" المواريـــــــد"

[poem=font=",6,darkred,normal,normal" bkcolor="transparent" bkimage="" border="double,6,black" type=1 line=0 align=center use=ex num="0,black""]
طلبت اللي قديمات حسانيه = وصرمت الحطب للشاذليه
وبعد طلع الفجروالنور كاسيه= وردتك يالمواريد الرهيه
وشربت مغثبرك قدام صافيه= وطعم الجم متغير عليه
ولقيت البوم عشعش في عواليه= وعكرراكده طير الحديه
وأنا حبلي بعيد الجم يدنيه = وحلقي حايله دونه يديه
وعلى الجم كلا له مواريه = وكلاً فيه ميزه عن خويه
لقيت اللي كثير المال مطغيه=مثل فرعون مع موسى نبيه
يبي موته وهو يبي ينجيه= ولا حال الرجاء دون المنيه
ولقيت اللي قليل الهرج مكسيه= جميلات الحلل مثل الهديه
وفيهم من صويب الراي يبديه= ليا حال الصعب دون الوطيه
ينادي لا يهاب الضلع راقيه= ولا دون الحمى غير الحميه
وأشوف اللي معه عقل مقديه= رفيع منزله بين البريه
كما نجم نخيله في عواليه= يقدي في الليالي السرمديه
وقليل اللي معه عرف يرجّيه= يجافي الجال لايكفى دليه
وراع الصبر ثابتة(ن)خطاويه= بحيد الجم يدمح كل سيه
وتجمل بالصبر وأسقى ضواميه = ولا عقب بعد ما اقفى رزيه
وأخيل من العرب أهل التشابيه = قليل المعرفه والمفكريه
ليامنه هرج ما ودي أوحيه= دخيل الله من مثله وزيه
مجد يجمع اللي ما يعاييه= على كيفه وفي رأيه خويه
وناظر مقدمه كنه تواليه= معه يمنى كما اليسرى لويه
وباقي الورد ما اعرف احليه= مثل سيل خلط هذي بذيه
وتحفظت الذي ما خاب راجيه= وقريت البسمله صبح وعشيه
وقصبت رشاي عن كثر التداريه = وشديت الصّعب والشمس حيه[/poem]

شاعرنا المبدع / الضافر

انا اشهد انك شاعر جزل ومافيك حيله

فقد ارجعتني بالذاكره للأيام الخوالي وتلك الديار العامره بمن بقي من اهلها بلهجتها الخالده التي تكاد أن تنقرض بسبب التمدن والتحضر عند الكثير من أهل الباديه

فصح الله لسانك يالجزل

أبيات صعبة التركيب ،وألفاظ رنانة عابقة بالجزالة
صح السانك وعتلى شانك.

صح لسانك وما قصرت ومشكووور على هذه القصيدة

	المشاركة الأصلية كتبت بواسطة سالم محسن الفهمي

	شاعرنا المبدع / الضافر انا اشهد انك شاعر جزل ومافيك حيله فقد ارجعتني بالذاكره للأيام الخوالي وتلك الديار العامره بمن بقي من اهلها بلهجتها الخالده التي تكاد أن تنقرض بسبب التمدن والتحضر عند الكثير من أهل الباديه فصح الله لسانك يالجزل

أخي الفاضل سالم بن محسن الفهمي

أشكر لك عبير سطورالثناء المحملة بأريج النفل وعبق الخزاما

فبارك الله فيك وفي ديارك ومن سكنها وأبقاك فخر وذخر لكل أصالة


ودمت أخوك الضافر / عبيد الله اللحياني

	المشاركة الأصلية كتبت بواسطة حسين الهذلي

	أبيات صعبة التركيب ،وألفاظ رنانة عابقة بالجزالة صح السانك وعتلى شانك.

أخوي الفاضل حسين الهذلي

اشكر لك المرور الراقي والثناء الكريم الذي أسبغته علي


فصح الله بدنك وسلمك من كل سوء

	المشاركة الأصلية كتبت بواسطة ابو صقر

	صح لسانك وما قصرت ومشكووور على هذه القصيدة

حيا الله اشراقتك الكريمه وسطورك الراقيه

دمت أخي الكريم ابو صقر

صح السانك حتي ترضى ولك تحياتي

الضافر ...

بيض الله وجهكـ و صح لسانك على هالجزالة

عز الله قصيدة قمة في كل شي

لله دركـ ,,,


سجل عندكـ اعجابي و متابعتي

أطيب التحايا