العاقبــــه

تحيةٍ ياللي سكنت أرض الجنوب = من خاطري لك التحية وافيه

تروح من مكه محملها الهبوب = ما تشوفها فوق النسايم ظافيه

تمسيك مني قبل لحظات الغروب = وتصبّحك والشمس تشرق صافيه

من هاجسٍ لاشب في قلبي شبوب = تصوّرت قدام عينـــــي القافيه

مع لحظةٍ فيها تعاظمت الخطوب = ولاهي على المسلم تعدت خافيه

تشعل عواقبها على كل الشعوب = ويموت منها أللي يريد العافيه

أللـــــه يا لمعة صواريخ الحروب = على العيون المؤمنات الغافيه

أجسادها تصبح مثل يبس الخشوب = وعلى سطوح ألماء غصون طافيه

صرخاتها ا لثكلى بعبرتها تذوب = ولاحدٍ يرد إلها بكلمه شافيه

يقوم ينصرها صليبيٍ كذوب = ويحط حاكمها رئيس ألمافيه

الماكرين أهل الخيانه والهروب = أسرابهم على المخازي هافيه

على القمم لو هي بيارقهم تلوب = من المذله قلوبهم مستافيه

متهالكين أهل المعاصي من الذنوب = وأيامهم ماهـــي بعيده لافيه

والمؤمنين أليا تغشتهم كـــروب = العاقبه كلمه من اللـــه شافيه

صح لسانك ياالضلع
وبيض الله وجهك
واصل الإبداع

صح لسانك قصيده جزله
سجل اعجابي

[ماطر السويدي]

الله يعطيك العافية يالضلع

قصيدة جزلة سجل أعجابي

صح لسااااااااااانك

ويعطيكم العااااااافيه

صح لسانك يالضلع

بيض الله وجهك

صح لسااااااااااااااااااااااا اااااانك
أبدعت ياالضلع

صح لسانك وبيض الله وجهك تقبل مروري وتقديري ،،،