فريدة الاشواق

ياليت مضمالك واذوقك زلالي من نيل حبي لك ولااعطشك واضماك

واشبع ياليت اشبع ولااضماك يانيل وابل ريقي الا يبس بحث عن ماه




,


,


توقيعي بحاجة عزفك



رائعة كروعتك قرأتها أكثر من مرة





اشكرك




لك احترامي

يعل مايضمالك الشوق واذوق ماك القراح الي طلع من شفاياك

يارعشة احساس العشاشيق لا مر زول العشيق ولدة العين ممشاه



سم الكبود يعود للكبد والعبد حكمه على مولاه ياظلم مولاك

مد الذهب للي طلب هاك ... وارتد والي طلب محتاج قفى وخلاه



ماغيب القمري عن العود ياكود دوبه يروح يعود للعود مسلاك

وش جاك مني والاانا ويش جاني والا الوله مره خرج من حلاياه



اسمع رشاشك يامطر نو كنه واشم ريحك مير ماشفت انا ماك

كني الكواكب آه وانتي الكواكب الدرب واحد واللقا ماقدرناه



يااحساس لازمني وياطيف مخفي عيت ميولي لاتخايل سواياك

اقرب من [ا] رموشي لعيني ولكن ابعد من اقصى حد ماقد وصلناه



مدري علام الشوق يشتاقلي حيل والاصدى صوتي رجع يوم ناداك

عريتني وشموس شوقك بلا ظل والشوق يتشابه من اقصاه لدناه



وانا اعرف ان الشوق ناره من النور والاعظم ان النور فعلى محياك

وانتي بعيد وشبت النار فيه والشوق يرميلي حطب من غضاياه



لاياسحاب البيد وينك عن البيد ترجاك بعد الله عن الدهر ترجاك

مغير طير البان ينعق وسرحان جيعان ضامي والضمى زود [ا] عواه



وينك وانا عد الليالي والايام ماتخبر ان المحتري فيك يبغاك

الشوق لك شيب وعود شبابه عود وشيب ثم شبت مزاياه



واصبحت انا في راس رمح الوله لك بين الالم والموت شحت عطاياك

ميقاد حبي له على الصدر مركوز والمشكلة ولع به وراح خلاه



ياطول صبري لك ويابعد ملقاك وياكبر هم العاشق الي تحراك

ياضعف حالي والمحايل لشوفه وياكثر حبي له وشوقي لرؤياه



معاد للطاري حلا غير طاريه اقوم من مجلس سلا عن سجاياك

الهرج مايحلى من الناس للناس الا ليا ترصع بحالي سجاياه



ياموطني المهجور وين ؟ المخاليق وين ؟ الضجيج اللي رفع من مزاياك

وين الحراك فموطني والهدو فيه ؟ وانوار سهران الليالي فضلماه



وين ؟ الشتاء بالله . . وينه ؟ خريفك وين ؟ الربيع وصيفك وين ؟ مغناك

ياموطني المهجور شوقك قتلني يا اجمل وطن واعذب قصيدة مُغناه



عزالله انك في خفوقي تساميت لين ارتفعت وكل مالحقك مااقواك

ان غاب دورته واذا جاء قتلني وبين التعب والموت عايش فذكراه



انسج ثياب الشوق لك من خيوطك يعل تسترني عن اللوم ذكراك

واليا لبست الثوب شميت ريحه واذرفت من عين العجز دمع رجواه



اسرع خيالي لك من النور واقربك ابعد عليه من مخايل حلاياك

ياريح ورد الصبح وينك فها الريح شالتك عني والا انا الريح مقواه



ياليت مضمالك واذوقك زلالي من نيل حبي لك ولااعطشك واضماك

واشبع ياليت اشبع ولااضماك يانيل وابل ريقي الا يبس بحث عن ماه






بقلم \ ماجد بن دخيل الشيناني الزيداني الهذلي

وجد مسترسل عذب


ماجد الزيداني


شاعر يملك نفس طويل



صح لسانك ..

ما شاء الله تبارك الله

صح لسانك يا ماجد

فعلا تمتلك نفس طويل

مبدع

تحية طيبة

صح لسانك يابو دخيل

فعلا رااااائع ومتمكن في كل ما تكتب

لله درك

ما شا الله عليك نفس طويييييل الله يعطيك العافيه

صح فكرك يا مــــــــاجد

تقبل مر و ر ي

صح لسانك يا ماجد

كتبت و ابدعت لله درك

متابع لكل جديد

الله... الله.. الله.. يا بو دخيل

صح لسانك و أعتلا شانك
بيض الله وجهك

تقبل مروري المتواضع

ياسلام ياماجد
مبدع وقصيده جزله من ذوات النفس الطويل
ممتلئه بالمفردات الرائعه والدرر الثمينه
لاااااعجب فهنا
ماااااااجد
لك ودي يا شاعر

	المشاركة الأصلية كتبت بواسطة هشام الهذلي

	وجد مسترسل عذب ماجد الزيداني شاعر يملك نفس طويل صح لسانك ..

صح بدنك اخوي هشام الله لايهينك

انارة صفحتي بوجودك

موفور احترامي

	المشاركة الأصلية كتبت بواسطة عماد الهذلي

	ما شاء الله تبارك الله صح لسانك يا ماجد فعلا تمتلك نفس طويل مبدع تحية طيبة

اخي الحبيب عماد صح بدنك

حقيقة شرفني واسعدني وجودك في متصفحي

ودي

	المشاركة الأصلية كتبت بواسطة عقيلي من هذيل

	صح لسانك يابو دخيل فعلا رااااائع ومتمكن في كل ما تكتب لله درك ما شا الله عليك نفس طويييييل الله يعطيك العافيه صح فكرك يا مــــــــاجد تقبل مر و ر ي

يامرحبا يابو عيضة كم اتشرف واعتز بوجودك هنا

دايما وابدا لك ودي واحترامي

	المشاركة الأصلية كتبت بواسطة عز الرفيق

	صح لسانك يا ماجد كتبت و ابدعت لله درك متابع لكل جديد

صح بدنك ياعز الرفيق

امتناني وتقديري

	المشاركة الأصلية كتبت بواسطة قرناس بني ياس

	الله... الله.. الله.. يا بو دخيل صح لسانك و أعتلا شانك بيض الله وجهك تقبل مروري المتواضع

هلا بالحبيب هلا يارايد وصح بدنك ياصقر ووجهك الابيض

مرورك شرف طال عمرك

ودي واحترامي

	المشاركة الأصلية كتبت بواسطة خالد الحجي

	ياسلام ياماجد مبدع وقصيده جزله من ذوات النفس الطويل ممتلئه بالمفردات الرائعه والدرر الثمينه لاااااعجب فهنا ماااااااجد لك ودي يا شاعر

انا الذي لااعجب لعبق ماخطته يداك من رواح الزهور


كم اسعدني وجودك ياخالد بل يامبدع

ودي واحترامي يابو وليد

ياسلااام عليكــ ياابو دخيل..

قصايد داخل قصيده..
.
.

واحساس ولا اروع..

اطربتني بهذه المعزووفه..
.
.


لكـ احترااامي