قصيدتي في حفل تنصيب الشيخ سعود شيخا على البطحه من لحيان

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
من هجوس بالجزايل ماتخالف ظني =مثل نور الشمس مشرق والعيون تشوفه
اوكما البراق تقفاه الرعود تدني = يفرح نفوس العباد وتنفتن بوصوفه
من لسان الشاعر اللي بالجزيل يغني = وبسم شيخ ما اعتذر عن ماقفه بظروفه
مرحبا باللي لفا في حفلنا متعني = يا ضيوف حظها من كل طيب قطوفه
بالنيابه عن سعود وربعه أهل القني= الرجال اللي سيرها بالوفاء مردوفه
شيخنا راعي شداد وفخرنا به مثني =ضلع شامخ من نزل بحماه يأمن خوفه
كن ما غيره بصيحات العزاوي معني = يوم دنت ما ادرق بالحجة المشهوفه
والبطيحي بالثناء والمدح ذكره مبني =قصر عالي في شموخه ما تعد ضيوفه
والكرم مثل البحر فيض بليا مني = ولو ذخر من بعض وجده خالفته كفوفه
وذكرنا مخبور ما هو سالفة متمني = في رخاء الأيام ولا في حطيم عجوفه
ولا يتغير صيتنا اللي بالفضايل مغني =لو تغير وقتنا في سيرته وصروفه
وفخري بلحيان أهل الهيل وأهل البني =فخر نفس باسمهم وأفعالهم مشغوفه
وكل ربعي من رجال هذيل نور يسني = ذكرهم بالماس والياقوت خط حروفه
نجم عالي يقتدا به والظلام مجني = وكل نجم معتلي يبهر بزين صنوفه
وانشدوا التاريخ عن ما فيض وما كني =من صفات بالثناء في دفته مصفوفه
يشهد الله كل ما اقراء سيرته تفرحني= والمدايح كلها على اسمنا معطوفه
والحقايق شامخه والمستمع يذهني = بعد صغت من الفرايد مهرة معسوفه
ويا عسى ربعي الكرام بحلمها تعذرني= وان ثنيت المدح فيهم ما علي كلوفه
ويا الله انك عن سبيل الحق لا تفتني= واعف عني في النهار اللي طويل وقوفه
والختام أطلب إله الكون لا يا ثمني= كان طففت الثناء في ربعي المعروفه
ويا صلاة الله على المبعوث لإنس وجني =من حمل ختم النبوه نور بين كتوفه[/poem]