر بولهـا
وانا بدون شعور قمت آصيح بالصـوت الصليـب
صيحة ورى صيحة واحسب ان العرب صاحولها
واثارني سـواة مـن يزهـم ولا حولـه مجيـب
وسواة مـن يـزرع بـذور ماجنـى محصولهـا
واما انت يامن قلت خلكـ مالسـراه الـى طريـب
في خاطـري لـكـ كلمتيـنٍ مستحـي لا قولهـا
ان كانها هلّت دموعكـ مـن غنـا بـدر الغريـب
فانـا دموعـي مايغـرّكـ وش سبـب هملولـهـا
لو ان عنـدكـ ذرة مـن الديـن يالوجـه الكأيـب
ماقلـت كلمـة وانـت مانـت بعـارفٍ مدلولهـا
ولاّ امّنا يشهد علـي اللـي علـى خلقـه رقيـب
نلت العلا يوم انـت واشكالـكـ عجـزت تنولهـا
ولابـد ناخـذ حقنـا بالطـيـب ولاّ بالغصـيـب
لو ضحكت الدنيـا لضحكتهـم وهـم ضحكولهـا
فان كنت عاجز تاخذ حقوقكـ فـوكّلكـ طليـب
وخلكـ من المغـرب ليـا باريـس لا سطنبولهـا
هذي قضيّة كنت اسولفهـا علـى سقـم الحريـب
شيـخ علـوم المرجلـة تسمـولـه ويسمولـهـا
حسن سعيد معـرّب الجديـن والخـال العريـب
ان عدّوا الزحول الرجال يعـد ضمـن زحولهـا
من لابةٍ يـوم الملاقـا جرحهـا جـرحٍ عطيـب
منديـةٍ حـتـى الـعـدا بنفوسـهـم شهدولـهـا
ان كانهـا بالشـر شـر وكانهـا بالطيـب طيـب
ويقطـع رجـال ٍ فالملاقـا ماتشـاف فعولـهـا
واثنـا دراستنـا القضيـة ياعسـاهـا للذهـيـب
نبـي نفـكّـ الشفـرة ونعـرف رمـوز حلولهـا
طحنـا علـى عنوانهـا عنوانهـا افهـم يالبيـب
غيـر العـرب مافهمـوا الطبخـة ولا فطنولهـا
وعلم طمر في علم وآخـر علمنـا قصـة كليـب
ساعـة رواهـا مسنـدي فجـأة طلبـت عدولهـا
قال ايش علمكـ قلت حاجة تبري الجرح الصويـب
الناس مالـت كـان تـدري وش سبـب ميولهـا
موضوع فـي غايـة الاهميـة ويحتـاج اتْعقيـب
امهمتـكـ منقوضهـا وانــا عـلـي مفتولـهـا
ماتدري ان الذيب يابن حسين في وسـط القليـب
وماتدري ان القوم ركبـت فـي ظهـور خيولهـا
عاين على يمناكـ يا مـال الشحـم والذيـب ذيـب
لا بـاركـ الله فـي جمـالٍ ماتشـيـل حمولـهـا
بنت العليا من يمينكـ فـي ضهـر بـي إم جيـب
مـرّت مـع شـارع طويـل العمـر وانتبهولهـا
اطرد ورا بي إمّهـا ومـا جابـت الدنيـا تجيـب
حنـا لهـا حنـا لهـا وانتـو لهـا وانتـو لهـا
وانا ادري ان طرد المقفي شرهـةٍ فينـا وعيـب
لكن خـذت عقلـي مـع نـاس خـذت بعقولهـا
وانا باقوس الوجـه والشيطـان يحضـر ويغيـب
ووالله لو لزم الامـر علـى الركـب لا حبولهـا
والحظ عشرين الف مره يخطـي ومـره يصيـب
يالله عسـاه يصيـب ويجـود طـرف مجدولهـا
ضنيت ظـن وياعسـى ضـن ظننتـه مايخيـب
والاعمـال بالنيـة علـى الله رفضهـا وقبولهـا
وحرب البسوس اللي غدت بكليب في وادي جريب
ما هاضهـا غيـر البسـوس بصولهـا وبجولهـا
قال احتزم والخيل والميـدان واشـرب ياشريـب
واهـل الفعايـل لا بـدا الـلازم بـدا مفعولهـا
قمت آهدر مثل الجمل وهو جلـس يقنـب قنيـب
ينقّص ويجمع وانا اضرب عرضها فـي طولهـا
المقصد انها وقفـت بـوزان مستشفـى الحبيـب
ساع نحرت بـاب الطـواري كلهـم فـزو لهـا
خذتلها تقريب ساعـة مـن طبيـبٍ فـي طبيـب
