تنبيه مهم وطبخة مكاوية لأهل اول

اول حاجة السلام عليكم ورمضان على الابواب واديمني اسمع غلط بالمرة خطير اسمعلكم ناس تقول سمبوسة وانا اقول لا تقول سمبوسه ولك بوسة هههههههههه
الصحيح يابن الناس سبموكة لانو شكلها زي السمبوك يعني مسلسة قصدي مثلثة زي الشراع اللي في السنبوك عشان كذا انتبهوا يابدو هههههههههه
وهادي المعلومة طازة من عمك نمط ما تلتقوها عند الواااد هادا اللي اسمه قوقل

رمضان قريب ياحلوين وبهزه المناسبه راح اعملكم كم اكلة تاكلوا صوابعكم ورااااها وتدعووولي كتييييييييييييييييير
وقبل الاكلة اقدملكم سفرة رمضان المفضلة ( اول شي شربة من زمزم مع التمر تاااني شي الفول بالسمن والشريك والسوبيا اللي يحبها قلبك وقمر الدين والسبموكة ) ومن زاد زاد الله في رزقه بس هااا يا اولادي واخواني لا تعبوا التوانك يعني بالمعقول وتلت للطعام بس

شكلي طولت الهرجه وهي قصيرة

هيا تفضلوا معاياه للمطبخ واكلتنا اليوم اسمها سقدانة ولا سوقدانه وراح تاكلوا صوابعكم وراها عشان كدا انصحكم تحطوا شوية ملح في اصابيعكم لا تفرموها بالغلط ههههههههه

الطريقة:
جيبلك كاسة سقدانة > كاسة جبنه فاضية لا تكون مشغوله ههههههههههه.
سبع كاسات ماء مليانه ولا تشرب منها ولا جغمة ههههههه . كاستين حليب بودرة > مو تروح تحط بودرة جسم مع الحليب هههههههه .
كاسة ماء لتذويب السقدانة عشان تسير طريه ولوقه . كاسة الاربع سكر ولا تلاتة ارباع اللي يجي معاك منهم ههههههههه
مع اضافة اي نوع من النكهات المرغوبة(هيل مطحون اوماء ورد)على حسب رغبتك ونصحيت عمكم تتوصوا بيييهم.

__ــــــــــــــــــــــــ ــــ ـــــــــــــــــــــــــ ـــــ ـــــ
1- غسلوا السقدانة مزبوط بيدكم يا اخويه ولا زم تكون مغسل يديك مزبوووووط وتتنقع السوقدانه بكاس ماء لمدة ربع ساعة ولا 15 دقيقة ولا ساعة الا 45 دقيقة هاادي انت حر فيها اختار ولا تحتار ولا تنهار اعصابك.
2- حط المووويه في طنجرة (قدر) وحطوا عليه الحليب والسكر وحركوه مزبوط بخفاق البيض لمن يطبخ الحليب.
الى ان يغلي الحليب .
3- بعد جيب السوقدانه وحطها با اخويه على الحليب وقلبه مزبووووووووط حتى يغلي وتصير الحبة شفافة زي البرجوووون .
4- هيا جيب دحين الهيل و موية الورد وقلبها مع اللي في الطنجرة
هيا انقز دحين وجيب الزبديات وصبها وبردها في التلاجة مو تروح تشفطها على طول وتحرق لسانك ويفوتك الطعم اللي وصي عليه الدكتور ويروح شرحي هادا هباءا منسورا
لانه لازم تكون بارده ومبرده
وبالصحة والعافية ورمضان كريم ولا تنسون تدعولي معاكم

باين علاك راعي طبخات

مشكووووووور يانمط رهيب

تحياتي

وصفة طيبة من وجه طيب وإن شاء الله نجربها وندعو لك.
بارك الله فيك ،،،

	المشاركة الأصلية كتبت بواسطة بن عادي

	باين علاك راعي طبخات مشكووووووور يانمط رهيب تحياتي

قول ماشاء الله لا تتحنقفلي واحرق القدور
زمآآآآآآآآآآآن ياقدور النحاس

	المشاركة الأصلية كتبت بواسطة حامد السالمي

	وصفة طيبة من وجه طيب وإن شاء الله نجربها وندعو لك. بارك الله فيك ،،،

هذا من طيبك روح ياشيخ ربنا يوفقك