والدي في حفل أم الراكه - ::{ مجالس قبيلة هذيل }:: موقع يهتم بتراث القبيلة ومفاخرها

03-29-2011, 09:30 PM

الأخوة في مجالس قبيلة هذيل
السلام عليكم ورحمة الله وبركاته
يسرني أن أقدم لكم قصيدة والدي التي ألقاها في حفل أم الراكة
إحتفالاً بعودة خادم الحرمين الشريفين
أتمنى أن تنال إستحسانكم :

[BIMG]http://s6wtma.bay.livefilestore.com/y1pBo3d1_ORRKHyWeXv22jD5ueme3dAu2M4cnxaK3lCw4S1N5u m0xAriF_L0JrLKqcfjtntBTOnpQKMObfq5sIAYjdDQuwrFRCv/DSC00098.JPG?psid=1[/BIMG]

أول بداية ذكر ربي وطاريه = قبل الكلام اللي نقوله ونبديه
يالله جنبنا الزلل والمشاريه = يسّر لنا المقصود في كل الأوقات

-----------------------------------------------------------------------------------------------------------------------------------------------------------------------------------------------

من بعدها هاضت هواجيس بالي = وارخي رسنها في طوال الحبالي
تاخذ مداها مع كرام السبالي = ماتنقصر في الواجبة والمهمات

------------------------------------------------------------------------------------------------------------------------------------------------------------------------------------------------

جينا نشارك في إحتفال القبايل = فرحة وطن ندحر بها كل عايل
نرفع شعار الدين في كل طايل = شعارنا الإسلام فوق الشعارات

-------------------------------------------------------------------------------------------------------------------------------------------------------------------------------------------------

عاد الملك واستبشر الناس بالخير = وتبدلت عسر الليالي تياسير
وقاموا يزفون الفرح والتباشير = مأجور والله يابو متعب سلامات

-------------------------------------------------------------------------------------------------------------------------------------------------------------------------------------------------

عودة ملكنا تنعش القلب والروح = الحاكم العادل دوا كل مجروح
اللي بنى للشعب هامات وصروح = الخير في وجهه ركزله علامات

-------------------------------------------------------------------------------------------------------------------------------------------------------------------------------------------------

مادمت طيب يابو متعب ومرتاح = حنا بخير وعز وسرور وافراح

ياحي هاذاك المحيا بعد لاح = لاحت معه مدات للشعب جزلات

------------------------------------------------------------------------------------------------------------------------------------------------------------------------------------------------

ياخادم البيتيتن نفداك بالدم = حنا جنودك يابو متعب تقدم
رايك سديد وراي غيرك مهدم = أنت الحكيم اللي فعولك عظيمات

---------------------------------------------------------------------------------------------------------------------------------------------------------------------------------------------

إسمك يابو متعب على الصدر مطبوع = في قلوب شعبك لك مساحات وربوع
ويبادلونك حب ماهو بمقطوع = متوارثينه من سنيناً قديمات

--------------------------------------------------------------------------------------------------------------------------------------------------------------------------------------------------

مرحوم ياعوداً دفن في ثرى العود = جاب الرجال اللي صناديد وفهود
منهم أبو متعب على الخير موجود =من جاب ابو متعب ترى حي مامات

---------------------------------------------------------------------------------------------------------------------------------------------------------------------------------------------------------

ومنهم أبو خالد ذرا كل مرتاع = درع الوطن عن كل خاين وطماع
سلطان سلطان الشجاعة والإبداع = حصناً حصين إن راحت علوم وإن جات

-------------------------------------------------------------------------------------------------------------------------------------------------------------------------------------------------

وهذاك نايف يوم يطرون نايف = أسقى العدو سم العطب والحسايف
ضلعاً زبين ويزبنه كل خايف =رجل المواقف في جميع الملمات

---------------------------------------------------------------------------------------------------------------------------------------------------------------------------------------------------

أسرة حباها الله عزه ومقدار = تحكم بشرع الله في كل الأقطار

عن شرع ربي ماتجنب وتختار = دستورها القرآن في محكم آيات
--------------------------------------------------------------------------------------------