كلـه لعيـن الجرعـة اللـي ركّـزوا محلولهـا
قمت وقعدت لها على ركبـة وفـي مثنـاة سيـب
واثـر مْـدرا الاقسـام مثلـي قامـوا وقعدولهـا
قلبي من اللهفه ومـن زود الولـه جالـه نحيـب
سـواة قـوم ٍ تنتظـر وقـت الوغـى مرسولهـا
لكن على قول المثـل ماللصعيـب الا الصعيـب
وانا اشهـد انهـا هبّلـت فينـي وانـا مهبولهـا
والمشكله يوم خرجت ثم قالت بصـوتٍ شحيـب
للسايق امـش بسرعـة وتشّـر بـراس انمولهـا
عيونهـا كنهـا تقـول لخدهـا قوتـوا سلـيـب
يالله عسـى يفدنّهـا رمْـد العـيـون وحولـهـا
نار البـدو فـي خدهـا متواقـده تلهـب لهيـب
وصوت الحطب والنار تلهب مثل صوت حجولها
والخشم سيفٍ له شباتٍ تكسـر العظـم الصليـب
وسنونهـا درّة ومـرجـان البـحـور ولولـهـا
والصدر بارز والخصر مثل الغصن ري ورطيب
ولهـا ردوفٍ تشتكـي مـن لا رجهـا وسمولهـا
تمشي مثل مشي الغـزال المستهيـب المستريـب
ودقة جـواد بـن علـي بتقـول قـرع نعولهـا
جوالهـا الدمعـة وانـا باقـي بجـوال الرهيـب
يـدق عنـد خروجهـا ويـدق عـنـد دخولـهـا
البرتقالـه كانـهـا متـصـدرة فـديـو كلـيـب
والله ماتاكل عيش مـع هـذي ولا هـي حولهـا
عذروبهـا ماترحـم العاشـق ولامعهـا قلـيـب
فكوا لها هلْها الحبل من صغرهـا وارخـوا لهـا
لا واسعد الله سعد مـن مثلـي تمنـى العندليـب
انهـا بكـرة العايـلـة مضمـومـةٍ وآعولـهـا
فنا اشهد انها شق وجه وشلع ثوب وطـر جيـب
بآموت مـا قـد راح مـن قـدام عينـي زولهـا
مشت وانا باريتها وآقـول هـل مـن مستجيـب
ثـم جفلـت ثـم وقفـت ياصعبهـا يـا عولهـا
ردّت علي تقول حاول يا غريـب اتكـون اديـب
اللـي تكلمهـا ماتـدري بـن فــلان اشّولـهـا
قلت اللكاعة حافظنهـا كلهـا عـن ظهـر غيـب
وعـزّ البلـد برجالهـا ماهـو ب فـي بترولهـا
وانا صبـي قحطـان سـدي فاللقـا سـدٍّ قطيـب
مـن لا بـةٍ لـو مالصـلاة لربنـا صلّـوا لهـا
حولين وامي من على خشمي تحلب من الحليـب
وبعض الرجال افطمته امه قبـل يكمـل حولهـا
حسبي عليكـ الله سبحانـه وهـو نعـم الحسيـب
زادتبـكـ النعمـة عسـى ربـي عليـكـ يزولهـا
وان قلت ماني لكـ صحيب آقول منتبلي صحيـب
الرجـل مـن جنبيتـه والبنـت مـن مريولـهـا
سبـت وسبيـت وتبادلنـا الشتـايـم والسبـيـب
وضاقـت بهـا عنـد الحقيقـة نفسهـا وهمولهـا
اوجعتها بالحكي ليـن دموعهـا انهالـت سكيـب
ويبدو لي انها خربـت الرصّـة وهـي يبدولهـا
جاني رفيق الدرب ينشد قلت لـه لقيـت حديـب
اصولهـا يابـو شنـب ولا مـاهـو بصولـهـا
وانـا ادري مافيـكـ شـكـ مـره ومافيـكـ ريـب
تقولـهـا وتطولـهـا وآقـولـهـا واطـولـهـا
ترى الثمن ما هو بشـرط لكـل مشـوار تعيـب
كـم مـن رجـال دبّلـت واخصامهـم ثرّولهـا
انا عجزت آجـود عنـان الكحيلـة مـن قريـب
وغيـري تناوشهـا وهـي تبعـد وهـو يدنولهـا
لا والله الا مالنـا ذالـيـوم فالطـيـب نصـيـب
مـادام بيـبـان النصـيـب مقفـلـة بقفولـهـا
وبدري على بوها تنسينـي قضيـة بـو غريـب
مصيـبـة ياكبـرهـا ياعظـمـهـا ياهـولـهـا


سعد بن شفلوت

مشكووور على القصيده