يا سادتي هذا شعور اللحايين - ::{ مجالس قبيلة هذيل }:: موقع يهتم بتراث القبيلة ومفاخرها

12-14-2009, 05:11 PM

[poem=font="traditional arabic,7,darkred,bold,italic" bkcolor="transparent" bkimage="http://www.hothle.com/vb/mwaextraedit2/backgrounds/13.gif" border="inset,7," type=1 line=0 align=center use=ex num="0,black""]
شعر/ عبيد الله مبارك اللحياني=
يادارنا يامنبع العز والــــــــــــــدين = عرين ضرغام بسيفه بناها
وعن حدها قصرت يدين المعادين = والدار دايم عزها من حِماها
وهذي السنه يا دار عيدك بعيدين = وهايب من رب الأرض وسماها
امس اندحر غازيك يشكي من البين = غشاه في الحد الجنوبي لضاها
واليوم فرحتنا بذخر السلاطين = غيث الكبود اللي تعاظم ضماها
يا مير حبك في قلوب الملايين = زاد القلوب اللي عطتكم ولاها
وفِرحَت يابوخالد بشوفتكم العين = والحمد لله رد في العين وماها
يا دار ربي رد لك من تحبين = سلطان فخر أرض برجله وطاها
يوم استجاب الله دعاء المصلين = اللي بغالي الدمع بلت لحاها
تقول يالله سلم ابو المساكين = قبله نوافل مدته من عطاها
يمناه ينداء جودها بالمثامين = وجوده سبق شمس النهار وضياها
يارب تشفي من يقر الموازين = ولا خيب الله النفوس ورجاها
مأجور يانسل الكرام العريبين = يا راعي الفزعات وأوثق عراها
يا حر ما تصعب عليك الميادين = ياغيث عم الأرض حتى رواها
يا مطلق بجودك رقاب المساجين = ويا مفرح نفوس تعاظم رزاها
وياطيّب الوقفات في العسر واللين = ياريف عز الدار واوثق ذرَها
هذا كلام جنوكم يالميامين = ولكم بطول العمر ترفع دعاها
يا سادتي هذا شعور اللحايين = قبيــلـــة مــا فيه شــك ولاهــا
في حكم ابو متعب اصيل المَعاَدين = واخوانه اعوانه حجى من نصاها
والدار وأهل الدار بكم عزيزين = وانتم هل الالعوجا وحنا شباها[/poem]

12-14-2009, 08:59 PM

قصيدة رائعة وجميله وتعبير وطني نابع من صميم لقلب
صح الله لسان الشاعر والف شكر على النقل يابطيحي اللحياني

12-17-2009, 06:36 PM

بيض الله وجهك يا بو حمدان على المرور الراقي على قصيدتي بمناسبة عودة سيدالأمير سلطان بن عبد العزيزسالما معافى الى ارض الوطن

12-17-2009, 06:54 PM

قصيده جزله ومن شاعر جزل
ويستاهل سلطان الخير
شـكــ وبارك الله فيك ـــرا لك ... لك مني أجمل تحية .
تقبل مروري

12-19-2009, 05:14 AM

صح لسانك يابو عبدالله

الاخ ابو حمدان
تصحيحا لما جاء في ردك القصيده للعضو نفسه ونسبها لنفسه باسمه الصريح في مقدمتها

12-21-2009, 04:34 PM

حياك الله ياعبدالله الطلحي وحيا الله مرورك الراقي
لاهنت

12-21-2009, 04:36 PM

عزوتي لحيان

بارك الله فيك وفي مرورك وحروفه القيمه

وكل الشكرللتنبيه الصائب

وفقك الله

12-22-2009, 07:06 AM

وعليكم السلام ورحمة الله وبركاته

وانتم هل الالعوجا وحنـا شباهـا
صح لسان يابن مبارك
على هذا الإبداع وهذا ليس مستغرب من شاعر مثلك
تقبل ودي قبل ردي

12-24-2009, 04:49 AM

حيا الله مرورك الكريم اخي صالح الكعبي

وسطوره الرائعة

دمت على خير حال