مساجلة بين عبدالله المطرفي و عطاالله القارحي

سببها:
تخلف الشاعر عبدالله المطرفي عن حضور مناسبة دعي لهامع شاعر آخر فعرض صاحب الحفل للإحراج . ولضروف طرأت على المطرفي لم يحضر وترك غيابه أثرا في نفوس أصحاب الحفل و كانوا ينوون مطالبته بالحقوق فأرسل لهم هذه القصيدة

سلام الله سلام المسلمين السادة الأطهار
سلام المسلمين اللي صلاة الله تصليها
سلام لا يسيح ولا يطيح ولا عليه اغبار
عليه أغصان ريح الورد زارعها و مسقيها
أقوله للصحيب اللي عزمنا للفرح شعار
وجا دون العلوم اعلوم مبغى الناش توحيها
وانا والله لا جاهل ولا خاين ولا غدار
ولا أحب العلوم اللي تسود وجه راعيها
هذيلي من هذيل أهل الثلاث البيض وأهل الدار
لنا ماضي وحاضر والرجال اتعرف ماضيها
ليا أخطا واحد منا وقع همه ونومه طار
ويشهد فوق نفسه بالسواة اللي يسويها
وهذا ما يحز بخاطري ويزيد ناري نار
وطيت النار وأثر النار تحرق رجل واطيها
وقول الغلطة اللي من سواني مالها معذار
ونجما في السما يمشي عما تومي به الأقدار
ورجلين المها ما تدري الله وين مغديها
تدور ابها الليالي في فلكها والفلك دوار
معذر في الحياة وعايف أولها وتاليها
جراله ما جراله مير ما هو بايح الأسرار
يشوف الناس قامت للعلوم تقر أذانيها
أحد يقرا جريدةوأحد يسمع نشرة الأخبار
عصاه يصيبها ويجيبها للي يوديها
وانا شاقي وباقي وأعرف الدنيا حلو وامرار
وانا إلى ذقت منها مرها ماذقت منها حاليها
ألا يالله يارب الملا الواحد القهار
متى نرتاح والأجراح تلقى من يداويها
وقول أسلم وسلم وان بغيت الحق في اللي صار
تراني مستعد وحكمت(ن)ترضيك راضيها

ثم أنابو عطاالله بالرد عليه

على سنة رسول الله على دين النبي المختار
على سلم العرب يا مرحبا وازيد واثنيها
تحية غالية متتالية ما دونها عذار
تحية ماتقدم غير للي الطيب حاويها
تقدم لك ياعبدالله وتبقا للزمن تذكار
عليها من عبير الياسمين وعطرها فيها
وانا أدري انك تعرف المخطية والقدر والمقدار
وفيه علوم تاخذها وفيه علوم تعطيها
وحنا وان شكينا نشتكي من كثرة التكرار
صبرنا والصبر زل العشر ما أدري حراويها
يا عبدالله هذيل اليوم يمك لدت الأنظار
بدون اقصورفي الشعار قاصيها ودانيها
نفوس هذيل ضاقت والخواطر زايدت أكدار
وربعك نارهم خير لك من جنة معاديها
فقدنا في الزمان اللي مضى نورا من الأنوار
وتالي الوقت دنيانا بلتنا من بلاويها
خذت منا جنيه أصلي بعد قرت الأسعار
حكم كل الصيارف حكم بايعها وشاريها
وانا عندي خبر في التاجر اللي حارب التجار
وجاته من جنوبه غدر شي منها وشي فيها
ولا تخضع ولا تنس تقوى لو زمانك جار
الاستسلام ماهو طبع نفس الله مقويها
ولا تعذر من الدنيا ولو بدلت دار بدار
ترى ما بعد عسرات الدروب إلا مباديها
ولو تكبر تراها في عيون القادرين اصغار
ولو تصعب نهونها ولو شبت نطفيها
ترانا في يمينك مثل حد القاطع البتار
نعينك والمعين الله وبذن الله نسويها
واقول العذر يكفي منك لا ثاير ولا ثوار
ولك مني حماية قبل تاصل عند قاضيها

وهذه المساجلة قديمة يمكن لهاسنتين أو ثلاث
وأتمنى ما أحد كتبها قبلي في هذا المنتدى
وشكرا لكم إذا قراتموها أو لم تقرؤها
واتحدى اللي ما يقراها
واتحدى اللي يقراها وما يعجب بها
آسف على التقصير
ودمتم سالمين
أخوكم اللحياني الهذلي

بيض الله وجيههم على هذه المساجلة

وعساك على القوة ياللحياني .

[align=center]مشكور على المشاركة الرائعة

مساجلة جميلة

وننتظر منك المزيد


ينقل الى
منتدى شعر وشعار هذيل [/align]

الله يعطيك العافيه على الموضوع الرائع تشكراتي

مشكوووور اخي اللحياني

مساجله اكثر من رائعه

بس لي ملاحظه على قصيدة المطرفي

ليتك تراجعها زين وتعدلها وانا اخوك

مساجلة رائعة جداً الف شكر والله يعطيك العافية

وقول الغلطة اللي من سواني مالها معذار
ونجما في السما يمشي عما تومي به الأقدار


هذه البيتين متتاليه ولها نفس القافيه ياليت يتم التعديل يا لحياني يا ولد عمي


اشكرك ووالله لقد أعجبتني

وفيها اعتذار معاني رائعه ورد الشاعر عطالله بلا قصور

الله يعطيك العافيه ياللحياني


مساجله رائعه بين شاعرين رائعين





تحياتي ,,,

أشكركم جميعا على هذه الأصداء
وبالنسبة للأخ : صقر الهذلي فأنا نقلتها كما هي من الجريدة
وبالنسبة للأخ: سلطان السويهري فأشكرك ولكن ذلحين مافي تعديل ولكن راح أكتبه
..................................معذار
ولا يظهر عذر منها ولا يدخل عذر فيها
.................................الأقدار

والباقي ما تغير.

[كاسب الطيب]

مساجلة رائعة جداً الف شكر والله يعطيك العافية