قصيده : حجة استحكام ..!! حصري كما يقال

من الواقع المر ولدت القصيده .... وشرف استقبالها في مجالس هذيل

(( حجة استحكام ))حصريا

[poem=font=",6,black,bold,italic" bkcolor="transparent" bkimage="http://www.hothle.com/vb/mwaextraedit4/backgrounds/17.gif" border="none,4," type=2 line=0 align=center use=sp num="0,black""]
احسني ضايق واحس الفضاء (حوش) = مرفوع متر معمره وسط غابه
حجه ولابه صك مابه سوى الهوش = ماكني الا ناهبٍ لي نهابه
لابيت فيه ولا به بساط مفروش = الارض فرشي واللحاف السحابه
من شان ماني مع هل البلص بشبوش= ولني هْذِلي فقرى عزيز ِ جنابه
ماكُل حرام ولاخذ الشئ بلّووش = وامشى علي ممشي الفِلاح الذيابه
ان غبت لي في راس الاحلام طربوش= وليا حضرت احسبت من خير لابه
وقت يخلي راسي العقل مربوش= ويسود فوق العارفين الزلابه
شئ حصل للحين لازلت مدهوش= وتبينه بعد السؤال الاجابه
*ياهل الامانه بانت زنود وكروش = كلاً علي ماقيل يعبى جرابه
احد ٍ يبات الليل خاين ومنفوش = واحد ٍ يكفكف دمعته في ثيابه
واحد ٍ سهوم اعداه خلته مقروش = لاهو بحي ولا رحل مع ركابه
اثر الطمع ضيّاع والغافل يحوش = واليا انتبه ماتسمع الا شُغابه
من يامن الدنيا ترى حيل مغشوش = ومن يعرف الطرقه يولمّ زهابه
*اخذت من عمري علي ماقُسِم جوش = واشغلت فكري بالصعيد وترابه
وعودت لديارٍ وبي جرح وخدوش = لاشافها المشتاق يفقد صوابه
حلة دكا ريح المعاميل والدوش = تنسيّ القلب الصويب اغترابه
وربعٍ حشامْ لدار ماخلّف طروش =ماحللوا اكل الربا والربابه
مدهال عز وفزعة رماح وجيوش = اهل العلوم الطيبه والذرابه
*يارب تلهمني القناعه ولا انوش= درب الخطا واهل الخنا والصبابه
سار القدم( لله) ماهو ّ لعلووش = مايوم راسي قد حِنى عند بابه
يامن يسوق الرجل ويحرك رموش= أغفر لعبدك يوم فكره نحابه
مايُغّفْل التاريخ لا كان منقوش = والسيف قوة ضربته من نصابه
واذكر عمر كم هز من ملك وعروش= بالدين ماهي بالحيل والطلابه
يامسلمين اصحوا قبل موت ونعوش = انتم من احفاد#النبي# والصحابه
الي متى واحنا كما الحَب مجروش= انا ولد خندف وهو من شبابه
والدِين وين الدِين ياراعي الطوش = يوم الكرم ماهو برزق الغلابه
ايقنت بان المال مايجلبه هوش = والقبر واحد والنصايب تشابه
والفرق واضح بين ناجي ومكروش= هذاك ينعم والشقي في عذابه
ابولهب في النار وفالجنه حبوش = و ضيق اللحود تعذرك في الرحابه
(ياحوش) تقعد لين نلقالك قروش = وان ماقسم ربي تركتك خرابه[/poem]

الشاعر المبدع برق الحيا

صح لسانك

لا شك أن المحسوبيات والعنصرية مما يولد البغض والشعور بالغضب

قصيدة رائعة وجزلة وقافية ممتعة

والله ينصرك يا ذيبان

أقول للبيع الحوش خلني أنشب لهم هههههههههه امزح امزح

تحياتي

صــ لسانك ـــح وسلمت يمينك

قصيده جزله وليس بمستغرب من شاعر مثل برق الحيا

موضوع القصيده جميل يحكي معاناه يعيشها كثير من الناس وسطرها الشاعر في اجمل الابيات

لله درك

اطيب تحيه لشخصك الكريم

برق الحيا ....

