البارح الفكر والهاجوس=والهم صاروا علي اعوان

[frame="2 98"]
هذي مساجله بيني وبين الشاعر حمدان الحمراني000000 والبدع مني واقول


البارح الفكر والهاجوس==والهم صاروا علي اعوان

حاولت في طردهم بفلوس==بدكتور يعطي على البرهان

قال المرض يافتى مدسوس==و فالطب ماشوفله عنوان

ورجعت والقلب فيه حسوس==وجوف الحشا تشتعل نيران

وعودت ادور هل الناموس==وذكرت انا صاحبي حمدان

لجله يسوس المعاني سوس==شاعر وعنده لها ميزان

فالاصل يرجع لحرب الروس==والشام كله لهم مسكان

ياخوي قلبي سواة القوس==واسبابها كثرة الاحزان

ماهو هوى معرف المنكوس==انا تراني من الهذلان

ابغاك تفتش لي القاموس==وتظهري الداء من الشريان

..................................................
الرد من حمدان الحمراني :

الوقت كله عبر ودروس==والله له فالخلايق شان

فالنفس خل الامل مغروس==لاتعلن الياس والحرمان

خلك لحل العقد سايوس==لايكون دكتوركم غلطان

كب الالم فالحشا محبوس==من شان ماهو معك نصحان

وترى الحزن يستحل نفوس==واحوال تمضي على الانسان

وباب الهوى ماعليه حروس==وهذيل من جايز العربان

لكن يامشتكي حاسوس==اوصيك بالصبر والايمان

تلقى الرجا واقعه ملموس==ويحقق امالك الرحمن
.................................................. ......
وسلامة الجميع...
[/frame]

صح الله السنتكم جميعا

ياسلام ياصلاح


بدع ولا اروع ورد جميل


صح لسانك ولسان خويك


اطيب التحايا يامبدع

اشكر الاخوين ابو ياسر وبن عادي على المرور والاشاده

صحت السنتكم

وبيض الله وجيهكم

صح لسانك يابوعادل
وصح لسان حمدان على الرد الجميل


أبدعتوا

بيض الله وجيهكم

صحت ألسنتكم أبدعتم وتألقتم

جزاك الله خيرا

صح لسانك يابو عادل انت وزميلك

يعطيكم العافيه جميعا

دمت بخير

صح لسانك انت والحمراني ولا هنتم

ابداع من الشاعرين