وهذي قصتي وِضحتْ ووَاقعها غدا مفهوم

[align=center]

قصيده منقوله






[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
ألا ياللي تعاتبني ترا ماقوى العتب واللوم=أموت من العتب ساعة عتابك تفتح ابوابه

أنا رجلٍ تقدِّيني على دْروب الرجال اسْلوم=عوايد ربعي اهل العرف لابه من بعد لابه

أعِزّالنفس وارفعها ولاارْضى في قليل السوم=حشيمٍ عارفٍ قدْري وقدري كلٍ ايْهابه

أنا ماقْلُطْ على السفره وانا ماني لها معزوم=َلوِِِِِِ ِانّ الجوع في بطني يصول امْكَشِّر انيابه

واذا كان الزمن قاسي عليّه والوفا معدوم=أنا درب الوفا دربي أعَرْفه زين وارْقابه

واذا كانك تبي تعرف وشَ اللي منه انا مهموم=أنا لي صاحبٍ ذقت المراره لحظة اغْيابه

عرفته يوم انا طفلٍ يبنّي بالخيال احْلوم=وشِفْت ابه أجمل أوصاف ومناظر حسن خلابه

وشربت الحب من كاسه وزدت من العزوم عْزوم=طموحي آصَلِ لْقلبه مدام انّي انا اولابه

وفي غمرة غضب عارم شربنا كاسه المسموم=حصل شيٍ جديدٍ ماحسبنا وقتها حْسابه

غلطنا والغلط وارد ولافينا حدٍمعصوم=وحنا بالغلط لحظة غلطنا مارضينابه

تجاهلنا ولع قلب و غرام بداخله مرسوم=تفارقنا وضاع اللي بهالدنيا حلمنابه

ورضينا بالقدر غصبا مدام ان القدر محتوم=وكـلٍّ ساعة الفرقا تهل ادْموعه اهدابه

ومن ماصابني عقب الفراق ويومه المشئوم=غديت اغْرب غريبٍ حزنه الطاغي تروّابه

أصارع جرحي الدامي واشيل مْن الهموم اهْموم=واسلّي نفسي بحرف القصايد واتغنّابه

وهذي قصتي وِضحتْ ووَاقعها غدا مفهوم=شرحت ابْها وقائع رحلة الخافق مع احْبابه

واذا ودِّك تعاتبني ترا ماقْوى العتب واللوم=أموت من القهر ساعة عتابك تفتح ابْوابه[/poem][/poem]
القصيده منقوله


اتمنى ان اختياري نال اعجابكم[/align]

[align=center]تجاهلنا ولع قلب و غرام بداخله مرسوم
تفارقنا وضاع اللي بهالدنيا حلمنابه

اختيارك حلو

مشكور يالقايد[/align]

[align=center]
القايد
الله يعطيك العافيه

اختيار رائع

كل التقدير[/align]