شاعر الملك

هديتي لكم بعد طول غياب هي عبارة عن قصيدة شاركت بها في مسابقة شاعر الملك ارجو أن تنال استحسانكم وان يحالفها التوفيق للتأهل للمرحلة الثانية ...

بسم الله الرحمن الرحيم

قصيدة الشاعر /تركي بن سلمان الحساني الهذلي

[poem=font=",4,darkblue,bold,normal" bkcolor="transparent" bkimage="http://www.hothle.com/vb/mwaextraedit4/backgrounds/25.gif" border="double,3," type=2 line=0 align=center use=ex num="0,black""]
أنت روح الشعر واحساس القصيد =وانت نبض قلوبنا حــــب وولا
وانت ساس العز والمجد التليــــــد= كل يوم تزيد من زود الغــــــلا
مانقص حبك يابو متعب يزيـــــــد = فخرنا تبقى على روس المــــلا
انتشر في اجسادنا عبر الوريـــــد = حبك اللي لن نســـــاوم بــه ولا
سطر التاريخ تاريخ مجيـــــــــــد = شاف عبدالله وعن غيره ســــلا
عاشت الدولة معك عمر جديــــد = في ازدهار وفي رقي وفي علا
تحت حكمك كل شعبك مستفيـــد = الفقر من جود يمناك انجــــــلى
عن مواقيف الشهامة ماتحــــيـــد = مثل صقر في سما العز اعتلى
وانت سيف النصر في اليوم الشديد =طاح نجم ونجم قايدنا عـــلى
لو نويت تزيد في خصمك تزيد = لو ورا خصمك عمالة واعمـــلا
ولو نويت تحط في ايد الخصم قيد = فضلكم مايجهله غير اجــهلا
وكل فكر ضال واحساس بليـــد = من يريد الشر يبشر بالــــــــبلا
للرقاب العوج سيف من حديد = من يشب النار بالنار اصــــــطلى
والكلاب اللي تنابح من بعيد = وش علينا لوتنابح في الخـــــــــــلا
ياملكنا كل شعبك لك رصيد = يعلن البيعة وتجديـــــــــــــــد الولا
بيعتك نادى بها حتى الوليد = فز مع طلتك نادى ياهــــــــــــــــــلا[/poem]


وسلامتكم

صح لسانك آخوي تركي الحساني

شاعريه واضحه ولآ غرابـه .

وآراهن على التأهل إن شاء الله تعالى .

تم تنسيـــق النـص

صح بدنك يابو يزيد

وشكرا على التنسيق ....

صح لسانك يا ولد العم وفالك التوفيق
تحياتي وتقديري ،،،

صح لسانك وتمنياتنا لك بالتوفيق في هذه المسابقة بالتأهل والحصول على المركز الأول

تحياتي .

صح لسانك ياتركي وبيض الله وجهك

قصيدة جزلة

وفالك التوفيق يابن العم

صح لسانك


قصيدة رائعة تفوح منها وطنية كبيرة



شكراًلك

صح لسانك ياتركي شاعر تستحق المتابعه واتمنى لك التوفيق في المسابقه

صصصصصصصصصصصصصصح لسسسسسسسسسسسانك يابن عمي كفوووووووو...وان شاء الله مابه خسرررران دام القصيييييده في ابو متتتعب

	المشاركة الأصلية كتبت بواسطة حامد السالمي

	صح لسانك يا ولد العم وفالك التوفيق تحياتي وتقديري ،،،

صح بدنك ياخوي حامد ....
شكر وتقدير

	المشاركة الأصلية كتبت بواسطة مطرفي الدلم

	صح لسانك وتمنياتنا لك بالتوفيق في هذه المسابقة بالتأهل والحصول على المركز الأول تحياتي .

صح بدنك يالغالي ...الله يسمع منك ...شكر وتقدير

	المشاركة الأصلية كتبت بواسطة أبو رديد

	صح لسانك قصيدة رائعة تفوح منها وطنية كبيرة شكراًلك

صح بدنك يالغالي ...شكر وتقدير

صح لسانك يابو سلمان قصيده جزله

فالك التأهل والفوز إن شاء الله

صدى الماضي ____ بن قاسي ____ ابو حاسن ... صحت ابدانكم ولكم جزيل الشكر على المشاعر الصادقة تجاهي ...تحياتي وتقديري

نص فاخر وبالتوفيق يالامير