القيل والقال(العمده عطاوي الندوي

العمده الشاعر :عطاوي حدرجان الندوي الهذلي

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

اصحه تجيب لي كلمة القيل والقال = وتقول منت من عيال الحرامي

لو منت منهم منت للهرج نقال = ولا امسيت للنمات جيعان ظامي

لا والله منهم وانت مجرم وختال = انت وهمّ ماظن منكم سلامي

ماشي سلامه منك في كل الاحوال = مثل المرض في المخ جوف العظامي

وان حل سقم المخ فاتك وقتال = سوات في الهيما يحل الهيامي

وهذا العمل اردى ومن فعل الانذال = هذا العمل مايعملوه الحشامي

تفرق الاخوان والعم والخال =وتقطع صلات الناس هذا حرامي

وتشب فتنه في البشر تشعل اشعال = ايش فايدتك انته يامان العدامي

هذا حسد او بعض من شان الاموال = والا على هذا في خشمك عرامي

ماتدري ان الله الذي يعطي المال=ولا يشيـر أقليليـن الذمـامـي

ولاتدري انه يحاسب بالاعمال = ويحصي الي يعملوه الانامي

في ذمتي لوكنت صاحي ورجال = ماتنقل النمات بين الكرامي

ولاتعمل الفعل الي ينقص المال = ويجعلك بين الناس مالك مقامي

واصبحت خيل ابليس وابليس خيال = يوجهك شرقاً وغرباً وشامي

في معركة ظالم وماكر ومحتال = وسلاحه الكلمات مثل السهامي[/poem]