00عيد الضحيه00

[poem=font=",6,black,normal,normal" bkcolor="orange" bkimage="" border="none,4," type=1 line=1 align=center use=ex num="0,black""]
ياشين ذبحة شخص نفسه بريه = بعد إبتلوه بدم والدم ماسال
كلن يقول الله ! يذبح خويه = محدٍ درى مضلوم ياساتر الحال
بعد إسحبوه وقربوه المنيه = يشوف موته قدم عينه والا حال
يذكر عياله والليال الخليه = في ماقفٍ ماياقفه كل رجال
هذاك ذبحك لي بعيد الضحيه = يومك مشيت ولا بقى غير الاطلال
ذبحت نفسٍ ماتبى منك ديه = اي والله إنك صبت قلبي بمقتال
الله ياصدتك ياهي قويه = حسبي عليك إن كان بددت الآمال
ياروح روحي والليالي مديه = ولا وفالي غير خاتم وسلسال
راحت حياتي بين روحه وجيه = لاينقضي لازم والا انزل بمنزال
أنوي على الضحكه واجيها عنيه = واسمع صدى حزني يقول أنت تحتال
ياكيف تضحك عقب هاك العذيه = إصبر لو ان الصبر ياصاحبي طال
زمان يوم إنك تجي في يديه = يوم إن قلبي لك مقرٍ ومدهال
قلطك ضلوعٍ نحافٍ طريه = واصبحت مابين المعاليق تختال
واليوم اشوفك مخلفٍ كل نيه = وصار الذي ماكان يطري على البال
شفتك تمر والا ترد التحيه = واصل السبب هرجٍ تناقله الانذال
زيدي بجورك وأعلمي يااجوديه = ان الموده بين حلٍ وترحال
اخاف من يومٍ تبان الخفيه = ولا عاد تلقابي من الود مثقال
وإن مابقالك في فؤادي بقيه = ارحل بصمت ولا ابي اسمع جدال [/poem]