ياللي ركبتوا تسع ساعات بالتيم00000

[frame="2 98"]

بمناسبة الاجازه الصيفيه هذه احدى قصائدي من الارشيف عسى ان تنال الاعجاب واقول فيها000

ياللي ركبتوا تسع ساعات بالتيم==فالطايره دار الغوى حايلينا

تبغون ديرتهم علي الملازيم==من جده اقفيتوا لها منتحينا

من داركم تمشون خفيه وتكتيم==ولاحدن نشدهم قالوا مصيفينا

يقلون فأبها خلوا السين والجيم==بين الدلال وبين كبشن سمينا

وأنتم تسومون الذهب بالملاليم==في دار ماتعرف يكود الرطينا

دارن بها الازوال ماتجفل الريم==حنا لها بأرخص ثمن بايعينا

دار من اهلها تشكي الذل والظيم==وحنا ديرنا للطلب تحتسينا

دارن بها اللي فالشوارع مداليم==مافيهم اللي فاللوازم يعينا

الله يعز اهل الوجيه المحاشيم== ويعز منهو قلبه ابيض فطينا

لازم تصحح يالعيال المفاهيم==قبل الممات وقبل قبرن وطينا

تذكروا لاجاوز الكبتن الغيم==وراح المحرك فالسما له حنينا

يوم(ن) من اهواله تشيب المفاطيم==وام الجنين يطيح منها الجنينا

يوم(ن) به العالم عراة مباكيم==مع كثرهم وصط العرق عايمينا

احد يصل كعبه واحد جاه تلجيم==ماهم سوى فالذنب متفاوتينا

فالنار يرمون العصاه المكازيم==وفالجنه اهل الدين متقابلينا

وتوبوا ترى التايب مبشر بتكريم==يمحى عنه جملة ذنوب السنينا

وصلوا على اللي حكم الشرع تحكيم==بامر الذي له كلنا ساجدينا

0000000000000000000000000000000000000
وسلامت الجميع واجازه سعيده

[/frame]

صح لسانك يابو عادل

يعطيك العافيه حطيت يدك على الجرح ولكن هل من متعظ ؟

دمت بخير

ياسلام على الشعر الهادف سامي الهدف جزاك الله خيرا وصح لسانك ولا فض فوك أيها الصوت الهذلي الشامخ

ياسلام يابو عادل


راااااااائعه فعلا




والله يسعد ايامك استاذي



وواضح ان الديره ذي جاااااااااااااااااااااااا اااكرتااااااااااااااااااا ااا



الله راحو لها خويااااك


تحياتي وتقديري

صح لسانك يا بو عادل ، نصحت ووعظت

والله يرد ضال المسلمين للحق

صح لسانك ياصلاح المطرفي

والشعر رساله


اطيب التحايا

اشكر جميع الاخوان على المرور والاشاده وتقبلوا خالص تقديري

اللهم صلي على محمد


صح لسانك وصح فكرك


شاعر حكيم بمعنى الكلمة


بيض الله وجهك


والله يهدي الجميع

اشكرك اخي ابو رديد على مرورك وتقبل خالص تقديري