زيارة المسعودي للجبرتي في منزله

[align=center]منقول[/align]
زار الشاعر عبدالله المسعودي زميله الشاعر محمد الجبرتي0

من أجل إعداد محاورة لبرنامج البادية 0ولأن المسعودي حضر متأخراً


فقد انتهز الجبرتي هذه الحجة وجعلها موضوعاً للمحاورة0

فالجبرتي يخبر المسعودي أن وقت الغدا قد فات والمسعودي0

لايرى مشكلة فهو باقي حتى تعود الغنم من مرعاها في المساء0

الجبرتي :

مرحبا بالصاحب اللي مثل براقاً يلوح = عهدنا به في زمان العام يوم البرق لاح

جيتنا بالقايلة ماجيتنا وقت الصبوح = الغنم أقفى لبنها والغدا من صبح راح

المسعودي :

البقا بالصاحب اللي حيث مايرزق طموح = نوب يرزق بالمطر ومرار يرزق الرياح

قوم شب النار تحت القدر ختى أنه يفوح = الغنم تسرح مع الراعي وتضوي في المراح

الجبرتي :

إن لزمك الليل عندي بذبح الكبش النطوح = بعد ما جاني صحيبي طاح رأس الكبش طاح

أنت ما يبري جروحك غير مبرين الجروح = والعلامة في جناح الصقر صفاق الجناح

المسعودي :

يا الله إنك تجعل المذبوح فدوة للذبوح = يمكن إن الكبش لاشافك يموت بلا سلاح

والدوا يبري جروحي وأنت جرحك ما يروح = كل ما يلمسك فيه الثوب لجيت الصياح

الجبرتي "

ما يسافر في سفينة نوح غير أصحاب نوح = سافرت بالليل مدري سافرت وقت الصباح

يا شباب العرب لابدك تعود للقروح = وإن نجحت العام أقيس ذا السنة مالك نجاح

المسعودي:

السفينةشالت الصالح على وسق السطوح = وأنت لو قلنا تبا تصلح متى عاد الصلاح

وإن بغيت السمن ما تلقاه في بيت الشحوح = والرخامة ما تجيك من الرياجيل الفلاح

0000000000000000000000000000000000000000
المرجع : ديوان الشاعر محمد بن شريف الجبرتي

وتقبلوا خالص تحياتي

جميلة أول مرة اسمع بها

الاخ سلطان اشكر مرورك الكريم

مشكور ياتوفي الخالدي

عودتنا على الجديد

ولاتحرمنا

فعلاً محاورة جميلة وأول مرة أسمعها مشكور أخي توفي على مواضيعك المميزة .

مشكور على هذه المشاركة الجميلة