يُبـــه !!

الـسلام عليكم ورحمة الله وبركاته

قـصيدة تحمل من (الفقد الكثيييير)

كل العذر من قلوبكم
للوجع.. مسبقاُ



كل عام وآنا يا نفسي بخير
كل عام .. وأنا وحدي أشعل سنيني شموع ..
وأحتفل بـ احتراق اللي مضى .. وسط الدموع !


وكل عام مثل اللي قبله ..
إلا هذا العام غير !


حزني أجزل بالهدايا ..
والقدر ساق المصير !
وصرت لما أحتفل بي ..
أشعل سنيني شموع ..
بنار فقدكـ !!


قل لي عنّي ..
قل لي عنّي وأنت تدري اليوم ميلادي
وبعد يومين عيد !


قل لي عنّي .. كيف أفرح ..؟
وأنت عن عيني بعيد ؟!


قل لي عنّي كيف أهملني ربيع العمر
وأصبح بي جليد !


وإلا تدري لا تقول ..
وش تبي أصلاً تقول ..؟!
خلني أحكي لكـ أنا ..
عن سوايا الريح في زهر الحقول !


آنا كل ليلة أضم اللي بقالي من حياة الأمس ..
وامدّ ايدي بـ قُبلة للسماء


وبـهمس :
يبه تصبح على ذكراي
وأنا بصبح على فقدكـ ..


يبه ..
بموووت من فقدكـ !!


وانام وداخلي عبرة ..
وأظن إني بموت من عبرة تخنقني ..
ولا أدري ليه أصحى مع طلوع الشمس ..؟
ولا (ياخذني لكـ موتي) !!
وأردّ أصادق سكوتي ..
وأمارس بي تفاصيل الحياة اللي كرهتني
وعشقت موتي!!


وأرجع "بي" مثل ماكنت ..
وفي كل صبح ..
أصحى مغمضة جفني ..
أبي صوتكـ ينبهني !!
أبي تصرخ تناديني


وأنا أفزع :
وأجيكـ أقيس السكر ..
وتسألني ..؟
متى تروحين ؟
ومتى تردّين!!
وأقولكـ يايبه بغيب
" يايمه لي متى تغيبين ؟! "!
"يبه راسي يعورني .. يبه بطني يعورني"
وأتحجج كأني بعدني طفلة
كأني توني أصغر ..


ورحت انته وأنا طفلة ..
ولا خبّرتني بتروح ..
ولا علّمتني أكبر !


وذي أول سنة بعدكـ ..
وكل شي فينا متغير ..


صيام الناس ..
عيد الناس ...
وميلادي !


كل شي غير ..
يبه كل عام وانت ..... الخير !


يبه مليت من حكيي ..؟!
أنا عندي كثير أشياء أبحكيها ..
وأسولف لكـ عن أشيا كثير أخفيها


يبه تدري وش أكثر شي واحشني ..؟!
" ثلاث حروف "
هي أكثر شي ذابحني !

يـ
ب
هـ

" اشتقت أنادي لكـ " !
وأنا لا من قعدت بغرفتي وحدي ..
بديت أهمس :


"يبه"


وأتخيلكـ تضحكـ ..


"يبه"
وأتخيلكـ تحكي !


"يبه"
وأتخيلكـ تزعل ..


ولا ادري ليه لامنّي طريتكـ
كلّ شي يبكي !!



"يبه" وش فيكـ ..؟؟
سولف لي !
خبّرني ... قبل سنين
قدومي كيف كان .. و وين ؟
شكلي كيف ؟
أشبه مين ..؟!


ومن قرَّر يسمّيني ؟!
ومين أكثر شخص فرح فيني ..؟!
ومين .... ومين !!


وأسئلتي اللي في كل عام أكررها ..
"يبه" دلوعتكـ منهي ..؟!
"يبه" وش كثر غلاها آخر العنقود ..؟!



"يبه" أشيا كثيرهـ .. بعدك أفقدها ..
متى بتعود ؟!!
(((ولو ما جيت .. أنا باجيكــ)))

ولا تحزن ..
ولا يضيق لك خاطر ..
أنا عادي ..
تعودت أحتفل وحدي !
أمسي ويومي وباكر ..

أنا بس جيت لكـ أقول ..


"يبه" كل عام وأنت الخير !



لــ ريمــا العلــي

اللهم ارحم , والدي اموات المسلمين والمسلمات،،
اللهم احفظ أمي،
واحفظ آباء وأمهات المسلمين والمسلمات
وارزقنا برهم

	اللهم ارحم , والدي اموات المسلمين والمسلمات،، اللهم احفظ أمي، واحفظ آباء وأمهات المسلمين والمسلمات وارزقنا برهم

امين


الله يرحمه ويرحم والدي ويحفظ امهاتنا وامهات جميع المسلمين



شكرا لك اختي الشامخه

نقل رائع

كم هي عميقة و حزينة هذه الكلمات لقد لامست قلوبنا وحركت مشاعرنا

كل الشكر لك أيتها الشامخة على هذا النقل الرائع ولتبقي شامخة دائما

شكراً فواز بصدق شكراً على تواجدك العامر الغامر

من جديد في مواضيعي ،، سعدت بك كثيراً




شكراً أخي (أحب ربعي) حريصه على تواصلك وسعيده بك حد الخيال

تحيااتي

الله على روووووعة مانقلتي اختي الشامخه

نقل ولااروع قصيده مؤثره تلامس الوجدان

وخصوصا انها من بنت لابيها هذا الى محليها

لاهنتي يالشامخه على النقــل

قصيدة جميلة...


لكن..وينك عن ضيف الأسبوع بعدما ترشحتي ؟كان بودنا تكونين موجودة.

الله يعطيك الف عافيه اختي الشامخه على النقل الرائع والطرح الاروع

راعيها القصيده وجودك اللي مثريها

تحيااتي أخي

	لكن..وينك عن ضيف الأسبوع بعدما ترشحتي ؟كان بودنا تكونين موجودة.

شكراً خيووو ع الاهتمام ،، الأيام جايه سيعده بك وبكل من رشحني
واعتذر من قلوبكم

تحيااتي



جنووو الابيات اللي بتوقيعك الجديد رائعه

شكرا لتواجدك

الاخت الشامخه فعلاشامخه حتي في طرحك سامحكي الله لقد

أحزنتينا وأبكيتينا شكرا لك

	الاخت الشامخه فعلاشامخه حتي في طرحك سامحكي الله لقد أحزنتينا وأبكيتينا شكرا

سلامتك من الحزن ياخيووو ،، الف باقة ورد لتواجدك واحساسك

كلمـــــــــــــات في قمـــــــــــه الروعـــــــه

يعطيك العافيه

رااااااااااااائع
شكرا على الطرح الرائع