تدرون وش اللي يتعب البنت بالزود ...

تدرون وش اللي يتعب البنت بالزود
رجل يخون أشواقها والموده

اللي الى احتاج الغلا صار نمرود
واذا شبع من ماعطاه استرده

البنت ريحانة غلا ناعمة عود
تبغى لها رجل ورث طيب جده

رجل فعوله كلها جود في جود
مايلتفت للي كفوفه تمده

رجل ليا جته الليالي بمنقود
يتكي لها مابيح الوقت سده

ماهو بخبل مارعى للهوى عهود
وأدناة ماعارض طريقه يرده

ولاهو بعله ولاهو بملهود
ولاشكوك وكل طاري يحده

ماأشين من الرجال لاجاك ببرود
وان قال له ترف القدم شي صده

تبي لها براق طيب له رعود
أن اجذبت يمطر على ريف خده

وأن نادته تكفى لقت عنده الفود
يشيل عزتها على قوى زنده

كفه نفل وأنفاس صدره لها عود
وظلالها الضافي بيدها تمده

البنت خد وقد ونواظر سود
وريحة غلا يابخت من شم نده

البنت لاحبت تثمر لك ورود
وياطيب من يقطف نوواير ورده

واللي يهين البنت ناقص ومقرود
فرس غلا ماهي بحمارة مكده

تحياتي ..,

حفيد شيوخ قصيده جميله.واللي يتوفرله صاحب البيت الأخير
يعتبرتوفرلهاالأجمل والاحلى والامثل.يحمدربه

رائعه جدآ ........
معاني جميله ....
وكلمات في الصميم .....
الف شكر ياحفيد الشيخ (فارس )

سحر الشوق اشكرك على المرور

الصمت الجريح لا شكر على واجب كما اشكرك على المرور