صلة الأرحام

[poem=font="simplified arabic,6,black,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/20.gif" border="none,5," type=0 line=0 align=center use=ex num="0,black""]

على الله يازمان ٍ حطني مابين ضرس وناب = وانا شاعر واثمن كلمتي قدام لانطقها
على الله ياليال الهجر تهجرني بدون اسباب = ليالي مظلمة واسباب مانعرف حقايقها
وانا توي صغير السن ممااشوف راسي شاب= ودنيانا تزين للهواوي لين يعشقها
وانا ماشي على النية واناعيني على المرقاب= على غير الكريم المرتجى ماني معلقها
واشوف الوقت متحزم على العالم كما الحراب = واشوف الناس وسط اقلوبها ثارت بنادقها
مشاكل والمشاكل ماتجيك الا من الاقراب = كما بغداد مدفون القنابل في حدايقها
تحصل واحدٍ مغسول عقله غسلة الارهاب = يشوف الشمس تشرق للعرب من غير مشرقها
بدل باب الصلة والرحم يفتح للمشاكل باب= ويدخل عالم الاحلام والكذبه يصدقها
يجنب كلمة الصادق ويسمع هرجة الكذاب = وقوم الكذب عند الصدق ماتبرز بطايقها
يسلم دبرته لإبليس والشيطان راس الداب = ولايرتاح بال ابليس لين انه يفرقها
ويجرح في حشاها جرح لو جبت الدوا ماطاب=ويرمي بالامانه فالبحر والموج يغرقها
أمانه والامانه ماتودع في يد النصاب =يربي لحيته والموس بريالين تحلقها
امانه في يد المامون تحميها لحا وأشناب= وتحميها يدين اللي عن العالم موثقها
يقف من دونها بالسيف والسكين والمشعاب = ولايملا موازين العرب حاجه تضايقها
دروب الحق تمشي سيد لا لفه ولامجناب =وقوم الحق تشتال الامانه فوق عاتقها
ومن يبلى بكذبه جابها طالب من الطلاب= معه نيه وعنده منيةٍ وده يحققها
نقول الكذب ماله عندنا موقع من الإعراب = على شرواك حولها ومثلها وطبقها
صدور الناس مفتوحه ومقفوله وعوج ارقاب= وانا وشلى بخلق الله افتش في صنادقها
نجوم الليل تهديني سهيل وصاحبه ماغاب= اتابعها ووجه الفجر تالي الليل يدرقها
وافكر واحتسب واحسب واوقت ساعة الحساب =ولا ننكر ثوانهيا ولا ننكر دقايقها
عسى ربي يجملني مع الغالين والاصحاب = ورجلي في طريق ٍ مايضيع حق سايقها[/poem]