قصيدة بعنوان 00تاج التواضع ......"

السلام عليكم ورحمة الله وبركاته .
مشاركه متواضعه بعد طول غياب عسى ان تنال على استحسانكم
وهيه قصيده في احتفال خاص بالمنطقه "
[poem=font=",7,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

تفسحوا في المجالس لا يضيق المكان=قدام لا ياخذ الجندي مكان النقيب
و أليا بدا العرض جبنا للحواجز حصان =ونطمره بالسياسه لين ياصل شبيب
بعض الرسايل جليه ما تبي ترجمان=و البعض في فهمها تحتاج إشارة لبيب
تدرون ويش الغرض من فكرة المهرجان=إناّ نناقش مشاكلنا بصدرٍ رحيب
بالخير يا من حضر " مجموعة الطيران "=يا قائد المنطقه , ولنا من اسمك نصيب
أثمر توجهك والتطوير شاهد عيان=حتى حمدنا القياده بعد حمد الرقيب
يا مرحبا يا مفعّل منهج الاتزان=بالقول والفعل والحكمه ونظرة حسيب
نقلت لك ما سمعته من فلان وفلان=و أبقيت واجبك كامل قدر في صدر ذيب
وقدمت واجب طويل العمر لأجله سمان =للي وصل بعد غيبه يا عسى ما يغيب
ولي عهد الملك نبراس هذا الكيان =هو رمز قواتنا بلسم جراح الصويب
" سلطان " مع قمة الأخلاق عاقد قران=" سلطان " تاج التواضع كل ما فيه طيب
يا ليتنا باستطاعتنا نقدم بيان =يحمل شعور الجميع لسيدي من قريب
و أنا اشهد ان النوازل للشعوب امتحان= كم شعب من غيرنا عائش بنعمه و أصيب
بالصبر نلقى فرجها و الله المستعان =على صروف الليالي والزمان الرهيب
اليوم قطع السبل من كثرها ما تدان=صار المجيب المنادي والمنادي المجيب
و الفرق بين المؤذن و الأذن و الأذان= كالفرق بين الخطابه والخطب والخطيب
الله منها لغه ما مثلها من بيان=و الله منها تحدي للأدب و الأديب
يا راغبين الشراكه عرض ماله ضمان=عندي من الشعر ما عند الهلال الخصيب
مستثمره بالفكر ومسوقه باللسان=و أسقيه باحداث من تالي الزمان العجيب
تخيلوا لو خرج دجال هذا الزمان =و إلا نزل من بعثه الله لكسر الصليب
يا كثر الأشياع من حول النجف و أصفهان=و أتباع " عيسى النبيّ " أتباع دين الحبيب
والدين فيما رواه " أبو هريرة " يمان=يا أهل اليمن ليتها منكم ولا من غريب
من يفتح الباب لأتباع الخوارج عيان =لا يشتكي يوم من كُثر الهمل والذهيب
و اللي مؤمّن على روحه قليل الأمان =سوات من يأمن الفاره وزان الحليب
يا دار يا دار من عاداك يلقى الهوان =ما دام حكام دولتنا وشوم الحريب
اللي ليا راهن أصغرهم كسبنا الرهان =ون حزّب الجيش منهم للنجايب نجيب
نفخر بمن قدم أغلى التضحيه حيث كان = على الشريط الحدودي ما يهول الطبيب
قواتنا تستحق الشكر و الامتنان=على نجاح المهمه بالخيار الصعيب
حييو حماة الوطن من بُعد و الأمر هان= ما دام توجد مع القوات عوق الطليب
اللي ليا شافها "الحوثي " يجيه الجُنان =" أباتشي " في رمايتها لهب مع لهيب
تسليحها معتبر تقضي لنا كل شان=" في ناصيتها تقول الشمس قبل المغيب
هي سيد المعركه , طيارها ما يهان =و الدعم كامل مكمل لو مساره تعيب
و اللي مع الحق دائم بأمر ربي معان=و اللي اعتقاده على الباطل عسى ما يطيب
و أهل الضلالات لا فرقه ولا فرقتان =و إحداهم اللي تردد يا لثارة كليب
تمركزوا في جبل دخان ليلة ثمان =والصبح حاديهم البارود حدر الشعيب
من عالية كل نايف حولوا للطمان =يا شرذمه ما اعتبرناهم ومذهب مريب
هذي نتيجة عملكم و اقبلوها سنان=عبره لمن يعتبر لكن من يستجيب
"
** محبكم عطا الله القارحي **
[/poem][/quote]

