كنت مواطن صالح لكن ......

ماني مقدم للموضوع ابخش في الزبده على طول
كنت مواطن صالح طول عمري ماعليه اي ملاحظه احترم قواعد المرور واوقف عند الاشاره لو القاها في الربع الخالي واسدد الفواتير اول باول والمخالفات ان وجدت اسددها قبل دخولها الجهاز والرخصه والاستماره والتامين اجددها قبل يومين من الانتهاء واتابع القناه الاولي باستمرار ولاحب الجزيره وباقي القنوات المدمره واموري كلها عال العال حتي ليله البارح اخر الليل جيت عند اشاره في الشارع العام وكانت الاشاره حمراء والشوارع كلها فاضيه مافيه الا انا فقط طالعت يمين فلم ارى احد ويسار ولم ارى احد وفجاءه وسوس لس ابليس ان اقطع الاشاره تعوذت من الشيطان ثم نفثت عن شمالي ثلاثاً لكن ابليس لعنه الله مازال بي حتى قطعتها وبعد ذلك حسيت بنشوه غريبه تغمرني و تذوقت طعم الانتصار احسست اني انسان ثاني احسست اني تخلصت من عقده المثاليه دخلت البيت ونا رافع راسي منتشي نمت تلك الليله نومه عميقه وفي الصباح دقت ساعه الجوال لتقول لي بقي على تاريخ رخصت القياده يويمن وهو موعد كنت مبرمجه مسبقا فنهضت بسرعه ولبست ثوبي واصطحبت اوراقي وادرت محرك سيارتي وحين هممت بالتحرك جاني ابليس اللعين وقال لي وين رايح قلت ابجدد الرخصه باقي لها يومين اخاف يعاقبوني
قال والله انك جبان احد سوى لك شي البارح يوم قطعت الاشاره قلت لا قال طيب وليش خايف حلال عليهم كل سنه يلهفون منك كم ريال عيالك احق بها قلت طيب التامين قال التامين حرام ماسمعت مشايخك يقولون امن بس لاتستخدم التامين يعني اخسر ولاتستفيد منه قلت طيب الاستماره عاد هذي ضروريه مره قال لاتجدد شي هذي ضرائب والاسلام مافيه ضرائب على المسلم المهم وانا الي اعود
وطش الاوراق ورد الرخصه بالمحفضه من ذيك الساعه وانا اخرق في النظام وهذا الشهر ماني مشدد الكهرب ولا الهاتف عاد طالب مشورتكم استمر ولا العن ابليس وارجع مواطن مثالي مثل اول؟

كتبه الزيداني

العن ابليس

وارجع مواطن مثالي

الله يسلمكـ...

وأنا أختكـ...

	المشاركة الأصلية كتبت بواسطة بنت الشيخ

	العن ابليس وارجع مواطن مثالي الله يسلمكـ... وأنا أختكـ...

اشكرك على طيب المرور

أما هاذي أتحداك ما تسددها >>>كهرباء ، هاتف .. لا غنى عنها!!

	ماني مشدد الكهرب ولا الهاتف

	يوم قطعت الاشاره قلت لا قال طيب وليش خايف حلال عليهم كل سنه يلهفون منك كم ريال عيالك احق بها قلت طيب التامين قال التامين حرام ماسمعت مشايخك يقولون امن بس لاتستخدم التامين يعني اخسر ولاتستفيد منه قلت طيب الاستماره عاد هذي ضروريه مره قال لاتجدد شي هذي ضرائب والاسلام مافيه ضرائب على المسلم المهم وانا الي اعود

بالشويش لا حد يسمعك !!

أقول والله إنها فينافينا لا بد من التسديد بس العن ابليس وخلك مواطن مثالي ، تقديري لك ،،

	طالب مشورتكم استمر ولا العن ابليس وارجع مواطن مثالي مثل اول؟

اخونا الزيداني تحيه طيبه لشخصك ولقلمك الحر
أعوذ بالله من الشيطان الرجيم الأمار بالسوى
هذه كلها وساوس شيطانيه فيجب علينا أن نتعوذ منها
ونحترم أنظمة هذا الوطن الغالي ونكون قدوة للأخرين
واختم مداخلتي بهذ الدعوة المحببه الى نفسي
اللهم أرنا الحق حقاً وارزقنا إتباعه وأرنا الباطل باطلاً وارزقنا إجتنابه
وسجل أعجابي ببوح قلمك النير يولد العم

	المشاركة الأصلية كتبت بواسطة صالح الكعبي

	أما هاذي أتحداك ما تسددها >>>كهرباء ، هاتف .. لا غنى عنها!! بالشويش لا حد يسمعك !! أقول والله إنها فينافينا لا بد من التسديد بس العن ابليس وخلك مواطن مثالي ، تقديري لك ،،

حياك الله اخوي صالح الكعبي
والله انك صادق فينا فينا مير الله يعيننا
اشكر مرورك الكريم

	المشاركة الأصلية كتبت بواسطة ابوفهد الياسي

	اخونا الزيداني تحيه طيبه لشخصك ولقلمك الحر أعوذ بالله من الشيطان الرجيم الأمار بالسوى هذه كلها وساوس شيطانيه فيجب علينا أن نتعوذ منها ونحترم أنظمة هذا الوطن الغالي ونكون قدوة للأخرين واختم مداخلتي بهذ الدعوة المحببه الى نفسي اللهم أرنا الحق حقاً وارزقنا إتباعه وأرنا الباطل باطلاً وارزقنا إجتنابه وسجل أعجابي ببوح قلمك النير يولد العم

هلا والله اخوب ابو فهد
والله تعبت من النظام واحترامه بس تدري
والله انها براسك امر بس
هونا بنسدد