واحنا على عهد الولا مستمرين =نهج الرجال اللي على العز ماشين
نجدد البيعة ولااحنا بغاوين =مانلتفت في كل مغرض وشمات

-------------------------------------------------------------------------------------------------------------------------------------------------------------------------------------------------------

واختامها ياالله ياخالق الكون = تحمي وطنا من ردا اللي يكيدون
وادعوا معي ياللي لبيته تلبون = يحفظ ملكنا من صدوف البليات

وسلامتكم

03-29-2011, 11:29 PM


	واحنا على عهد الولا مستمرين =نهج الرجال اللي على العز ماشين نجدد البيعة ولااحنا بغاوين =مانلتفت في كل مغرض وشمات

صح لسان الوالد الله يطول عمره على الطاعه
بصراحه قصيده قد المقام
كامله شامله

03-30-2011, 01:58 AM

الله الله . . . تشرفت بسماعها من ملوك الدعدي في الحفل و تشرفت بمقابلته رجل كريم حكيم و شاعر مكين

سلمت يا حمدان على النقل . . .

و صح لسانك يا ابو حمدان و بيض الله وجهك . . . و يعلم الله انا فاقدينك في المنتدى

03-30-2011, 03:41 AM

صح لسان الشاعر لكبير ابو حمدان

قصيده وافيه من شاعر وافي

مشكور يابو صقر على النقل تحياتي لك .

03-30-2011, 11:18 AM

صح لسان أبو حمدان

جزل ولايضوي غير الجزلة

وبيض الله وجهك يابو صقر على النقل

تحياتي

03-30-2011, 01:10 PM

قصيده راااائعه صح لسان الشاعر الكبير ابو حمدان الدعدي

ولي عوده لتعليق مره اخرى

03-30-2011, 01:18 PM

بيض الله وجهك اخوي صقر وبارك فيك

وبيض الله شيخ مجالسنا ابا حمدان وصح لسانه..

03-30-2011, 04:01 PM

يسعدني تواجدكم في متصفحي الله يعطيكم الف عافيه

تحياتي

03-30-2011, 09:05 PM

بيض الله وجه ابوصقر..
وبيض الله وجه ابو حمدان..
وصح لساانه..
.
.
وكم تمنيت ان اجد ابوحمدان هنا في هذا المتصفح..
لينير لنا منتدانا بتواجده "خصوصا" في القسم الشعبي..
.
.

احترامي

04-07-2011, 01:38 PM

الجميع يتفقون على حب المليك المفدى

والجميع استبشرو بعودته

والجميع دعو الله على عودته سالما معافا

والشاعر ملوك الدعدي الهذلي

ومن رؤيه خاصه وعامه استشفها

في عيون وملامح شعب المملكه الوفي الكريم

اخرج لنا هذا النص الراااااااااائع والذي يعتبر من اجزل القصائد واعذبها

ذاهبا ً بنا معه في قافلة المعاني وترجمه خاصه للوفاء الهذلي والمحبه الصادقه للمليك والوطن الغالي

صح لسانك يابو حمدان وبيض الله وجهك

تحياتي

04-07-2011, 04:40 PM

تسلم اخوي على المرووور

04-07-2011, 04:47 PM

الله الله ياصقر

والله ونعم ونعم ونعم

والدك شاعر جزل ولايجيب إلا الجزلة، وقصيدة تبيض وجهه ووجيهنا كلنا

صح لسانه لين يرضى، وسلمت يدك على النقل ياصقر

تقييم أعلى

تحية طيبة

04-07-2011, 06:26 PM

سلمت يالنشمي

وصح لسان أبو حمدان

وبيض الله وجهه

شكراً لك

04-07-2011, 06:46 PM

عماد الهذلي

ابو رديد

يعطيكم الف عافيه على المرووور

04-08-2011, 03:26 AM

يعطيك العافيه يابو صقر وصح لسان الوالد ولاهنت ولاهان

دمت بخير