.. قصيدة المنقيه ..

بسم الله الرحمن الرحيم


السلام عليكم ورحمة الله وبركاته


اخواني واخواتي الكرام .. في منتديات هذيل التاريخ

اهدي لكم قصيدة منقية الشيخ / خالد بن سعد اللحياني الهذلي

وشيلتها .. التي اخرجها بذلك الثوب القشيب .. اخي الغالي / خالد الياسي .. ابو غلا


واتمنى انت تروق لذائقتكم الرفيعه ..



الشيله ..



http://www.youtube.com/watch?v=RvcANnlDO2c





القصيده ..



[poem=font=",6,darkblue,bold,normal" bkcolor="white" bkimage="" border="none,4," type=2 line=1 align=center use=ex num="0,black""]
استاقوا الذود يالحيان = حمر ٍ من هذيل مجناها
.
حمر ٍ لها فالجزيره شان = مواري الزين حلياها
.
حمر العرابا .. مع العربان = في صفحة المجد ذكراها
.
اللي وريثه من الجدان = واللي من الصنف مشراها
.
شدولها الشاص .. والصيوان = والسقس .. خلوه يبراها
.
ومن غرب مكه ليا الصمان = نبا المواتر تحفواها
.
في ضفها كنها العقبان = مامنهن اللي تعداها
.
شقوبها .. نجد الانجد .. لان = يزلزل الارض ممشاها
.
والحمر جوخه .. مع الهذلان = ماتنتعدد مزاياها
.
اللي ورى ملك بن مروان= واللي بعدها ورثناها
.
مورخه داخل الديوان = باسماء سلفها وباسماها
.
الزين فيها شكل والالوان = من شافها ماتغالاها
.
سند الغوارب .. عراض امتان = كن الجنيهات تزهاها
.
جرد المعانق .. طوال ارسان = مسلوبة الهبر زيماها
.
قور الجماهي .. وشرّف آذان = تزهى المشارب لحاياها
.
دوف المناكب .. عراض اثقان = يشابر الوسع مقراها
.
عكش ٍ وبرها ليا الذرعان = من الصبغة الهند حناها
.
وكن اسنمتها .. عن الحجبان = امذوبه في قراياها
.
جلايل الذرع والسيقان = وسااع المبارك نهاياها
.
وان روحت فأول القطعان = تسبح مع المشي بيداها

.
والاربعه .. وسمها لابان = اتعدل القوم عوجاها
.
من دونها ينطح الفرسان = نمراً تعاقب مناياها
.
على التراكيب من عمان = سرد ٍ من الموت نملاها
.
موج اخشبتها ورى النيشان = خبراً تطارخ زواياها
.
واليا انطقت يسكت الطمعان = بــكلمة ٍمن شفاياها
.
مرباعها شاية الرحمان = زيزاً ترازم عشاياها
.
طيبوووه يالجّة الحيران = في عبلة ٍ من حناياها
.
ومن حد الاردن ليا نجران = ماديرة ٍ ماوطاناها
.
ومن البياضه ليا .. ناوان = غاية هواها ومرعاها
.
والصيف لن دقـّت الامزان = في شفها ماقصرناها
.
من حضن الاسمر ليا .. الشقران = تاخذ هواها بيمناها
.
ومن غرب منثورة السبعان = لين البهيته نواياها
.
في ضف خالد عمى العدوان = وان قابل الربع حيّاها
.
ولد عقيد ٍ مع الشيخان = مواقفه ما تناساها
.
والبل هواء الروح والسلوان = ولذة هل الصنف وامناها
.
والتاجر اللي من البدوان = تقصر يدينه عن اشراها
.
على زواله يابوسلطان = ياعنك ماهوب وّياها
.
اقولها بالفم المليان = ماهوب كفو ٍ لمقناها
.
والهقوه اللي مع الفقران = تضرب بيدها ورجلاها
.
نبا المزاين بعد مازان = بسم معزي .. هداياها
.
حكامنا اللي لها برهان = في دولة ٍ طال مبناها
.
بالعلم .. والجهد .. والايمان = والله من الشر ياقاها
.
وان دخّنت في جبل دخان = حنا مع اول سراياها
.
في ضل من ينهض الجنحان = صقر العروبه بــمعناها
.
الحاكم .. العادل .. الانسان = بــدين عدّل قضاياها
.
وولي عهد الوطن سلطان = حامي سماها .. وصحراها
.
ونايف عمى نظرة الشيطان = يلجم هل الظلم برياها
.
ومشعل عن الباديه عنوان = لابان بانت رعاياها
.
اهمه ذرى البيت والاركان = والله على العز يحماها[/poem]

مشاء الله ....

