ياكليب شب النار ياكليب شبه (قصة وقصيدة)

ياكليب شب النار ياكليب شبه (قصة وقصيدة)

--------------------------------------------------------------------------------

ياكليب شب النار ياكليب شبه
عليك شبة والحطب لك يجابي


الكثير يعرف هذا البيت ولكن يجهل قائله

وماهي مناسبة قوله وبعهد من .. هذه القصه امل اني افيدكم بها :-

على وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة وقصيدته التالية:-


ياكليب شب النار ياكليـب شبـه

عليك شبة والحطب لـك يجابـي

وعلي أنا ياكليـب هيلـه وحبـه

وعليك تقليـط الـدلال العذابـي

وادغث لها ياكليب من سمر جبه

وشبة الياا منه غفى كـل هابـي

باغـي ليـا شبيتهـا ثـم قبـت

تجلب لنا ربعـا سـراة غيابـي

بنسريـةً ياكليـب صلفـا مهبـه

لاهب نسناسه تقـل سـم دابـي

سـراة بليـل وناطحيـن مهبـه

متكنفيـن وشوقهـم بالعـذابـي

الوالمة ياكليـب عجـل بصبـه

والرزق عند اللي ينشى السحابـي

صبة لقرمـاً صرفتـه ماحسبـه

يوم البخيل مكنهب الوجة هابـي

وصبة لمنعورين ليـا جـاة نبـة

يرخص بعمره والدخل لها ضبابي

وعدة عن اللي مايداري المسبـه

اللي يـدور بالقصيـر الغيابـي

عن الطيب عده نازلا لـه بغبـه

يضرب علي درب الخطا مايهابي

لا باطن الهلباج خطـوا الجلبـة

يا حلو خبط عصيهـم بالركابـي

أطمر لهم وأبدي سـلام المحبـه

لا جو على هجناً يديهم خرابـي

سلام أحلى مـن شخاليـل جبـه

وأحلى من السمن الجديد العرابي

مع كبشً مصلاح راسـه نجبـه

لا أدبر الهيـن متيـن العلابـي

خطو الولد يـوم الملاقـي نكبـه

يأتي علينا من حسـاب الزهابـي

وحتى يش لو يلبس وبينن وجبـه

معيرة علـى غضيـر الشبابـي

أنا لقيت الصبـر يازيـن غبـه

يرقيك روس مشمرخات الهضابي

من لاصبر ياكليب في حكم ربـه

هذاك يوم البعـث مالـه ثوابـي

يقولها اللي مـا حسـب المسبـه

ولا عرقل الاجواد ببعض الهلابي

هذا هـوى بالـي وهـذا مطبـه

من قبل مايسفح علينـا الترابـي



*****************************

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبـه

والرزق عند اللي نشى السحابي


يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار إلا والله الا النار حيه ووالمه على النار وصب لهم الضلماوي من الوالمة وقام يحمس الثانية وقبب النار .

قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب

ولا قلت شب النار وصر موقدا له

في ليلة تجدع سواة المشاهيب

نسرية تلصق خليل لخله

نطعن بعزك ياحصان الاطاليب

عسى الله جمع حزمتك ما يفله

يالجوهر الناريز يالمسك يالطيب

يا عنبرا من جربه مايمله

تكفي محاليب وتملى مجاليب

وكبد تيبسها وكبدا تبله

ياطير شلوى مالقي بك عذاريب

لو تستحتي ما تجمع الطيب كله

يا بو اليتامى والارامل ومن عيب

وأبوا لمن صار العصى ثالث له

وابو المحرول والاعمي والمحاديب

ومن ضامته بعقاء تصير ولدا له

أن كان هرجي به عليكم عذاريب

سامح عسى اللي عقبك بألف حله


وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل في المنطقة الشمالية للسعودية
منقولل.
تحياتي

قصه جميله وقصيده اجمل وهي من أشهر القصائد التي سمعنا بها .

شكرا لك يالهنوف على الطرح الجميل .

قصة جميلة والكثيرين كانوا يجهلون قائل هذه اقصيدة
ومناسبتها

مشكورة أختي الهنوف على النقل المميز

وعليكم السلام ورحمة الله وبركاته

قصه وقصيده رائعه

أستفدنا

أشكرك على الطرح لا عدمناك

تقديري لك ،،،،

يعطيك العافيه مطرفي الدلم وما نشوف لك مشاركات عساك على القوة اخوي ,,
اخوي صالح اسعدني مروررك المتالق ,,,,
ابو حمدان شيخنا الفاضل ...الظاهر من كثر ما احب سوالف جدتي والوالد
انا من اللي كان يسولفون علينا اهلنا ...بسوالف الغانمين .. والظاهر اني تأثرت ..
ولا مثل اللي يقول//
العلم في الصغر كالنقش في الحجر ..

الله ياكثر النحوت اللي تعلمتها في الصغر ،،،ولله الحمد ...وبتشوفوني دوم في المضارب ...

يعطيك العافيه ..

قصه وقصيده ..

يعطيك العافيه يالمطرفي والحمدلله على سلامة الوصول ... والله يوفقك ويوفق كل ابناء الوطن اللي يعدون سفراء .. عن دينهم ووطنهم .. وقبيلتهم .....

تحياتي

[ماطر السويدي]

	المشاركة الأصلية كتبت بواسطة الهنوف الهذيل

	ياكليب شب النار ياكليب شبه (قصة وقصيدة) -------------------------------------------------------------------------------- ياكليب شب النار ياكليـب شبـه عليك شبة والحطب لـك يجابـي وعلي أنا ياكليـب هيلـه وحبـه وعليك تقليـط الـدلال العذابـي وادغث لها ياكليب من سمر جبه وشبة الياا منه غفى كـل هابـي باغـي ليـا شبيتهـا ثـم قبـت تجلب لنا ربعـا سـراة غيابـي بنسريـةً ياكليـب صلفـا مهبـه لاهب نسناسه تقـل سـم دابـي تحياتي

الله يعطيك العافية أختي الهنوف على طرح هذة القصة والقصيدة المعروفة

لدى كبار السن والحقيقة قرأتها على هذا المتصفح عدة مرات

وشوقتني كثير ببادية حائل التي عرفت عن طبوع باديتها

وقابلت كثيراً من الرجال في المنطقة ومشيت في برها

وتأثرت بعادات تدل على الكرم وسوالف الرجاجيل وكان قبل30عام

رغم قصر المدة والاقامة