المبادي - ::{ مجالس قبيلة هذيل }:: موقع يهتم بتراث القبيلة ومفاخرها

06-19-2010, 08:15 PM

السلام عليكم ورحمة الله وبركاته
اتمنى ان تنال الاعجاب

[poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يالله وانت اللي عليك اتكالي=ياعالم الاحوال تعلم بحالي
يالله تبعدني عن اهل الضلالي=اللي عليهم يضحكون الشياطين
من يتبع الشيطان شانت دروبه=لاينكر المنكر وكثرة عيوبه
ولا دعا ربه يخفف ذنوبه=سالي مع اللي عشوا الوقت سالين
ياما نصحنا ماتفيد النصيحه=في ناس منحرفه تحب الفضيحه
افعالهم فالوقت دايم قبيحه=باعوا مذاهبهم مذاهب هل الدين
ماخافوا من الله عديمين الاحساس=اللي بأمره بدل الناس بالناس
تبدلوا بأمره شعوب(ن) وحراس=تغيروا حكام عاشوا سلاطين
ياما نشوف ولا قدرنا نغيّر=لا في كبير السن حتى الصغيّر
وقت(ن) على ما فيه والله يحيّر=ضاع الشباب اسباب ميل الموازين
فعل المعاصي عندهم كل الافعال=احدن لها يسعى ولو دربها طال
واحدن يشجع فعلها كل ماقال=واحدن ستره الله وبفعاله ايبين
يفضح سواته يوم ربه سترها=حتى مع اهله وسط بيته ذكرها
سلم صغار السن سكه عبرها=يوم اسمعوا قوله مشوا دربه الشين
واللي ملابسهم بعكس المبادي=اللي عليها علمتني بلادي
واختار تقليد الايهود الاعادي=غاوي من اللي عاشوا الوقت غاوين
اللبس طيحني وغيره فالاسواق=مايلبسه الا عديمين الاخلاق
ماها كذا الاسلام ياطاق طرباق=ياللي على درب التقاليد ماشين
ليت الصناعه نهجهم فالتقاليد=شي(ن) 0يشرف ينفع الناس ويفيد
لكنهم بافكارهم جابوا العيد=بان الخلل فالجيل مابعد الالفين
وانا اتحسف فوق راع البداوه=اصبح ضعيف العزم عقب السطاوه
حتى التمر بُدل بصحن الحلاوه=والقهوه بمشروب نوعن ونوعين
ولد البدو يالناس شانت طبوعه=واختار طبع اللي يحب الميوعه
واصبح حرام اسم المراجل بنوعه=يمشي على موظة يهودن ملاعيين
عقب الكرم والطيب والبن والهيل=امساء سوات اللاش بين الرياجيل
واليا هرج تعرف قليل المحاصيل=باسلوبهم ضاعت جميع القوانين
ماذم غير اللي عديم الكرامه=والا البدو فيهم ارجال الشهامه
كم واحدن يفرض عليك احترامه=ذولا الرجال اللي علينا عزيزين
اللي لهم يشتاق من هو فقدهم=خلف المراجل ماجحدنا جهدهم
واللي مشى درب المراجل وجدهم=من يكره الشانات يحصل على الزين
يالله عبدك جاك رافع يدينه=تايب عن افعال الاساءه لدينه
يطلبك من فضلك بدمعه حزينه=يالله ياغافر ذنوب المصلين[/poem]

06-19-2010, 09:01 PM

صح لسانك يافويز مجالسيه جزله ولاهي غريبه عليك من بيت شعار وعرف

06-19-2010, 09:42 PM

[poem=font="traditional arabic,5,darkblue,bold,normal" bkcolor="transparent" bkimage="" border="double,4," type=1 line=0 align=center use=ex num="0,black""]
واللي ملابسهـم بعكـس المبـادي=اللـي عليهـا علمتنـي بــلادي
واختار تقليـد اليهـود الاعـادي=غاوي من اللي عاشوا الوقت غاوين
اللبس طيحني وغيـره فالاسـواق=مايلبسـه الا عديميـن الاخــلاق
ماها كذا الاسـلام ياطـاق طربـاق=ياللي علـى درب التقاليـد ماشيـن[/poem]

يآسلاااااااام يـآسلاااااااام

كل المجالسيه جميله جــدآآآ بكل آمانه

فويز بن سوده صح لسانك

آجمل ماتصفحته بكل صراحــه

وفقك الله لا تبخل علينا بجديدك