يوم كلٍ حاز عنها مساعد حازها

إهداء لأخي وصديقي الغالي
مساعد سعود المطيري ( أبوفارس )
بمناسبة ترقيته

[poem=font="Simplified Arabic,6,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قلت يالهاجس ودق التحيه ثم قال=من يعرف العسكرية يعرف إيعازها
الرتب ماترفع إلا الضعوف من العيال=اعرف رجالٍ تعز الرتب بإنجازها
مثل ابو فارس ليا قيل شيال الثقال=خل عنك اللي تسولف على مركازها
الثقيله مالها إلا البريع من الجمال=كم ضعيفٍ ما قدرها لو إنه رازها
والجمايل مالها إلا مطانيخ الرجال=يوم كلٍ حاز عنها مساعد حازها
قمة الأمجاد مثل المنيف من الجبال=القليل اللي رقاها وكلٍ هازها
والطيور الوان واشكال كلٍ له مجال=ماتقارن مع حرار الصقور وبازها
والهدف ماجابه إلا المخاميس الطوال=من على الذرعان وإلا على معنازها
إبعد الأنواز وإدع النشاما للنزال=تشكر البرنو ليا شفت طرح انوازها
قلتها واقولها صدق في كل إحتفال=ما مدحت إلا قروم العرب وعزازها[/poem]

صح لسانك ياشاعر الحكمه ويستاهل ابو فارس كل خير

صح لسانك ياشاعر الحكمه وبدورنا نهني صديقك مساعد المطيري على الترقيه ونقول له الف مبرووك تحياتي وتقديري

صح لسانك شاعر الحكمة



والف مبروك ترقية خويك والله يوفقه

ويوفق الجميع

صح لسانك يا بو ناصر ونعم في المادح والممدوح

صح لسانك شاعرنا الرمز ، ومبروك الترقية لزميلك ويستاهل المدح.
تحياتي ،،،