حيلتي ضاقت - ::{ مجالس قبيلة هذيل }:: موقع يهتم بتراث القبيلة ومفاخرها

02-22-2011, 01:51 AM

الأبيات عباره عن توجّد .., و قد وجهتها إلى صديق
عزيز وغالي ., وارجوا أن تنال الإعجاب
إن شاء الله
والغرض دائما هو عدم الإنقطاع عن هذا المنتدى الشامخ بما يمثله
.
صاحبي ياسيف ياالقرم يالسنافي
...............جارت الدنيا على صاحبك جارت

حيلتي ضاقت.,لو إن العقل وافي
............والهجوس امن الكدر دارت وحارت

جافلٍ عن مرقدي .رامي لحافي
..............ساهرٍ وأرعى النجوم الين غارت

ماغفيت .ونوم خلق الله عوافي
..........لين روس النيف .بالشمس استنارت

والهموم اتخزني خزْ الشلافي
................لعنبوها كيف في طعني تبارت

قال من جاني:عسى مابك خلافي
.............شوفتك ماهيب شوفة قبل صارت

ناحلٍ جسمك ولا أنته بمتعافي
...........لين عفت الهرج والنفس استخارت

وإنتحيت.وصرت للعربان جافي
.............لين ماجتْكم هجوسي وإستشارت

والسبب .كدْرٍ شربته عقب صافي
...............في هوا خلٍ وراه الروح طارت

مهرةٍ في جالها محدٍ يشافي
...............هي تشوف الزين كله لا تمارت

عينها عين أشقرٍ للصيد حافي
...............يوم شاف الصيد لدّته إستدارت

والشعر ليلٍ على الأمتان ضافي
..........وإن مشت .مشية غزالٍ ما أستثارت

عودها .من لينها .فيه انعطافي
................لو تناظرها مهآة الصيد غارت

جيت أشاور مير سيّرت القوافي
.............في وصايفها ولا أدري وين سارت

وش بقي لي حلْ من بعد التجافي
.........وين اروح امن الطيوف ان جتْ وزارت؟؟

تركي الصخري

02-22-2011, 07:47 PM

صح لســــــــــــــــــانك اخي تركي

قصيده رائــــــــــــــــــــــ ـــــــــــــــــــــــــ ــــعه

اطيب التحايا

02-23-2011, 06:14 AM

صح لسانك يابو قريش وسعداء بعودتك

شكرا لهذا التواصل

02-24-2011, 02:34 AM


	المشاركة الأصلية كتبت بواسطة بن عادي


	صح لســــــــــــــــــانك اخي تركي قصيده رائــــــــــــــــــــــ ـــــــــــــــــــــــــ ــــعه اطيب التحايا

اخي العزيز : بن عادي
صح بدنك يالغالي
والروعه متمثله في حظورك الراقي برقي اخلاقك
تحياتي واطيب امنياتي

02-24-2011, 08:06 AM

اسعدنى وجودك بيننا ......... وصح لسانك كون بخير .......

02-24-2011, 12:23 PM

صح لسانك وبيض الله وجهك

وشكرا على التواصل وحياك الله ابدا