حدايتي عند البشور من حرب

هذي الحدايه الاسبوع الماضي رحتبها من رابغ الى الجموم
في زواج الاخ العزيز / فواز بن سعد البشري
في قصر الجوهره 0 ولكم الحدايه والرد


الاوله سلام تسليم الحيا اللي لاح برقه والرعد يسمع رزيمه
اللي نشا من بحر رابغ واتجه يمت خليص ولا اتجه يم القضيمه
من بعدها عدى غران و مر عسفان المسمى ياعسى ربي يديمه
لاكن ما هل المطر يالين وصل الجوهره و الجوهره وسط الجموم


----------------------=========--------------------=========


والثانيه بنشد رجال العرف عن عدة بناتاً فالدروب المستقيمه
دايم تحد الجار عن جاره ولاترضى لحدهم يظلم الثاني ظليمه
واليا ظلم جاره تصيح البنت بأعلى صوتها يالين تصحى كل نيمه
وان كان وان صياحها ما قوّم النيمه يخلص دورها وتصير ما بين الخصوم


--------------- الرد : من الشاعر مخلد بن علي الحجيري البشري -----------


يا مرحبا ترحيبتن مثل المطــر لا صدق الوسمي وذعذبه نسيمه
لاهبت العليا و ركّـــــز فالجنوب خيالها متقبل الشــــام بعزيــمـه
دربه على عسفان مر خليص ثم مغينيه و جبالها حشمه و قيمه
وامطر على واد النويبع و اتجـه سيله لرابغ يا بني عمر القروم


-----------=======------------=========-------


اللغز هذا يا بلادي واضحاً معناه لأصحاب القـلوب اللي سـليـمه
عواكسٍ تعكس تجاه الســــير لسواق كلن في اتجاهه ما تضيمه
و البنت يابن العم تصرخ لا توطتها الاطارات الجديده و القديمه
و تنبه السايق و يمسك خطه الايمن و ستر الله على المسلم يدوم

و سلامتكم

وعذراً على الاطاله