نقض فريد من شاعر كبير / عبدالله المسعودي

انا من محبين الشاعر الكبير عبدالله المسعودي الله يرحمه ويسكنه فسيح جناته

له ابيات مع مستور العصيمي كان مستور مسافر ومعه احد اخوياه الى تركيا في سنه من السنين ورجع مستور وخويه بعد ما رجع وتقابل مع المسعودي قاله عبدالله المسعودي

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هلا مرحبا هيل يا الصاحب الزين = ومن غاب غيبتك جاب الهديه [/poem]البيت الثاني ما اورده صاحب القصه الشاهد في الموضوع رد مستور ببيت جميل يقول فيه

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هديتك تاصل على الراس والعين = ولكن ما شفت ضيفتك ليه [/poem]
فطبعا الشاعر عبدالله المسعودي سريع بديهه وشاعر ينقض البيوت نقض رد عليه ببيتين وخارج نفسه من عتب مستور ليه ما ضيفتني اول وابشر بالهديه قال عبدالله المسعودي

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يقولون في تركيا رحتوا اثنين = احد جاء واحد ننتظر في مجيه

وحنا نباها حجر صاد طيرين = نبا ضيفته لين يرجع خويه [/poem]

قصه قالها لي شاعر من اللي يجالسون مستور العصيمي وانشاء الله انها ثقه ومن عنده خبر عن تكلمتها ياتي بها الله لا يهينه

اخوكم

ناصر الشريف

مشكور ياناصر الشريف وبارك الله فيك


ياليت يتم التحقق منها


وانا شخصيا راح اسأل عنها


تحياتي

مشكور اخونا ناصر وان شاء الله الاخوان ماراح يبخلون علينا ويبحثون عنها

رحم الله الاسطوره الذي لا يتكرر ابدا ابدا ابدا


وشكرا لك ياناصر الشريف

الف شكر لك يانصر الشريف
ويعطيك العافيه
والعمر الطويل

ههههههههههه

الله يرحم اسطورة المحاورة عبدالله المسعودي شاعر لايعجزه أي بيت لأي شاعر كان .

لاهنت يالشريف

سرعة البديهه .. اهم ركائز شعر المحاوره

توثيق جميل منك اخي ناصر الشريف

اول مره اسمع بهذه الابيات

ولكن كبار السن .. واخواني بهذا الصرح الشامخ سيبذلون المجهود للحصول عليها

شكرا لك مره اخرى