" السم في ميسان والموت في نعمان " محمد المسعودي ومصلح بن عياد

هــذه محـــاورة بيــن الشاعـــر محمــد المسعــودي والشاعـــر مصلح عيـــاد أقيمـــت مســـاء يــوم الخميـــس الموفـــق1431/5/15 فـي قاعـــة نباريـــس بالطائـــف

مصلــح/

سـلام رديـه يضـرب لـها حسبــان***الصـف ينقلـها والخصم يحسبـها
لو كل مسعودي يرجح له الميـزان***قامت بني مسعود تفتل شواربـها

محمد/

يامرحبـا منـي كلمـــة لــها برهــان***لو داركم من عام كثرت عقاربها
بدري على مهلك يالطرقي العجـلان***النـاس قدامـك صعــبت مطالبــها

مصلح/

لاتتـرك الميـدان ياضابــط الميـــدان***وألا أتـرك الرتبـه تقعـد لصاحبها
بمشي على كيفي وأدخل مع البيبان***وزيارتــي يمــك بكـــرة برتبــــها

محمد/

أسَـرح الرعيـان وأضَوي الرعيــان***وأنا على المرقاب من فوق أراقبها
قــدام لاشوفـك سميـــت بالرحمــــن***لك خطــوةٍ تدفعــك والله كاتبــــها

مصلح/

أطـوع العيَــال بالنـــار والدخــــــان***من صاح من عله بكرة يموت بها
بيني وبينك علم عوذ من الشيطـان***والنافلـة والفـرض كبـر وصل لـها

محمد/

تلعب على الحبلين ياذيب ياسرحان***أصــدق علومـك وأحيــان أكذبـــها
ياحلو منطوقك وأنتـه قليـل احسـان***أهل الوجيه الحمر من وين جايبها

مصلح/

الجمــر فالمثبــا والتمـــر فالدكـــــان***ودك تبعَــــــدها وألا تقربــــــــها
أهل الوجيه الحمر جوكم مع الريعان***وشلون تكرهــها وأنته مناسبـها

محمد/

مليـان شـر وخيـر يالحارثـي مليــان***متعب بني عمك والناس متعبــها
لـولاك فالديـــرة ماتمشــي العميـــان***لقيـت لك لوحــه علــى مكاتبـــها

مصلح/

علـم هذيـل الشـام يامحمـل السلطـان***حاسب على روحك قدام أحاسبها
أن جيتنـا راضـي وأن جيتنـا زعـلان***مشتـال لك بنـدق منته مزهبـــها

محمد/

هذيـل أهـل جيـره وتقــدر الجيــــران***وانته على راسك عمه معصبــها
مزهـب البنـدق وأرمـي على النيشان***لكـن فالمسلـم مانـي مصوبــــها

مصلح/

حنا بني الحارث نقضي على الطغيان***أنشـد عـن القالـه راسٍ مجربها
السمن في نعمان والسم في ميسان***ودك نزينــــــــها وألا نخـــــــربها

محمد/

حنـا عرفناكـم مـن ماضـي الأزمـان***قبيلــةٍ وحــده عشــــره مذاهبــــها
السم في ميسان والموت في نعمان***لا تحفـر قبــورك وأركـز نصايبــها

مصلح/

سحابة الوسمي مرت على الهذلان***اللــي مــن القبلــة هبــت هبايبــــها
ماهمنــي همــك يانـازل الوديــــان***تجيبــها عوجــا والا تــروح بــــــها

محمد/

مـن يـوم عدتكـم ماجالــها ربــــان***كبـرت مصايبــها هانــت مصايبـــها
ماني على الفتنه جايع ولا ضميان***ودك تصـــــــررها والا تحلبــــــــــها

مصلح/

ما اسرعك تنساها يالشاعر الفنان***يـوم أنـها حنـت وأرخــت ذوايبـــــها
الوادي المشهور بالورد والريحان***فيـه الجمـال الحمـر عضـت غواربـها

محمد/

أليـا بغيـت الصـدق ماذروا السكان***يكفيـك حاضــرها مـن دون غايبـــها
حنا أمة الاسلام والمسلمين أخوان***كلمـة ماهي للعـرب وشلـون تعربـها

مصلح/

ودك نختمـــها باللــول والمرجــان***وهذيــل قـومٍ قـوم مانــي محاربـــها