جبل دخان

[poem=font="arial,6,black,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/4.gif" border="none,4," type=1 line=0 align=center use=ex num="0,black""]
تباشر بالنصروالعز وإفرح ياجبل دخان= مـــــادام إنك ســعودي وفي دار السعوديه
يمينا مايذلك حد لو هو كـاين من كـــان= نجي لك في ظــــــلام الليل ركـــابه ورجليه
نجي لك نبذل الأرواح نخمد فتنة الخوّان= بطيارة ودبــــابه لـــنــا اســـاليب حــــربيه
ندكّه وسط داره نعنبوه مخاوي الشيطان= مايدري إنا رجـــــال الحــرب بريه وبحريه
مايدري إنا رجال السيف والإيمان والقرآن= وهو من زمرة الشيطان حوثي وإبن حوثيه
توهق يوم حـــاول من هباله يقرب الحدان= وقـــع في نـــار مشـــبوبه وناره نار مطفيه
لقي عـــزم الرجال اللي توفي الدين للديان= بعون الله تــهــد الحــيد لــــو رادت بعصريه
لقي جيش يهز الأرض يزحف كنه الطوفان= لـــيـــا هـبت هـبوب النار والأهــداف مرميه
على الحــد الجنوبي الله أكبر ولعوا النيران=تحيه للرجــــال اللــي لـهـم عـــزم وجــــديّه
أبو متعب لكم منا الوفـــــا ياطيب السيسان= أبــــــونا خـــادم البيتين صافي القلب والنيه
بلادي مايصيبك ضيم عيشي في امن وأمان= ســــعوديه ســــعوديه ســــعوديه ســـعوديه
وصـــلوا عد ماهلت بوبله صـــادق الأمزان= على من جــاء بالإســـلام وآيــاته ســـماويه[/poem]