جرحتني وجرح المشاعر ترى غير ???روعه

قصيدة جرح المشاعر

جرحتني وجرح المشاعر ترى غير
حتى الجروح لاشك ما هي سويّه
دام افترقنا يالله عسى خير
ما كل مكتوب علينا بليّه
ما كان ودي تجرح القلب وتسير
ولا كان ظني تقتل الحلم فيّه
كثرة صدودك والبعد والمعاذير
ما عاد خلت للسوالف بقيّه
ياما عطيتك من صباحي تباشير
وأخلصت لك بالقلب حب ونيّه
كان اعتقادي لو حصل يوم تقصير
تبقى مشاعرك الوفية وفيّه
واللي طلبته قلت لك تم ويصير
ما كنت داري إن موتي بيديّة
صدق المشاعر صابه اليوم تغيير
كل شي تغير فيك والله عليّه
دايم أدور للهجر منك تبرير
وأقول يمكن جاك منّي خطيّه
حتى خيالي مالقى فيك تفسير
أروح وارجع باليدين الخليّه
رفعت قدرك وارتضيتك عن الغير
فيما مضى كنت بزماني هديّة
واليوم ردي مايبي منك تفكير
هو باقي أردى من حياتي الشقيّة

الصمت الجريح ........ قصيده جميله
تحياتي

الف شكر على مرورك الراقي

كثرة صدودك والبعد والمعــــــاذير
ما عاد خلت للسوالــــــف بقيــــة

رفعت قدرك وارتضيتك عن الغير
فيما مضى كنت بزمــــــاني هدية

ابيات رائعه في قصيدة رائعه وتقبلي مروري

أسعدني مروروك الكريم ياحفيد الشيخ
الف شكر