من روائع القصيد((عالي والمسعودي ))

السلام عليكم ورحمة الله وبركاته

هذا أول موضوع أطرحه <<<عضو جديد

اتمنى يعجبكم

وركزوا بالكلمات والمعاني عشان في سؤال بالأخير00

هذه محاوره حدثت بين شاعرين معروفين00

الشاعر عالي علي العصيمي
والشاعر المرحوم عبدالله المسعودي

حيث قال المسعودي :.

آه ياقلب يامابه ولا يزتاد مابه
كل ما أذكر ماجراله يا عالي زاد زوده
مع خويي ماقضى من قوانين الصحابه
والهدايه والرضاء من كرم ربي وجوده

قال عالي:.

ياعسى ماباس ياقلب يشكي ويش أصابه
لابحث خافي سدودي ولا باحث سدوده
والوفاء ياذيب طبع النموره والذيابه
يوم بعض الناس عن ماقفه تبرد زنوده

قال المسعودي:.

شاعر الهذلان حاميك يا شاعر شبابه
ماتنوشك طقه الراس وأنت في حدوده
رمحنا في راس دابل يبا ياكلك نابه
والزمان الشين يالله علينا لا تعوده

قال عالي:.

منت بادعلك بديعه ولا ناهب نهابه
مثل مالك لي كما ضابط يامر جنوده
جعل رمح يقتل الداب مايكسر نصابه
مير ربي سلم الداب من رمحك وعوده

قال المسعودي:.

فك باب الخير والشر عنا صك بابه
جعل ماشافتك ياصاحبي عين حسوده
العصيمي حال بين الوفاه وبين دابه
والسلامه حايطتبه وبارقها يقوده

قال عالي:.

من سعى بالخير ربك يبا يكتب ثوابه
لا تهين الروح مازال مهي بمحدوده
لو بغينا ذبحة الداب ما ذبحه مهابه
مير قطع القلب عد محيمات وروده

قال المسعودي:.

راع الحسنات جوع عياله في جنابه
والفخر مع شمخ الروس دينه ومعبوده
والله إنا مانفرق قريب من قرابه
وأطلبوا مني اشهودي ومن عالي اشهوده

قال عالي :.

أثر عبدالله سريع الندب والإنقلابه
وان نشدت الناس قالوا طبيعه من جدوده
وأنت ذيب ساع ما طاح له في نمر غابه
مير مدري ويش تسوي جهودك مع النمر وجهوده

والسؤال0000مين برايكم فاز بالمحاوره وكان قوي

أنا برأي اللي كان قوي <<<كلهم

لكن أستسلم المسعودي<<<رحمة الله عليه