صح لسانك وبيض الله وجهك

عز الله ابدعت

وافيه من راس وافي

تقبل مروري

	المشاركة الأصلية كتبت بواسطة أبو المثلّم

	الشاعر المبدع برق الحيا صح لسانك لا شك أن المحسوبيات والعنصرية مما يولد البغض والشعور بالغضب قصيدة رائعة وجزلة وقافية ممتعة والله ينصرك يا ذيبان أقول للبيع الحوش خلني أنشب لهم هههههههههه امزح امزح تحياتي

لا ماهو للبيع -- لوما قعد فيه الا طوبه هههههههه امزح

مرورك وإطراءك اسعدني اخوي ابو المثلم

والمحسوبيه ماهي شئ جنب الرشاوي في الجهرا والعين ترى الله يخارجنا

بارك الله فيك

نسأل الله السلامه


الشاعر الاجتماعي / برق الحيا .


صح لسانك


والمجتمع يحتاج له إعادة نظر ومراجعة


ولابد أن يكون للشعر إسهاماته



وقصيدتك خير شاهد ،


دمت بحفظ الله ،

صح لسانك وسلم بنانك اخي الكريم برق الحيا

قصيدة شامخة عميقة المعنى جويدة المبنى

خالص التحية

قصيدة جزلة بمعنى الكلمة

قارحتها جميلة جداً ثم تسلسل في الحكم والنصائح


صح لسانك يابرق الحيا

صح لسانك وأعتلى شأنك وكفاك الله مكر الماكرين .. وقصيدة ومعاناة .. ولا شك أن قوتها في مضمونها ومعالجتها لبعض أوجه الفساد والإفساد.

تقبل مروري وبالغ تقديري يا ولد العم ،،،

	المشاركة الأصلية كتبت بواسطة عقيلي من هذيل

	صــ لسانك ـــح وسلمت يمينك قصيده جزله وليس بمستغرب من شاعر مثل برق الحيا موضوع القصيده جميل يحكي معاناه يعيشها كثير من الناس وسطرها الشاعر في اجمل الابيات لله درك اطيب تحيه لشخصك الكريم

اخي الغالي ابو مساعد لاهنت ولاهان حضورك واشكرك علي جميل تعليقك واطرائك

دمت بموده

	المشاركة الأصلية كتبت بواسطة قرناس بني ياس

	برق الحيا .... صح لسانك وبيض الله وجهك عز الله ابدعت وافيه من راس وافي تقبل مروري

صح بدنك ياقرناس ووجهك ابيض

والابداع وجودك هنا

والوفا انت منبعه

ومرورك علي راسي

	المشاركة الأصلية كتبت بواسطة هشام الهذلي

	نسأل الله السلامه الشاعر الاجتماعي / برق الحيا . صح لسانك والمجتمع يحتاج له إعادة نظر ومراجعة ولابد أن يكون للشعر إسهاماته وقصيدتك خير شاهد ، دمت بحفظ الله ،

سرني مرورك ياهشام الشعر

ولاشك ان السلبيات موجوده وللاسف بكثره هذه الايام اصلح الله الحال

وحاولت ان انقل بلسان الحال هذا المقال الشعري المتواضع

صح بدنك ياهشام

دمت بخير وعافيه

	المشاركة الأصلية كتبت بواسطة صالح بن وسيمر المطرفي

	صح لسانك وسلم بنانك اخي الكريم برق الحيا قصيدة شامخة عميقة المعنى جويدة المبنى خالص التحية

صح بدنك ياخوي صالح المطرفي

سرني مرورك واشكرك علي جميل اطراءك

	المشاركة الأصلية كتبت بواسطة أبو رديد

	قصيدة جزلة بمعنى الكلمة قارعتها جميلة جداً ثم تسلسل في الحكم والنصائح صح لسانك يابرق الحيا

صح بدنك يابو رديد شكرا لمرورك وجميل تعليقك

وشهادتك اعتز بها ياصاحبي ايما اعتزاز

لاهنت يابن العم

	المشاركة الأصلية كتبت بواسطة حامد السالمي

	صح لسانك وأعتلى شأنك وكفاك الله مكر الماكرين .. وقصيدة ومعاناة .. ولا شك أن قوتها في مضمونها ومعالجتها لبعض أوجه الفساد والإفساد. تقبل مروري وبالغ تقديري يا ولد العم ،،،

اخوي حامد السالمي سرني مرورك جدا ياذيبان ولاهنت وصح بدنك

وسرني ان قراتها وعلقت عليها

تقبل انت وافر الاحترام والتقدير لشخصك الكريم