قلته وأنا مبداي في رآس مزبان

[poem=font=",6,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
قلته وأنا مبداي في رآس مزبان = مزبان ما كل يعدي جباله
عل المطر يسقيه من غر الأمزان = اللي هبوب الريح تقدع خياله
فيه الشجاري الخضر من كل الألوان = اللي ثمرها يبتسم من كماله
يلعبه النسناس في روس الأغصان = وينقل عبيره في وقار وجلاله
والعشب فيه يميل والعود ريان = ولا رعاه اللي يشد برحاله
وفيه الطيور تغني بعذب الألحان = من صوتها يستانس اللي لحاله
وفيه النمر ماجود والذيب سرحان = تفرس قطيع اللي يمر بحلاله
وفيه الصقر شيهان مدعوج الأعيان = اللي بلحم الصيد يطعم عياله
وفيه انشرح بالي وغنيت قيفان = قيفان شجعني عليها جماله
اعذل بها قلباً له أيام زعلان = كثرة هواجيسه وقل احتماله
دايم يعاتبني في الوقت تعبان = والناس ما تدري عن اللي جراله
صابر على همه وغلبه وسهران = أشكي على اللي ملتزم في حباله
واحد أحد معبود مقصود رحمان = مفتوح بابه يسمع اللي يساله
عساه يفرج كربتي عالي الشان = اللي على خلقه حكم بالعداله
والختم صلى الله على نسل عدنان = نبينا اللي ما مشى في الجهاله[/poem]

مِن كلماتي .

صح لسانك