القصيدة الفائزة بالمسابقة الثالثة للشاعر أحب ربعي

السلام عليكم ورحمة الله وبركاته


وإليكم القصيدة الفـائزة ،، في هذا الشهر ،، بمسابقة (شاعر المنتدى)


للشــاعر...\ أحــب ربعــي



[frame="1 50"][poem=font="traditional arabic,4,#00008b,bold,normal" bkcolor="" bkimage="" border="none,1," type=1 line=0 align=center use=ex num="0,"]
يقولون الهوى كاساً غريبة تمتلك طعمين=وانا لي صاحباً للحين يلعب ماسقانيها
وانا لوهو سقاني المر ابصبر واحتريه سنين=عساه يحن لايام الغلا ويجيب ثانيها
وهو يدري ضلوع صويحبه لو يثني السكين=تبى تفرح بسكين الهوى وتطيع ثانيها
وانا ماني من اللي يجزعه صرف الزمان الشين=وصدري مقبره لطعون مابانت لجانيها
هذاك اللي ليا شفته سرق حسنه غرور العين=واصير اعمى عن الدنيا وقاصيها ودانيها
له عيوناً قبل لاشوفها ماكنت اعرف الزين=ولاكنت اعرف سهوم الغلا وشهي معانيها
ليامن سلهمت بي تهت اببحر وين مدري وين=اببحر في بحورٍ ماترسيني موانيها
اجيه بعزتي شامخ وكاني السيف ابو حدين=واعود سيف حدينه مثلمها وحانيها
شفاهه حيرتني كيف تجمع وسطها ضدين=وكيف الثلح ويّا الجمر جامعها وبانيها
وله ثغراً مثل برق المطر يفرح به الضامين=حوى شهد الزهور اللي قطفها من مجانيها
وله خداً مثل بدر السما يبصر به السارين=تملا من عدود الزين وعيوني سبانيها
وله ضحكة بريئة مثل طفلة عمرها عامين=هدتها أمها لعبة وقالت من هدانيها
وله نظرة جريئة تسرق السلوه من السالين=تسافر بي في رحلة بالذهب تشرى ثوانيها
جديله لانسكب متنه مثل ليله بعد عشرين=قمرها غاب عنها والظلام احتل آمانيها
وعوده لانثنى غار الخزاما واخجل اليسمين=غصوناً ماتثنت عقب شوفه من مثانيها
هذاك اللي ليا منّه حكى يسكت له الحلوين=ألا ياليتني كلمه على باله حكانيها
هذاك اللي رموني فيه عذالي من الصوبين=وانا لي نفس عن هقواتها محدٍ يوانيها
هذيلي لا بغى حاجة شراها كاش ولا دين=يمينه طايله والقوم ماطالت يمانيها
لكن الخوف خوف الصد لايرحل غداة البين=ويطعن روحي الخضرا بصده في محانيها
ويسقينى سموم البعد لا وحده ولا ثنتين=وانا استنّي رحيق الوصل يرحل ماسقانيها[/poem][/frame]

الف الف الف مبروك أخي أحب ربعي


تستاهل وقصيدة مميزة بكل أمانة...


ومبروك للأخ مطرفي الجوف ،،لـ\ حصوله على المركز الثاني..


وللأخ حمدي الهـذلي،،،على المــركز الثالث...


وإلى الأمــام


تحية طيبة

مبروك للشاعر احب ربعي حصوله علي المركز الاول قصيده رائعه بكل ماتحتويه

الكلمه كما ابارك للاخ مطرفي الجوف حصوله علي المركز الثاني والاخ حمدي

حصوله علي المركز الثالث وبالتوفيق للجميع

ألف مبروك أخوي " أحب ربعي "

قصيده فيها من الجمال الشيء الكثير

أخّـاذه بحق

رائعه , باسقه , فارهـه

جذابه و الجمال جذاب


,
,.