اخي الفاضل / صالح دخيل الله المطرفي ...


ابداع بما تعنيه الكلمه ...

صـــــح لســــانك مـــــــــــدد..بلا..عـــــ ـــــــــــــــــــدد ...


اشكرك على هذه الاعذوبه ...



تحيه طيبه ....

وش نقول وش نخلي يابو دخيل الله

بيض الله وجهك قصيده مافيها كلام جزله ومترابطه ووصف فوق الخيال تسلم يمينك يالقرم

تحياتي .

السلام عليكم ورحمة الله وبركاته

صالح بن دخيل الله الهذلي

ملــلك الوصــف


صح لسانك لين ترضــى، إبداع في إبداع.

تعجز الكلمات تجاه هذه الرائعـة، حقيقتا شيء ينومس ، بارك الله فيك ، ودمت بهذا النقاء يابو خراش.

تثبــــــــــت القصيـــدة


تحية طيبة

ماشاءالله الله أكبر ,,,, قصيدة رائعه ,,, وأهنئي قناة الصحراء ,بمشاركة فارس الصحراء فيها,, قصيدة رائعه وقمة في الوصف ,يستاهل ملك الانسانية ابو متعب ويستاهل الامير سلطان الخير ويستاهل الشيخ خالد اللحياني الهذلي ... ,,,صح لسانك ,,وعلا شانك ,,,حتى ترضى ,,,,

تقل مرورري ,,,
وسجل خالص احترامي امام حرفك الشامخ ,,



تحياتي

وعليكم السلام ورحمة الله وبركاته

سلمت وصح لسانك يا راعي النخوة والحمية

وشيلة من أبدع ما يكون ، الله يبيض وجهك.

ومواقفك مشرفة في كل حزة ، وموقفك ورحلاتك المكوكية لمؤازرة ممثل

هذيل في مهرجان المزايين حاجة فوق الوصف.

ولكن ليحفظك الله علما مرفرفا في سماء هذيل

تقبل مروري وتقييمي للشيلة ولشخصك الكريم

صح لسانك يا ابو دخيل الله

قصيدة جزلة وفخمة وشيلة رائعة باخراج أروع من أبو غلا

سلمتم ودمتم

ماشاء الله تبارك الله

قصيدة كالمعلقة ,, جمعت من الجمال أجمله و من الشعر أجزله

لله درك أستاذنا و شاعرنا صالح المطرفي ,,

و تبقى فخر لكل هذلي و وسام شرف لك من تشرف بمعرفتك ...

الشعر يفخر بكـ ,, و لو لم تكتب الا هذة الكاملة لكانت كافية لتثبت أحقيتك بالصدارة ..

قصيدة هي نخبة النخبة في قصائد وصف الإبل ,, و هي أكثر من وصف

كل التحايا حتى ترضى

وعليكم السلام ورحمة الله وبركاته


صح لسانك يابو دخيل الله وبيض الله وجهك


قصيده مشبعه بالفخر


من يسمعهها ينصت لقرائتها

ويصنع لنفسه احاسيس خاصه ومتبادله مع خفقان القلب


قصيده كتبت بماء الذهب


ويستاهل ابو سعد الميقاف ولا هي غريبه هالكلمات على شخص مثل شخصك الوفي




قصيده تستحق التقييم وبقووووووووووه


ارق التحايا ياذيبان

[align=center][table1="width:95%;"][cell="filter:;"][align=center]
الله الله
ما شاء الله
صح لسانك أيها الفارس الهذلي
قصيدة فاخرة ، وزاخرة بالإبداع والإتقان
وشيلة في منتهى الجمال
كفو ، وبيض الله وجهك ..شعر، ووقفه ، وناموس
أنت فخر لكل هذلي
لك تقديري
[/align][/cell][/table1][/align]

وعليكم السلام ورحمة الله وبركاته

صح لسانك يابو دخيـــل الله ..

وفي الله يحفظكـ ..

الله الله
ابو دخيل الله
صح السانك مدد بلا عدد
وفيت وكفيت

[align=center]
بيض الله وجهك بياض القمر ويستاهل ابــو ســعد الشـيـله

ولـيـف الـروح
[/align]

تنومس يا بو خراش


صح لسانك

وبيض الله وجهك على جهودك الغير مستغربة

ألف شكر

والشكر موصول لأبو غلا على جهوده

اولا هذي اول مشاركة لي وماشاء الله منتدى رائع والله لايهينك