مــــلك القلـــوب

الأعــــــــــــــزاء:-
مساكم / صبحكم
الله بالخير والمسرات
هذا نص جاء على عجاله اتمنى ان يحوز على رضاكم
ثلاث اشهور قلبي مرتحل من داخلي بسكات
رحل في شهر ذا الحجه لكنّه ماهو اللحاله
معه ستة عشر مليون قلب وسارت الرحلات
ترافق شخص يملكها//ملكها صدق بفعاله
تؤازرها العيون اللي تهل ادموعها عبرات
على فرقى حبيب الشعب عز الشعب وضلاله
وقامت تلهج الالسن وتدعي باصدق الدعوات
وتلجى لله اللي مايخيّب منهو يلجا له
رفعنا ايديننا //يالله يامن تفرج الشدات
تسلم خادم البيتين في حله وترحاله
وتشفيه الشفاء العاجل اللي يبري العلات
وتبقى العافيه يارب دايم دايمٍ فاله
حمدنا الله بعد انه طلع يمشي على الشاشات
وبشرنا الربيعه عن طويل العمر واحواله
وسر المملكه هذا الخبر // هذا الخبر بالذات
ولبست للفرح ثوبه وصارت تنظر اقباله
حقيقه طالت المده دقايقها مع الساعات
نتابع نشرة الاخبار //وين امييل اعقاله؟
وجانا في خبر عاجل من الديوان ياسادات
على منهو رحل قلبه يجي فوراً على الصاله
نهار الأربعاء بعد الظهر علمٍ عليه اثبات
ملك كل القلوب ايحين هذا الوقت ميصاله
هلا يامرحبا في مرحبا ياوافي المدات
هلابك وسط دارك ياعريبٍ عمه وخاله
يزول الباس واجر وعافيه ياراعي الوقفات
كريم الاصل وافعاله حقيقه تسبق اقواله
جميعاً كلنا عبدالله ونرفع له الرايات
ابونا العادل الحاني وحنا كلنا اعياله