,

و أبارك في نفس الوقت لأخويني

مطرفي الجوف حصوله علي المركز الثاني

والاخ حمدي حصوله علي المركز الثالث


وبالتوفيق للجميع

[mark=000099]صح الله لسانك يالعالمي

فخخخخخخخخخخمة جدااااااااااااااااااااااا ااااا

من أروع و أفضل القصائد التي قرأتها من فصيح و نبط

أخوك [/mark]

الف الف مبروك شاعرنا / احب ربعي

وصح لسانك مليون ولا يسدون

يادكتور ماجد الياسي

قصيدتك تستحق التميز والفوز بالمركز الأول

الحقيقه ان هذه القصيده تستحق الوقوف مرات عده

فهي من أفضل القصائد التي مرت على المسابقه

والفضل بعد الله يعود لهذه المسابقه الاكثر من رائعه

والتي أخرجت الجمال من مكامنه

الشاعر الدكتور : ماجد الياسي ( احب ربعي )

انا اشهد انك كفيت ووفيت يالغالي

ولا فيه قصور في الاخوان المشاركين

بل كانت قصائدهم رائعه بحق

فألف مبروك الفوز يا شاعرنا القادم

والى مسابقات أخرى اكثر اثارة باذن الله

ألف مبروك ألف مبروك أخوي احب ربعي


وصح لسانك



قصيدة جميلة وتستحق



ولا تهون قصايد باقي الأخوان


فللأمانة حصل لدي شخصياً حيرة كبيرة في المفاضلة



بالتوفيق أخي الكريم

مبروك يا ماجد
وتستاهل

ومبروك لصاحب المركز الثاني
مطرفي الجوف


ومبروك لصاحب المركز الثالث
حمدي الهذلي


صحت ألسنتكم جميع
ومبدعين كالعادة
الله يطول أعماركم

يستاهل بيض الله وجه
فاهنئك من القلب حصولك علي المركز الاول باستحقاق اخوي احب ربعي ومبروك للاخ مطرفي والاخ حمدي حصولهم علي الترتيب الثاني والثالث علي التوالي ولاهان البقيه ...

ودمتم بخير

ألف مبروك لكل الفائزين
ولو أن كل المشاركين يعتبرون فائزين بحق
فقد فازوا بالإعجاب من الجميع
كما ذكر أخي هشام كان الإختيار صعب بين القصائد فجميعها
فيها من الجمال والروعة الشيئ الكثير

هؤلاء هم شعراء هذيل كلهم جزلين ماشاء الله عليهم
ألف ألأف مبروك للدكتور ماجد هذا الفوز المستحق بكل جدارة
وألف مبروك لصاحب المركز الثاني والثالث

ألف مبروك للفائز

وكذلك مبروك لصاحب المركز الثاني والثالث

وحظ أوفر لبقية المشاركين الذين لم يحلفهم الحظ



وتحياتي وتقديري للجميع





.

مبروك لشاعر احب ربعي
وتستاهل المركز الأول يامبدع

ومبروك لصاحب المركز الثاني
مطرفي الجوف


ومبروك لصاحب المركز الثالث
حمدي الهذلي


صحت ألسنتكم جميع

الله يبارك فيكم جميعا وانا والله عاجز عن شكركم تاج راسي والله
واخص بالشكر اخوي ابو بسام على جهوده الغير محدوده وبيض الله وجيهكم جميع

[grade="00008b ff6347 008000 4b0082"]أخي الموقر أحب ربعي د. ماجد الياسي
السلام عليكم ورحمة الله وبركاته،
تهنئة من القلب لك أخي الشاعر الرائع ، قصيدة فرضت نفسها بقوة ،
ونافست مع شقيقاتها منافسة شريفة ، فكان لها قصب السبق ،
وكانت واسطة العقد ، في منظومة الجمال والأصالة الهذلية،
وبمثل هذه القصيدة وأضرابها سنطمئن على مستقبل الشعر الهذلي،
آملا أن نرى لك الجديد والجديد من هذا النتاج العذب الأصيل.
والسلام عليكم ورحمة الله وبركاته،[/grade]