محااااااااااااااورة

طبعا هذي محاورة بين حبيبين بس مو هذلية
هو-طشيت عمري نذر
بين البيض والسمر
ومديت روحي نهر
شوك ومحبه يفيض
وشفت الهوى وعاشرت
الزينه والشينه
زمثل البلابل طرت
داير على سنينه
وغردت باجمل نغم
وغنيت باعذب صووووت
ودكيته اسمك وشم
بالكلب حد المووووت
هي-
جذاب كلك دغش
ياناكر سنيني
وكونك تحبني صدك
حط عينك بعيني
شطيت من العمر
وياشوك هذا الفاض
ذبلن ورودي وانه
اركض وراك ركاض
ودموعي حتى الهدم
كد مايصبن فاض
مليت من عشرتك
وحتى كرهني الدرب
من كثر جياتي
راويني وين الوشم
لووو صدك عندك كلب
وتحس معاناتي
هووو-
اتوب اسولف صدك
وبالعين احط العين
واحجي الالي والعلي
حتى اعرف شتردين
ياطايره ويه الهوى
وللماشي تضحكين
ادري الوجه كالكمر
والشامة حبر الصين
وشفاف عنبر الج
وبنصه زرعوا تين
مو يعني عندج حسن
عالناس تتعلين
باجر يموت البشر
وردود يرجع طين
واادود يصفى طعم
طولج وهالخدين
ياماشيه بكل كلب
تهدي تره تعثرين
انه اتهم بالجذب
والدغش والوجهين
ولاجني ذاك الجنت
عن كل شي اكولن
نعم من كبل لا تحجين
هي-
حجايه كلته ومشت
وتورطت وحجيت
يمعود انه اعتذر
لو ادري ما رديت
اغفر لي اوطئ ذنب
عديلي مو عديت
جم مره توعد تجي
وانه انطر وما جيت
وحركت خدودي الشمس
واسمرت واسوديت
ورديت اجر الفشل
من موعدك للبيت
واسهرت ليلي حزن
ونجومه عندي شهود
انطر بصوص الامل
واترجى بلكي ولعل
من بعد غيبه تعود
وانته ولا من خبر
شلهاك شنهو العذر
بالوفى يمته تجود
مو مل الشعر للصبح
اضفر وافل ردود
قطره الحجيته اللك
وضميت منه شكثر
ما سولفتلك عوووود
مو حكي لو عاتبت
مو حتى مل الدرب من كثر الوعود
وسلامتكم
منقول من شاعر عراقي

وعليكم السلام ورحمة الله وبركاته

ابيات جميله ورائعه

اسلوب حواري رائع

سعداء بتواجدك ياهامة العرب

وسعداء بلا شك بتواجد اخوانا من اهل العراق معنا في هذا المنبر

وتحيه لجميع اخوانا العراقيين نبعثها من ارض الحجاز

وتحيه خاصه لشعراء العراق ونتمنى ان يكون بيننا المزيد من ابناء الرافدين

والله ينصرنا على عدونا وعدوكم

هلا بيك اخويه الباب
اولا اشكرك على تصفحك الجميل للحوار وتسلم كلك ذوووق والله
وانه الاسعد برجوعي للمنتدى بعد غياب سنه او اكثر وان التقي باخوني جميع
فلك خالص التحية والاحترام