احد ينام وحط راسه بكمه

قصيدة للشاعر / بندر بن سرور الدلبحي الروقي العتيبي رحمه الله:


يالله ياجالي الامور المهمه = تجلا وهج قلب(ن) برى حال راعيه
البر دجته والبحر رحت يمه = يقطعك ياحظ (ن) على الله مساعيه
يوم ان ولد اللاش رزقه على امه = رزقي على اللي ميت القشع يحييه
يامل قلب(ن) كل مامات همه =دارت دواليب الدهر لين تحييه
افراق شمل الناس عيا يلمه = وقت يشيب الراس من شاية فيه
احد(ن) ينام وحط راسه بكمه =واحد(ن) تخم النوم عينه وتخطيه
واحد(ن) يحاول بالردى بنت عمه =واحد(ن) يحاول ستر عذرى عوانيه
ماني وانا بندر ببياع دمه =يقطعك يابياع دمه ومهفيه
اللي يبيّع لابسات الازمه =ثور(ن) يبي بيض الرعابيب تغنيه
يزعل ليا جت ليلة الدور يمه =يرضى بسوق المال فخوه وفابيه
خطو البخيل اللي يكبر معمه =يقرا الكتاب وواجب الله يخليه
اما هرج لك في رفيقه بنمه =والا عطا وامه تضيع هقاويه
أنشدك ياللي كل فرض(ن) تتمه = تقرا الكتاب وكل فرض(ن) تصليه
ويش القليب اللي غميق(ن) مجمه =مافاد غرسه ماه عطشى سوانيه
تخالف الانظار شرق(ن) ويمه =وكل(ن) هدف رآيه من الناس مرضيه
سم السبب ياعارف عنه سمه= سم السبب ياعارفه قبل اسميه

شـــــــــــــــــــــــك را" المبدعه على الابداع

قصيده جميله جدا" وحكم راقيه


تحياتى وتقديرى

بندر بن سرور الروقي شاعر من شعراء عتيبه المبدعين

وقصته مع السديري عجيبه , لم ينل ألإهتمام الكافي إعلاميا فانذثر شعره

مشكوره يالمبدعه

شكرا لك على عرض مثل هذه الجزالة التي تزخر بالحكم وعزة النفس