قاف لايقبل انصاف الحلول بين فتى الحجاز وبين ابن مغبش تفضلوا واحكموا

السلام عليكم ورحمة الله وبركاته - بعيد عن اعين الناس جرت هاذي المحاورة بيني وبين ابن مغبش وحبيت ان انقلها لكم لاجل السبك والحبك والقوة اللي جرت فيها لااحب ان اطيل عليكم لكم الحكم ياربعي
البداية عند ابن مغبش:
طابت الملعبه ياربعنا الاجواد
في ليالي تجيب المطرب الفني

راحت السالفه ماجابها النشاد
خاب ضنك وانا ماخاب لي ضني

فتى الحجاز:
طاب مصدارها ماادري عن الميراد ## مير ماكل ذيب ياكل الجني

روحت فوقها خرجٍ بجنب شداد## مير ياهذيل ردوا حكمتي عني


ابن مغبش:
بعد دله نبى نشرب معك براد ===عل قلبك يصير اليوم متهني
السحايب ترازم واسمع الرعاد=ويش تسوي ليا صوت الرعد دني

فتى الحجاز:
اثر للنار وسمة في يد الحداد## حيث تأكل يدينك قبل تأكلني

كل قلبن يعيف الخير مايزداد## اقبل بخير وابشر يالسعد مني

ابن مغبش:
شوف راعي الشفر لو طالع العداد=كان بطن الشفر يمديه ماحني
والله اني على الشعار بالمرصاد=شي يغبن لك الله كيف يغبني

فتى الحجاز:
ياشفر سرك الخافي على الكداد ## لك مكينة سواة مقرقع الشني
لو كلامك يضوي لك شراب وزاد## مابقى فالبلد هيل ولابني

ابن مغبش:
كل ديره يجيها يافتى رواد=غير ديره عليها الشوك متثني
ليت وان الزمن ياربعنا ينعاد=كان قلنا لوقت راح يستني

فتى الحجاز:
انت لك زاد زاد البطن وزن وزاد ## ودك تقول ناظرني وصورني

اكحل عيون حساد الزمن برماد ## واخذ الزايده بالعرف والقني

تقبلوا تحياتي - فتى الحجاز - الخثعمي المطرفي الهذلي