محاكاة من الداخل !!!

[poem=font=",5,seagreen,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يانوم أرفق على بندر بعد لاح الصباح=ماني بداخل معك يالنوم في حربٍ ضروس
أنا مسالم ومستسلم والقيت السلاح =لادرع في يدّي ولايوجد على صدري تروس
وإذا حصل مني خطأ عذراً فأطلبك السماح=طبع البشر يخطي وياخذ من تجاريبه دروس
وأنا ماطار النوم من عيني لجل عشق الملاح=ولا جفاني النوم من قلّ المراجل والفلوس
من فضل ربي عايش في خير وسعاده وارتياح=وعندي مره تجلى الهموم اللي على صدري تدوس
وعندي أميره صغيّره ضحكاتها تبري الجراح=تولين يحفظها الاه الكون من شرّ النفوس
وعندي زبون المرجله واسمه على صدري وشاح=ماجدأخويه من رجالٍ روّسها من فوق روّس
نسل الرجال اللي سقت عدوها السم الذحاح=منهم ابن حصني يدينه كنها ضرب الفوؤس
حطّم حديد الترك مافكّر متى يأتي السراح= امره بيدّه يوم بعض الناس في اموره يحوس
يانوم هاذي عزوتي اللي توردني القراح=العزوه اللي شمسها غطت على كل الشموس
ومادام هاذي عزوتي اخفض من الذل الجناح=وخل العيون الساهره تغفو ويرتاح الهجوس[/poem]