ورحب باهل الطيب وقدم لهم بـن

قصيده راقت لي كثيرا وحبيت ان انقلها لكم....




ودي انصحك ياذيب في بضع كلمات
عساك من بعدي تمشّـى عليهـن

اذكر عظيم الشان في كل الاوقـات
تراه مع ذكـر الله يهابـك الجـن

واحرص مع الفرحه تخلي العبادات
الدين افضل من هل الفـن والفـن

دامك شباب وفيـك قـوه وهمـات

من قبل ماسود العوارض يشيبـن
ترى السعاده كلها بضـع ساعـات

والوقت ياما طيّح الرمش والسـن

احرص تعرّض للخلايـق باهانـات
تـراك ماتـرزق ولاعقبـك يمـن

لوطحت مااحدٍ قال منهم سلامـات
ماغيـر قـول الله يزيـده ويُلعـن

امش الطريق اللي بها سبع لفـات
اخير من مشيك مع الرجل الارعـن

واحذر من الانذال واهل الاشاعـات
اللي طوال اليوم في راسـك تـزن

خلك قرّيب مـن رجـال الكرامـات
ورحب باهل الطيب وقدم لهم بـن

خلك كريم الخُلق حسـن البهيـات
حلوٍ نباك وحلو جوفـك ولاتظـن

ترى الوفا هو راس مال المحبـات
وفاك يبقـى وانـت لامـت تُدفـن

واصبر على مر الليالي والازمـات
لاخير في قلوبٍ عن الصبر صـدن

الصالح اللي ماذكـر فيـه عيبـات
لاخالطـه العفـن مـنـه تعـفـن

هذي نصيحة واحدٍ جـرب آهـات
يصبح حزين ويسهر الليل ويـون

لازال في جسمه جـروحٍ وطعنـات
مهمـا مضـت ايـام لابـد يبقـن