وعليكم السلام ورحمة الله وبركاته
الله الله

و الفرق بين المؤذن و الأذن و الأذان
كالفرق بين الخطابة و الخطب و الخطيب

ما شاء الله تبارك الله

رحلة شعرية قيمة جدا ً

حوت مواضيع عدة بتسلسل غير ذي عوج

بيان و فصاحة و جناس

أنواع الإبداع

عطا الله القارحي

صح الله لسانك و فكرك

/
\
إفتقدنا نصوصك كثيرا

و جاءت هذه الرائعة لتكفر غيابك

شكرا لك

أمنياتي و دعواتي لك بالتوفيق

السلام عليكم ورحمة الله وبركاته

ماشاء الله تبارك الله

قصيدة فاخرة أستاذنا وشاعرنا عطالله


تسلم على كل هذا الابداع، أسلوب مميز وشاعرية ، وتحكم، الله لايضرك.

فخورين بتواجدك، وعودتك الميمونه

صح لسانك ليــن ترضــى

إبداع والله


تثبــت القصــيدة



تحية طيبة

[frame="15 98"]
بيض الله وجهك ياعطاالله على هذه الرائعه وصح لسانك اخوك أبو زيد
[/frame]

[poem=font=",6,darkblue,bold,normal" bkcolor="white" bkimage="" border="none,4," type=2 line=1 align=center use=ex num="0,black""]
يـا ليتنـا باستطاعتنـا نـقـدم بـيـان=يحمل شعور الجميع لسيدي مـن قريـب
و أنا اشهد ان النوازل للشعوب امتحـان=كم شعب من غيرنا عائش بنعمه و أصيب
بالصبر نلقـى فرجهـا و الله المستعـان=على صروف الليالي والزمـان الرهيـب [/poem]


نص شامخ ..

وحبك وسبك ..


ولغه رائعه لايجيدها سوى الشاعر عطالله القارحي ..


صح السانك .. وسلم بنانك



تحياتي

ياسلام ياسلام
أخيراً عاد لنا شاعرنا المبدع عطاالله القارحي
عودة ميمونة وموفقه بلا شك ومصحوبة بشامخة من بنات فكره المتقد دائماً


لله درك من شاعر جزل

صح لسانك وعلا شانك

من يفتح الباب لأتبـاع الخـوارج عيـان
........................لا يشتكي يوم من كُثر الهمـل والذهيـب


شاعر
شاعر
شاعر
ورجل بمعنى الكلمة

عطالله القارحي



الله يبيض وجهك
يوم تبيض وجوه وتسود وجوه

صح لسانك ياعطالله

قصيدة فاخرة
ولاغرابة هذا الإبداع عندما نعرف كاتبها

نشكرك على الإبداع والإمتاع

قصيدة في القمة ، وشاعرية غزيرة ، وسبك وحبك ، وتطويع الكلمات والمعاني بكل سلاسة

أتعبت الشعراء بعدك أيها الشاعر المجيد ، ولك خالص الشكر على العودة الميمونة

وهذه القصيدة كالنخلة المثمرة المحملة بأطايب الشعر وأفانين الأدب ، المغروسة في بساتين الإبداع

يغذوها ويسقيها بالماء النمير وبالشاعرية الفذة المتدفقة : (عطا الله بن عطية الله الحبكلي )

وفقك الله وسدد خطاك ورعاك ، ولا تُطلْ الغياب على جماهير شعرك ، ورواد إبداعك.

وأعلى تقييم للنص ، وللشاعر الفاضل.

[align=center]وعليكم السلام ورحمة الله وبركاته
صح لسانك مـــدد بـــلا عـــدد
شاعر عُرف بالمفردة الجزلة والبيت القوي والحضور الملفت والمبدع
قصيده جزله وأنت من عودنا على الجزاله سجل اعجابي
ولك تقديري واحترامي[/align]

[align=center]نص يستحق التقييم وشاعر يستحق الحفاوه والتقدير[/align]

راااااااااائعه من شااااااااااعر مبدع

وفقكم الله

صح لسانك وبيض الله وجهك قصيده جزله وفاخره ونص فريد وشملت على الحكم كعادة الشاعر الهذلي