بريده

[poem=font=",6,black,bold,normal" bkcolor="white" bkimage="" border="none,4," type=1 line=0 align=center use=ex num="0,black""]
الله يا درب يودي بريده = خمسة ميه كيلو ولا فيه لفات

يعني على مفهومنا الدرب سيده = طرقي ولا تقدر توقف للحظات

في ربعه الأول قريت الجريده = وملحق الأعـــــلان واللأقتصادات

وفي ربعه الثاني بلتنا الجديده = بمكيفن منه العظام أسكريمات

كني سجين مقيدينه في قيده = وموثقينه مع خويه بكلبشات

وقدام ناصل قد كتبت القصيده = عساني أقظي مابقي من مسافات

وانا ليا غنيت شعري واريده = كل المشاعر تلتهب شوق واهات

لاجله فوادي به جروح وقيده = عيت تهونها السنين التي جات

ويش الأماني لو تحقق زهيده = والياس يحي خاطر النفس مامات

ونفسٍ تعيش الذكريات العنيده = نهارها و الليل كلــــــــــــه معانات

بالله ياناوي القصيم البعيده = ليتك تبدل وجهة اليوم وجهات

وجهة ديارٍ باردات سعيده = قالوا عليها يمطر المزن ساعات

وان قلت تمنعنا الحدود الشديده = عساك تلقى غير درب القريات

لوكان مع روس الجبال الصميده = درب من الله له نظام وقوات

الجو واسع والاراضي عديده = ومن فضل ربي كلبوها مطارات

عسى تعيش النفس لحظه فريده = مع كل مالاقت على أرض الرسالات [/poem]

حزين القوافي

لضلع صح لسانك
ويعطيك العافيه
على هذي القصيده الراااائعه
تحياااااااااااتي لك

ياحيالله الضلع، وحيالله ماجاب

قصيدة جميلة ، وسرد لا أحداث رحلة، جميلة

سعيدين بتواجدك معنا، ولكن لي طلب لاهنت، أجعل بين كل قصيدة وقصيدة وقت كافي، ليستمع الجميع، بما تقول....

فإنزال أكثر من موضوع بوقت واحد يقلل من التفاعل، ويهضم حق قصائدك.


صح لسانك ولاهنت، ومرة أخرى سعيدين بتواجدك


أرق التحايا

صح السانك
وننتظر جديدك انت شاعر مميز وعندك طاقه شعريه سوف
يشهدله التاريخ -لك تحياتي وتقديري
ملاحظ لاتقدم ولاتوخر معروف ان النار هي الوقيده اما الجروح يرمز لها( بعطيبه ) فلو قلت في بيتك الخامس الذي قلت فيه

لاجله فوادي به جروح وقيده = عيت تهونها السنين التي جات


لاجله فوادي فيه ناراً وقيده = عيت تغيرها السنين التي جات

صح السانك واعتلى شانك

قصيده رائعه كقائلها

تحياتي
ابوسندالهذليـــ

صح لسانك ،،،


تحيــــــاتي .

صح لسانك يالضلع
كان الله في عونك

قصيدة جزلة وموهبة واعدة تنتظرها الساحة الهذلية بشغف تقبل مروري وتقديري ،،،،