الشاعر فهد الطوير - ::{ مجالس قبيلة هذيل }:: موقع يهتم بتراث القبيلة ومفاخرها

07-20-2009, 12:30 AM

اليوم جايب لكم نبذه عن الشاعر القادم بقوة
الشاعر فهد بن سعود الطوير الجبيلي

من الوجيه الشابه في الشعر النبطي والمحاوره

وله عدة محاورات من الشعراء الكبار ومنهم متعب الشلاحي و تركي 2000 وإبراهيم الشيخي وعدة شعراء

ومن اجمل ما قاله الشاعر

صوتك حذاري ترفعه لا تكلمت .. خلك بوعيك واعرف الي تحاكييه
اما تجي بسلوب وله ألزم الصمت ... ولا اتكل لا عاد صوتك تعليه

************************************
أنا ادري انه ضيقتي مسألة وقت... والوقت يفرض هيبته واحترمه
أحسن تصرف بالزمن لا تضايق .. امحي علامات الكدر ببتسامه

***********************************
المحبه مثل خلق الله تموت ...... كل ما طالت قضت مثل العمر
والعمر والحب مسرع ما يفوت ....... لانه أحلا الوقت بسرعه يمر
وبأخر اثنتين يبغالك ثبووت ........ عند توديع الحبايب والقبر

*********************************

و من قصائده

وليف الـروح ..

على فرقا وليف الروح هل الدمع يا ثامـر
وانا مدري عيوني كيف تجرء تنثر الدمعه
صبرت اقول يا ثامر يجي باجر يجي باجر
نهار السبت واعدني يجي في ليلة الجمعـه
وجاني يطلب الفرقا وانا في عينه اناظـر
على هونك ترا يا صاحبي ما تنفع السرعه
وخلاني وانا اردد مثل بين العـرب دايـر
مصير الحي يتلاقا ويمكن ينـوي الرجعـه
على ذكراه بقضى العمر يا ثامر وانا ناطر
مدام ان العمر شمعه بعدها تطفي الشمعـه

الطوير والعجايـز ..

ما حسبنا حساب نيات العجايـز
كل شين ما عجبهـن مـا يبنـا
أتومر فـي مذاهبهـن غرايـز
ل تعـد الحـق فوقـك يقلبنـا
لو بغيت الشي قالو منت حايـز
قب شغل البيت لا تجهد معنـا
ما تعبهن غير لوفـات الحفايـز
كـل دكانـن موظفـه اعرفنـا
مشتراهن الف في سحب الجوايز
مير حتى العقـد والله مربحنـا
لو صرف رجالهن ماهو بجايز
يأخذن الفلس غصب ويجمعنـا
(كل عودن في جنان الخلد فايز
من سبايبهن غدى قلبـه معنـأا)

تطري على بالي وانا في ركوعي ..

حتى الصلاه الي بها الناس تخشـع
تطري على بالي وانا في ركوعي
تطري وعيني عقب فرقاك تدمـع
لين المصلي يبتلي مـن دموعـي
ما كد طرالي في هوا الحب بخضع
الا بعد لقيـاك بعلـن خضوعـي
الي بغيته صـار طالبـك ترجـع
ارجع وخلك ساكنن في ضلوعـي
قدلك ثلاث اشهور ترجع وتقطـع
وظاهر انك ما نويـت الرجوعـي
ابطيت في وصلك ولا عـاد ينفـع
الا علـى ذكـرك ببقـا قنوعـي
على أمل شوفتك وارضاك بسجـع
وافرج اهمومي لا هـي طبوعـي
وان ما رجعت اصيح والناس تسمع
اني بعـد فرقـك جفـت دموعـي

الطوير واللكزس ..

راكب الي جبتها من بلاد الاجنبي
بنت اصولن ما شراها فقير الماليه
زينها غطا على زين ميسى مغربي
ليتها عين العذاره خجوله صاليـه
من يشوف اصطابها وحد الله ونبي
بت ابوها غاليه من عيال الغاليـه
تايره ذيبن على راس طاله يقنبـي
وان قنب في لحظتن يرتقي الجباليه
من يوصف زينها ما يوفي مطلبي
بصفوف الاولـه والبواقـي تاليـه
اسمها في رسمها ترجمان العربي
لكزس(ن) في خشمها علقو ميداليه

07-20-2009, 12:36 AM

ومن يريد اي سؤال لشاعر يتفضل يكتب سؤاله ليتم الرد عليها إن شاء الله تعالى